2 Kings 16:3 - Ohiatonhseratokénti

³ tánon ne wahá꞉sere tsi tontahotenákerasʼte ne ronnontí꞉io Nisraeʼró꞉nonke. Kwáh ó꞉ni wahotsatátʼtsahate ne roiénha notsiráhke né nashakoteskóntʼthase ne kaiatonhnisónhas, tontahatenákerahte ne ioterihwatéhas tsi nihatiʼiéra nonkweʼshón꞉ʼas tsi nikáien ne Roiá꞉ner sakoiatinekénʼen ne tsi iohontsáien ne Nisraeʼró꞉nons tsi niahónhne.

2 Kings 16:3 ပူးပေါင်းရင်းမြစ်များ

1 Kings 14:24

Sén꞉ha kíʼ iesewahétʼken, né꞉ne ronhnón꞉kwe ó꞉ni konhnón꞉kwes né ronaterihwaʼthenhtsáton ne ierihwahiathátons tsi nón꞉we nihionhterenhnaienthákwas. Nonhkweshón꞉as ne Judah nónhwe akwékon né thóh nihatiʼiéraʼkwe ne ioterihwathehasónhas né nonhkwesón꞉has tsi nikáien ne Roiá꞉ner theshakohiatinekénʼen ne tsi ionhwénhtsaien né nohénton Nisraerʼró꞉nons sahón꞉newe tsi kanakeraseráien.

2 Kings 17:16

Akwéʼkon tehotiʼiákons ne Roiá꞉ner rahoianerénhseras ne Raotiní꞉io tánon tèkeni wahontsatonhniserónhni tèro ne karístatsi nahó꞉ten í꞉ken ne nakonwasénhnaien; kwáh ó꞉ni wakonwaiatónhni ne kaní꞉io Asherah, ó꞉ni otsístho wakonwasénhnaien, tánon ne wakonwaiótenhse ne rahní꞉io Baal.

2 Kings 17:17

Kwáh ó꞉ni wahonwanateskónten ne rahotinekenhteronhtserasónhas ó꞉ni ne rahotiʼiatasetserasónhas tsi né tahatí꞉ieste, tánon ne wáhonste ne tahóntkonste tánon natenhenʼnaráhtseras, tanon wahontatenhninónhnion né꞉ne karihwahekénsera tsi nahóntsere rahohénton ne Roiá꞉ner, né nahonwanakónhni.

2 Kings 17:19

Shé꞉kon kíʼ nón꞉ne ne Judahró꞉nons iáh tehonatewenhnaráhkwen ne Roiá꞉ner rahoianerénhseras ne Raotiní꞉io; né thontahontenienténste tsi nikarihó꞉tens tehonékwen nonkweʼshón꞉ʼas Nisraeʼró꞉nonke.

2 Kings 17:8

né ratísereʼne tsi nihiakorihoténsons nonkweʼshón꞉as né꞉ne ronónha ne Roiá꞉ner shakoiatinekénʼen tsi niahónhne ne rahonkweʼtashón꞉as, tánon né wahontiénawaste tsi nihotihiótens ne Israerʼró꞉non rotinontí꞉ios.

2 Kings 21:11

“Né Ronnontí꞉io Manasseh thó nihoieráhnions kí꞉ken ioterihwatehaʼshón꞉as, sénha iorihwát꞉tsanis tsi nahoténsons ne Canaanró꞉nons tsi nihonatséren; tánon né꞉ne raʼoiátonnishónʼas wáʼratse tsi waʼsahkosárihne nonkweʼshón꞉ʼas ne Judah nón꞉we nahatiʼrihwá꞉nerake.

2 Kings 21:2

Né waʼhá꞉sere ne ioterihwaʼtéhas tsi niontséras ne onkweʼshón꞉as tsi nikáien ne Roiá꞉ner tesahkoiatinekénʼen ne tsi iohontsáien tsi niaʼhónhne ne raonkwetaʼshón꞉as, ne Manasseh wahaʼrihwánerake tsi nòkwah ne Roiá꞉ner.

2 Kings 21:6

Tánon roiénha waʼhoteskónten né iahót꞉kaʼwe tsi tahá꞉ieste. Né ken niehaʼiéraʼkwe niaharihwáken tánon natahennarátshera tánon shakorihwanontonhniónʼniskwe ne sakonathiathonhserátʼkense ó꞉ni ne ronhnenhéions. Kwáh í꞉ken tsi kowánen waharihwánerake tsi nòkwah ne Roiá꞉ner tánon wahonakón꞉ni.

2 Kings 21:9

Ók kíʼ nonkweʼshón꞉as ne Judah nón꞉we iáh né tehonwaʼwenhnaráhkwen ne Roiá꞉ner, tánon Manasseh waʼsahkosáhrihne né sénha iorihwatʼtsáni tsi ní꞉ioht tsi wahaʼtirihwá꞉nerahke tsi ní꞉ioht ne tsi nihá꞉ti nonkweʼshón꞉ás ne Roiá꞉ner sakó꞉iatiʼnekenʼen ne raʼonón꞉hontsakes né tsi nié꞉onenonh ne raonkweʼtaʼshón꞉ás.

2 Kings 23:10

Né Ronnontí꞉io Josiah kwáh ó꞉ni wathéntionste ne Topheth, né꞉ne tsi ratisén꞉naienskwe ne kaiatónhni né Hinnom ahonrákwahkon nón꞉we, né ká꞉ti ne tó꞉sa ahónton ne roiénha khés ne sakoiénha ahonwanateskóntʼthaʼse ne raní꞉io Molech.

2 Kings 8:18

Né ró꞉ne né꞉ne Ahab sakoiénha í꞉ken, kwáh kíʼ tsi ní꞉ioht ne Ahab rahowátsire né wahá꞉sere tsi nihatiweienáksenʼne ne rontinontí꞉iokwe Nisraeʼró꞉nonke. Waharihwánerake tsi nòkwah ne Roiá꞉ner,

2 Chronicles 33:2

Né rashé꞉rene ne ioterihwatéhas tsi nihieweienhnó꞉tens nonhkweʼshón꞉as tsi nikáien ne Roiá꞉ner sakohiatinekénʼen tsi ionhontsáien né tsi niahónhne ne rahonkweʼtaʼshón꞉as, ne Manasseh waharihwánerahke tsi nòkwah ne Roiá꞉ner.

2 Chronicles 33:6

Roiénha waʼhoronhiákenhte né Hinnom nón꞉we Ahonráhkwahkon tsi waʼhoteskónhten. Né waʼhatéweiensʼte ne tahatkónsthake tánon natenhenhnarátsheras tánon né waʼsharorihwanonhthonhniónhaʼse ne sakonatʼhiatonhserátʼkenhse tánon ne rohnenheʼiónkwen. Kwáh í꞉ken tsi tehiotenonhianíton tsi ní꞉ioht tsi waʼharihwánerahke tsi nòkwah ne Roiá꞉ner tánon wahonakhwísa.

Psalms 106:35

ók khèʼkhok waʼthontateniatʼthenhniónhase. Tánon waʼthonwanateweiénhnaʼkwe ne kahiatonhnishón꞉has ratisénhnaiens.

Isaiah 57:5

í꞉se né kwáh tisewahiaʼtátets naskanéktsheras ne tsi iorontótons ne karítons, kwáh tsi niaʼtekarónhtakes noronhtáse; í꞉se ne sheʼiawéntʼton ne seiohʼokónhas nahonʼrakwahkónsons, nàkons ne tsi ionitsthenhriá꞉kons?

Jeremiah 32:35

Ne Baal ronhniónnienni ne ietienharáhkwah nahonráhkwahkon ne Hinnom nónhwe, né nashaʼkonahtsiatatʼtsaháthe ne shakotiʼhiohokónhas raohénton ne niio Molech. Iáh tekhenáhon né nahatí꞉iere, tánon akwékon iáh ne tiewahkanonhthonniónhon nètho kén nahatí꞉iere ne nahshaʼkonónhnien ne Judahró꞉nons nahatiʼrihwáhnerahke.”

Ezekiel 16:21

kwáh kén asehnonhwahrhiákon ne kheienhokónhas tsi asehiatsatátʼtsahathe rahothihénton ne kahiatónhnis?

