2 Kings 2:4 - Ohiatonhseratokénti

⁴ Ethòne ne Elijah wahawénhase ne Elisha, “Ónen kíʼ kénʼen shiterónhtak; ne Roiá꞉ner rakeríhonte ne Jericho nónhwe niáke.” Ók kíʼ ne Elisha watarihwaseráko, “Kerihwanírats tsi niwakerihwató꞉ken rahonháke ne ronhnhehónhwe Roiá꞉ner tánon ní꞉se tsi kwáh iáh thakonhiatewénhtheʼte.” Káti tenitsáron Jericho niahá꞉ne.

2 Kings 2:4 ပူးပေါင်းရင်းမြစ်များ

1 Kings 16:34

Tsi nikaríhweskwe ronhnonhtí꞉ioʼkwe, ne Hiel né Bethel nónhwe nihanákereʼkwe sahatenatónhni ne Jericho. Tsi kíʼ niʼhotróri ne Roiá꞉ner rahonháke ne Joshua né꞉ne ronikénhen ne Nun, né Hiel thakowánen roʼienkénʼen, Abiram, warénheʼie nó꞉nen sonhsahensthenrakwénhtharo tsi kenskwáheʼre ne Jericho, tánon kíʼ nó꞉nenh sonhsahaweienénhthaʼne shahathenhenranihionhthónhnion, ne kenhniráha roiénha, Segub, warénheʼie. Akwékon kí꞉ken thóh nahawénhseron tsi tahioianénhaʼwe tsi nitsawénon naterihwanothátsera rahonháke ne Roiá꞉ner tsi nòkwah ne Jericho tsi nihothatíhon ne Joshua né꞉ne roʼníha kénʼen ne Nun.

2 Kings 2:2

tsi niʼonahá꞉hes ne Elijah wahawénhase ne Elisha, “Ónenh kíʼ kénʼhen shé꞉sek; né Roiá꞉ner rakró꞉ri Bethel nónhwe niá꞉ke.” Ók ne Elisha watharihwaseráko; “Wakerihwanírathe tsi niwakerihwató꞉ken rahonháke ne ronnhehónwe Roiá꞉ner tánon ní꞉se tsi iáh takonhiatewénhtheʼte.” Káti tenitsáron Bethel niá꞉haʼne.

2 Kings 4:30

Né iónhkwe wahawénhase ne Elisha, “Wakerihwanírathe tsi niwakerihwató꞉ken ne tsi nironhnhehónwe ne Roiá꞉ner tánon ní꞉se tsi iáh thakonhiatewénhtheʼte!” Káti ne tenihiáse tahiathásawenh thóh nionhsáne tsi tsonónhshothe.

Luke 19:1

KANATAKONSON niiahare ne Iesos siiahatenatorenne ne Jeriko.

Acts 11:23

Siahárawe ó꞉ni wahatʼkátho tsi ní꞉ioht ne Rawenni꞉io sakohiatateríston nonkwesónha, wahatʼtsenónni tánon wasakoretsiáron rathikwékon tsi ahotiriwathokénhake ó꞉ni kwáh roneriasakwékon tsi ahontahonwetakwénhake ne Roia꞉ner.

Acts 2:42

Kwa hiahathikóntaʼkwe wahontéweiensʼte tsi nahonwathirihónʼnien ne ratikweʼkónʼne, wahontsiátaren wathontatsenawase, tánon wathathiʼiéna tsi nahathikwáren, ó꞉ni skatne wahonterénʼnaien.

Joshua 6:1

Ne tsi iotenhenrentónhnions ne Jericho kanonthónhnion tánon ratiʼnikónhrahre Nisraerʼró꞉nons tó꞉sa iahontáwehiaʼthe. Iáh ónhka thahónton ne iahionhtáwehiaʼte iáh ó꞉ni thahónton nahiehiakén꞉ne ne tsi kanatowá꞉nen.

Joshua 6:26

Etʼnikahawi ne Joshua wahahianerenseronhni kwáh iorihwaniron tsi washá꞉kothokaten: “Nonhka naienhre nahonshá꞉kahnatohnike ne tsi kanató꞉wanenhke ne Jericho né ienhiakohiató꞉renhne ne Roiá꞉ner rahó꞉rewathatsera. Ónhka akénhake ne ahonsahatenonhkonhni kwáh enhó꞉tonhse ne takowanenh ró꞉ienha. Ónhka akénhake nahonsahiakonhni ne hiotenhenrenton enhó꞉tonhse ne rahó꞉tenisóh꞉kwa.”

Ruth 1:16

Tontakariʼwaserá꞉ko ne Ruth, “Tóhsa takeriʼwanón꞉tons nakoniá꞉tkawe! Takeríhon naiétene. Tsi nón꞉ nienhénhse tho kiʼ niʼ ní꞉i nienhén꞉ke tsi nón꞉ nenhsiʼteróntake tho kiʼ enkiʼteróntake. Sonkweʼtaʼshón꞉ʼa í꞉ʼi꞉ ó꞉ni akonkweʼtaʼshón꞉ʼa enwá꞉ton tánon Saní꞉io í꞉ʼi ó꞉ní Akení꞉io enwá꞉ton.

1 Samuel 1:26

Tánon wakén꞉ron ne Hannah, “Ó, Atiá꞉ner, tsi nishón꞉nhe, Atiá꞉ner, Í꞉i ne kón꞉kwe ne kén꞉en ít꞉tawe sahén꞉ton, wakaterenhnaién꞉taʼkwe rahonháke ne Roiá꞉ner.