2 Kings 15:9 - Ohiatonhseratokénti

⁹ Né Rahónha, kwáh kíʼ tsi nihiotónhne ne teshonakʼthakwénhni, waharihwánerake tsi nòkwah ne Roiá꞉ner. Né wahá꞉sere né karihwahetkénsra tsi thontahotheniéntenste ne Ronnontí꞉io Jeroboam né꞉ne ronikénhen ne Nebat, rahónha né iesakosaríhnon Nisraeʼró꞉nons ne karihwanerenhakʼtserákon.

2 Kings 15:9 ပူးပေါင်းရင်းမြစ်များ

1 Kings 14:16

Ne Roiá꞉ner enshakotewénhthete Nisraerʼró꞉nons tsioríhwa ne Jeroboam rorihwáneren tánon iashakosárihne Nisraerʼró꞉nons nahatirihwánerake.”

2 Kings 10:29

Ók né Jehu iáh í꞉se tiehó꞉ien ne rahorihwanerahák꞉tseras ne Ronnontí꞉io Jeroboam, né tsi rahónha ieshakosaríhnon Nisraeʼró꞉nons ne karihwanerahák꞉tserakon tsi nikonwasénhnaiensʼkwe ne owistanó꞉ron tèro kaiatónhni né rokétskwenhne ne Bethel tánon ne Dan nónhwe.

2 Kings 10:31

Ók kíʼ ne Jehu iáh raweriasakwékon tehotewenhnarákwen ne Roiá꞉ner raʼoianerénseras, né꞉ne Sakoní꞉io Nisraeʼró꞉nonke; khèkok, né wahá꞉sere tsi thontahotenákeraste ne Jeroboam, tsi rahónha iesakosaríhnon Nisraeʼro꞉nons ne karihwanerahakʼtsherákon.

2 Kings 13:11

Rahónha ó꞉ni waharihwánerake tsi nòkwah ne Roiá꞉ner tánon né wahá꞉sere né karihwahetkénseraras tsi tonhtahateniéntenste ne Ronnontí꞉iokwe Jeroboam rahoweiénhna, tsi rahónha iesakosahríhnon Nisraeʼró꞉nons ne karihwanerenhaktsherákon.

2 Kings 13:2

Tsi kíʼ niʼiohtʼtónhne ne Ronnontí꞉iokwe Jeroboam nohénton tkènʼne tsi ní꞉ioht ne rahónha, waharihwánerake tsi nòkwah ne Roiá꞉ner tánon iashakosárihne Nisraeʼró꞉nons ne karihwanerahaktserákon; iáh kíʼ nonwénhton tehotsakwahríhsons tsi nihaweienʼnák꞉senhne.

2 Kings 14:24

Wahariwánerake tsi nòkwah ne Roiá꞉ner, né wahá꞉sere né kariwahetkénsera tsi thontahateniéntenste né thonʼnontí꞉iokwe Jeroboam né꞉ne ronikénhen ne Nebat, rahónha né iesakosarínon Nisraeʼró꞉nons ne karihwanerenhaktserákon.

2 Kings 15:10

Shallum né꞉ne ronikénhen ne Jabesh wahoteristhaiénhase ne Ronnontí꞉io Zechariah, wahorónhthate ne Ibleam nón꞉we; akohénton nón꞉kwe. Tánon tonsahonakʼthákwen tsi wahatenontí꞉ioste.

2 Kings 15:18

Waharihwánerake tsi nòkwah ne Roiá꞉ner, Asèken kwáh tsiarénheie tsi né wahá꞉sere ne karihwahetkénsera ne thontahateniénhtenste ne Ronnontí꞉iokwe Jeroboam né꞉ne ronikénhen ne Nebat, rahónha né iesakosaríhnon Nisraeʼró꞉nons ne kariwanerahaktserákon.

2 Kings 15:24

Waharihwánerake tsi nòkwah ne Roiá꞉ner, ne wahá꞉sere ne karihwahetkénsera né thontahatenienténste ne Ronnontí꞉iokwe Jeroboam né꞉ne ronikénhen ne Nebat, rahónha ne iesakosaríhnon Nisraeʼró꞉nons ne karihwanerenhaktserákon.

2 Kings 15:28

Waharihwánerake tsi nòkwah ne Roiá꞉ner, ráhsereʼne ne karihwahetʼkénsera né thoʼtenientenstonhátse ne Ronnontí꞉io Jeroboam né꞉ne ronikénhen ne Nebat, rahónha ne iesakosaríhnon nʼIsraerʼró꞉nons ne karihwanerahaktserákon.

2 Kings 15:8

Né asenhniwáhsen-satékon siʼioserakehátse né siʼhonontí꞉iokwe ne Uzziah né Judah nón꞉we, né Zechariah né꞉ne ronikénhen ne Jeroboam II rahónha sahonontí꞉ioʼne Israerʼró꞉nonke, tánon rahónha wahatkóraste ne Samaria né꞉ne iá-iak niwenhnítake nikaríhweskwe.

2 Kings 3:3

Ethosàne, tsi nihiothónhne ne ronhnonhtí꞉ioʼkwe Jeroboam né꞉ne ronikénhen ne Nebat ne thóh hénton tsi ní꞉ioht ne rahónha, iashakosárihne nisraerʼró꞉nons ne karihwanerahakