2 Kings 2:3 - Ohiatonhseratokénti

³ Rothiʼtsiókwahien ne rotitókense thóh nónhwe nihatinákerekwe Elisha tsi ítres niahónhne tánon wahonwarihwanónhtonhse, “Shaʼteriéntareke nètho Roiá꞉ner tsi ónhwa wenniseráte é꞉ren henhohiathenháwithe nisèke ne thiʼtsathenró꞉hon?” “Hén, wakateriénhthare,” ne Elisha tsi watharihwaseráko. “Ók tó꞉sa kíʼ né tenithá꞉rak.”

2 Kings 2:3 ပူးပေါင်းရင်းမြစ်များ

1 Kings 18:4

tánon nó꞉nen ne Jezebel sihononhwarhiákonsʼkwe ne Roiá꞉ner rahonkwéta rothokenséhaʼkwe, né Obadiah enskatewenhniáwe niháti iashakohiathénhawe, osthenrokónhsons waʼsakohiathasethánion tekenhtsókwahkes washakotsiokónhni wísks-niwásenh nihá꞉ti ne skenhtsiókwah, tánon waʼshakonónhthen ó꞉ni wasakonekánonhte.)

1 Kings 20:35

Tsi ki nihorihwatháton ne Roiá꞉ner saiáta rahiátare ne rahothitsiókwahkon ne rotitókense wahó꞉nahne né ronaténhro rotó꞉kense nahokónhreke. Ók iáh né tehothontháton,

2 Kings 2:15

Né wísk-niwásen niháti rothitó꞉kense ne Jericho nithonénon wahonwáken tánon wahonhníron, “Né rahoshastsʼténsera ne Elijah rahonháke ne Elisha sakará꞉ne!” Thóh niahónhne iathonwáterathe, rahohénton wathontsákete,

2 Kings 2:5

Rothitsiókwaien ne rotitókense né nónhwe nikanakeraseráien tsítres ne Elisha niahónhne tánon wahonwarihwanónhtonhse, “Sateriéntareke nètho Roiá꞉ner tsi ón꞉wa wenhniseráte ne tiʼtsathenróhon tsi é꞉ren enhohiathenháwithe nisèke?” “Hen, wakatheriéntare,” ne Elisha tsi watharihwaseráko. “Ók tó꞉sa kíʼ né thenítharak.”

2 Kings 2:7

tánon wísk-niwásen niháti ne rotitókense wahonwatíseʼre Jordan niahónhne. Né Elijah tánon ne Elisha kaniatarákta watníthaʼne, tánon ne wísk-niwásen niháti rotitókense kwáh nenhʼné꞉e kenhnióre natsatákʼta thonhtahatítaʼne.

2 Kings 4:1

Né ioterèhons thóh nonh nikaiátare ne rahotitsiókwahkon ne rotitókense Elisha wahotkénsera tánon wakénron, “Shénhshien, né teiakení꞉teron rawenhé꞉ion! Tsi nisateriénhthare, kwáh í꞉ken tsi rotsániskwe ne Rawenni꞉io, ók kíʼ ónenh ne rónhkwe nowísta rokaróthani thá꞉re niasakohiathenhawe ne tenihiáse khehiohokónhas nasakonaskónhniate né nanikhárhiathe ne tehiakeníteron rotkaróthakwe.”

2 Kings 4:38

Énska nènhneʼe, nó꞉nen sahonthonhkarhiákon né tsi iohontsáte, Né Elisha Gilgal nionhsáre. Tsi nikaríhwes sakorihonhnienhníhaʼwe ne Rotitó꞉kenhse, wahoróri ne rahoʼnhá꞉tsera kanatsowánen tsi iothèkha ranatsá꞉ren tánon né ratkónhni ne tekakhwaiesthánion.

2 Kings 5:22

“Iáh,” Gehazi watharihwaseráko. “Ók kíʼ ne rakénas tahakathénieʼthe nakonhró꞉ri kwáh ónhwak khók tenihiáse ne rotitókense ne rahothitsiókwakon ne tsi tsononhtáhere ne Ephraim nonhtáne, tánon káti tehothonhontsóni tsáta tewenhniáwe nikakonhtseráke kawistaráken aséhion tánon né꞉ne kwáh wakweʼní꞉io atserónhniat né꞉ne tékeni iahónterasthe tsi tahonsaniténi ne rahonatʼtserónhniat.”

