2 Kings 2:7 - Ohiatonhseratokénti

⁷ tánon wísk-niwásen niháti ne rotitókense wahonwatíseʼre Jordan niahónhne. Né Elijah tánon ne Elisha kaniatarákta watníthaʼne, tánon ne wísk-niwásen niháti rotitókense kwáh nenhʼné꞉e kenhnióre natsatákʼta thonhtahatítaʼne.

2 Kings 2:7 ပူးပေါင်းရင်းမြစ်များ

1 Kings 18:13

Iáh kén tesarihwáronhke nètho nó꞉nen ne Jezebel shiʼhiakononhwarhiakónhnionsʼkwe ne rothitokenhséhakwe ne Roiá꞉ner rahonkwetashón꞉ʼas kènhne énska tewenhniáwe niháti tsi iosthenrakarónhtons nónhwe nikhehiathasethánion, tehothitsiókwahkes wískʼson-niwásen niháti ne shothitsókwahs, tánon thaʼkhehiatkáwaʼse ne ká꞉khwa ó꞉ni noné꞉kanos?

1 Kings 18:4

tánon nó꞉nen ne Jezebel sihononhwarhiákonsʼkwe ne Roiá꞉ner rahonkwéta rothokenséhaʼkwe, né Obadiah enskatewenhniáwe niháti iashakohiathénhawe, osthenrokónhsons waʼsakohiathasethánion tekenhtsókwahkes washakotsiokónhni wísks-niwásenh nihá꞉ti ne skenhtsiókwah, tánon waʼshakonónhthen ó꞉ni wasakonekánonhte.)

1 Kings 20:35

Tsi ki nihorihwatháton ne Roiá꞉ner saiáta rahiátare ne rahothitsiókwahkon ne rotitókense wahó꞉nahne né ronaténhro rotó꞉kense nahokónhreke. Ók iáh né tehothontháton,

2 Kings 2:15

Né wísk-niwásen niháti rothitó꞉kense ne Jericho nithonénon wahonwáken tánon wahonhníron, “Né rahoshastsʼténsera ne Elijah rahonháke ne Elisha sakará꞉ne!” Thóh niahónhne iathonwáterathe, rahohénton wathontsákete,

2 Kings 2:16

tánon wahonhníron, “Wísk-niwahsenh nihiátion kénʼen iákwens, iakwahkwekon iakwashástsʼte. Thaʼkwahríhon nasakwahiatisákha ne thitsateró꞉hon. Thokáʼnon ne raoʼshaststénsera ne Roiá꞉ner iohohiathénha tánon thóh nónh꞉we iehotʼkháwen tsi ionónhte khés ne ahonrákwahkon.” “Iáh, iatehiówenhk niahí꞉sewe,” né Elisha watharihwaseráko.

2 Kings 2:17

Ók tahatirihwáreke tsi kíʼ nióre iahoterihonkóthen tánon wasakoríhonh niahónhne. Né wísk-niwásen nihatihiathásen wahonhthénhti iathontkathónhnionwe nononhthakenhiátions ó꞉ni nononhthakónhsons kwáh tsík nonhwésons akénhake tsi wahonwahiatísake ne Elijah né náhsen nónhta nikaríhwes, ók iáh kíʼ tehonwahiatatʼtsénhrion.

2 Kings 4:1

Né ioterèhons thóh nonh nikaiátare ne rahotitsiókwahkon ne rotitókense Elisha wahotkénsera tánon wakénron, “Shénhshien, né teiakení꞉teron rawenhé꞉ion! Tsi nisateriénhthare, kwáh í꞉ken tsi rotsániskwe ne Rawenni꞉io, ók kíʼ ónenh ne rónhkwe nowísta rokaróthani thá꞉re niasakohiathenhawe ne tenihiáse khehiohokónhas nasakonaskónhniate né nanikhárhiathe ne tehiakeníteron rotkaróthakwe.”

2 Kings 5:22

“Iáh,” Gehazi watharihwaseráko. “Ók kíʼ ne rakénas tahakathénieʼthe nakonhró꞉ri kwáh ónhwak khók tenihiáse ne rotitókense ne rahothitsiókwakon ne tsi tsononhtáhere ne Ephraim nonhtáne, tánon káti tehothonhontsóni tsáta tewenhniáwe nikakonhtseráke kawistaráken aséhion tánon né꞉ne kwáh wakweʼní꞉io atserónhniat né꞉ne tékeni iahónterasthe tsi tahonsaniténi ne rahonatʼtserónhniat.”

2 Kings 6:1

Énska nènhneʼe tsi ratitsiókwahien ne rotitókense né꞉ne Elisha ranenhrakwení꞉io wahonwariwaʼkátatʼtse, “Tsi nónhwe nihiakwénhteron sóhtsi nikanaktáha!

2 Kings 9:1

Ethòne ne rotó꞉kense Elisha iahó꞉nonke kentithoiónha rotó꞉kense tánon wahawénhase, “Sathateweienéntan tánon Ramoth Gilead nón꞉we niaháse. Iahá꞉saf kí꞉ken kát꞉tse ne iakeniewátha kénʼie í꞉kare,

Amos 7:14

Ethò꞉ne ne Amos watoriwahsehrá꞉kwase ne Amaziah, “Ní꞉i kaʼtsé꞉nen kheʼnikónhrane, tánon katkwiráhserons ne Sycamore karontaʼshón꞉as,

1 Samuel 10:5

Eʼthóhʼne ó꞉nen ní꞉se kwáh thóh iénseʼwe ne Gibeath-elohim, èhʼthoh nón꞉we ne Philistines raoʼtitió꞉kwa ronterí꞉ios nihatíteron; èhʼthoh nón꞉we, tsi iesehnatáraʼne, ní꞉se tensewatátʼken skentió꞉kwah rotiʼtókense tahonahnontasnenhtonhátie tsi tionʼterenhnaientákwa ratihawinóntie oʼnhowaʼkó꞉wa, niwá꞉a ienakwahékʼta, ohoró꞉ta ionterennoʼtákwa, tánon ne oieri nikarenhsotarókʼkon ionterenhnoʼtákwa raoʼtihén꞉ton ronaterénhnoʼte; kwáh èhʼtho nenhotiʼiátawen tsík tshieiawé꞉nhon tsi iehatiriwaʼkénseron.