Ezekiel 16:47

Wesehrhientihióken tsi wahsehweienhnásehre ó꞉ni thonthasatnahnétha ne ioteriwahtehasónhas tsi nikeniweienhiótens? Iáh, ók kénk nikariwéhsonhʼne sénha í꞉se iateshatianhóten tsi niwahétken tsi nahshatieráhnion tsi ní꞉ioht ne onónha.

Ezekiel 20:26

Wahkheríhon ne tahontatsiathátionste né꞉ne rahonnahwenhkhónwe nathatawítsheras, tánon wakheríhon nahonwahnatsatátʼtsahate nenhtewatsérenhte enhotiwiraiéntahne rotiskenrahkéte. Né kí꞉ken wakherewáhthaʼkwe tánon nakhenatónhase tsi Í꞉i ne Watiá꞉ner.

Ezekiel 20:31

Shé꞉kon nónhwa wenhnisehrátes kwáh ne sáhka tsi iesehwáhtats tánon tesehwathatiatatiónstha ne ne sakaiathonhnísehras tsi ietʼtsihiatiatatʼtsaháta ne ietʼtsiʼienokónhas ne tsi iotékha. Tánon ethòne i꞉se Nisraeró꞉nonhs shé꞉kon tisehwétha naskwahriwahnónhtonse onhniwahkenikonhró꞉ten! Tsi nihioriwí꞉io tsi í꞉ih ne Wakenonhtí꞉io Watiá꞉ner, ne konhnhehónwe Ní꞉io, kwáh iáh othènenh takonhríhon naskeriwahnónhtonse.

Leviticus 18:21

Tó꞉sa ienseiát꞉kaʼwe ne seʼienhokónhas nahonwánatsʼte tsi akonhwasénhnaien ne Molech ní꞉io, tsioríhwa tsi ne entkáhaʼwe nahonwasenhnák꞉saʼte ne Rawenni꞉io, ne Roiá꞉ner.

Leviticus 20:2

nashakawénhaʼse nonhkweshón꞉as Nisraerʼró꞉nonhke, “Ónhka tsi nítsion akénhake tó꞉ka ó꞉ni ne tihononhontsátes ne skát꞉ke sewaná꞉kere ne niahonwanát꞉kaʼwe ratitsahokónhas nahonwánatsʼte nakonhwasénhnaien ne ní꞉io Molech tsi kwáh kanenhrakwékon enhonwanenhióiaʼke tsi nióre ienhrénheʼie.

Micah 6:7

Kwáh onhtéken ne Roiá꞉ner ahawerienhtí꞉ioste ne thó꞉ka tewenhniawehetsheráhsen niháti teotikakaronhtón꞉a ratítsinn, né oié꞉ri tewenhniawehetseráhsen nakónhake kaniataratátie iorésen? Né onhtéken aontatiéste ne thakowá꞉nen rièn꞉ʼa ne aorihwà꞉ke nakerihwanerahák꞉tsheras, ne naoshatsténhsera ne tsi kónnhe asè꞉ken ne nahorihwaneraháktsheras nakatónnhets?”

Deuteronomy 12:31

Tó꞉sa thóh ní꞉ioh thónhak tsi atsisewasénhnaien ne Roiá꞉ner sewaNí꞉io tsi nihatiʼié꞉ra tsi konhwasén꞉naiens ne rahotiní꞉ios, asè꞉ken tsi ratisénhnaiens ne rahotiní꞉ios akwé꞉kon é꞉tho nihatiʼié꞉ra ne ioteriwatehaʼsónhas né꞉ne tsi nahoʼténhsons rariwáhsons ne Roiá꞉ner. Iekaní꞉hare shakonatiaʼtatsahátha ne shakotihioʼokón꞉as tsi iotè꞉kha ne tsi ratitsenharáhkwas.

Deuteronomy 18:10

Tó꞉sa sehiateskónten ne sheienʼokónhas ne tsi iotè꞉kha ne tsi tsenharáhkwas; tánon tó꞉sa seríhon nonhkweshón꞉a ne ken niahatí꞉iere ne iótkons tó꞉ka ó꞉ni nahonhnésake nataharenhnátsheras tó꞉ka ó꞉ni ne rónhstha nónhkak tashakotihierón꞉nion