2 Kings 6:1

Énska nènhneʼe tsi ratitsiókwahien ne rotitókense né꞉ne Elisha ranenhrakwení꞉io wahonwariwaʼkátatʼtse, “Tsi nónhwe nihiakwénhteron sóhtsi nikanaktáha!

2 Kings 9:1

Ethòne ne rotó꞉kense Elisha iahó꞉nonke kentithoiónha rotó꞉kense tánon wahawénhase, “Sathateweienéntan tánon Ramoth Gilead nón꞉we niaháse. Iahá꞉saf kí꞉ken kát꞉tse ne iakeniewátha kénʼie í꞉kare,

Isaiah 8:18

Satkátho, í꞉i tánon ne ratiksaokónhas tsi nikáiens ne Roiá꞉ner thaʼkáwi ne wenéstha tánon iakonerakwahténhnis Israerʼronónke tsi nithoteniéton ne Sakoiá꞉ner ne ronterí꞉ios ratironhiakeró꞉nons, thóh nón꞉we thénteron tsi tsionónhte ne Zion.

Amos 7:14

Ethò꞉ne ne Amos watoriwahsehrá꞉kwase ne Amaziah, “Ní꞉i kaʼtsé꞉nen kheʼnikónhrane, tánon katkwiráhserons ne Sycamore karontaʼshón꞉as,

Acts 22:3

“Ksitaeronon, Tarsus nónwe Cilicia aotonhontsake tewakenakeráton, nók kén꞉en Jerusalem wahkathehiáron Gamaliel non niʼwakateweiénston. Kwáh íken tsi ioníron tsi wakateweiénston ne ietʼthisotʼtahokonkén꞉en rahothihianerénsera ó꞉ni kwáh éhʼtho tsi niʼiʼriwakweniénstha ne Rawenni꞉io tsi kiʼniseʼní꞉ioht ne kén꞉en isewes꞉nónwa wenniseráte.

Deuteronomy 33:3

Ne Roiá꞉ner sakonorónhkwa ne rahonkweʼtashón꞉as tánon teshakónes tsi niháti ne raónha rahonkweʼtashón꞉a. Káti watiakwatsakè꞉te ne rasitákta tánon wahakwatewénhnaraʼkwe ne rahoriwatà꞉tsheras.

1 Samuel 10:5

Eʼthóhʼne ó꞉nen ní꞉se kwáh thóh iénseʼwe ne Gibeath-elohim, èhʼthoh nón꞉we ne Philistines raoʼtitió꞉kwa ronterí꞉ios nihatíteron; èhʼthoh nón꞉we, tsi iesehnatáraʼne, ní꞉se tensewatátʼken skentió꞉kwah rotiʼtókense tahonahnontasnenhtonhátie tsi tionʼterenhnaientákwa ratihawinóntie oʼnhowaʼkó꞉wa, niwá꞉a ienakwahékʼta, ohoró꞉ta ionterennoʼtákwa, tánon ne oieri nikarenhsotarókʼkon ionterenhnoʼtákwa raoʼtihén꞉ton ronaterénhnoʼte; kwáh èhʼtho nenhotiʼiátawen tsík tshieiawé꞉nhon tsi iehatiriwaʼkénseron.

1 Samuel 19:20

Eʼthó꞉ne ne Saul iashakoténiete ratirihwaróroks nahonwenhnónksa ne Táwit. Nó꞉nenh shasakótiken ne kenhtsió꞉kwas ne rotitó꞉kenhse tsi tiatehononhnarihénʼen, ne ne Samuel tesakoniaró꞉taron! Ne ronónha, ne raonikonrí꞉ioston ne Ní꞉io wahotírahne ne raonkweʼtashón꞉ʼahs ne Saul, tánon ronónha ó꞉ni tsitʼtsahatiʼieráhnion tsi iahatirihwakénhseron tiatehononhnarihénʼen.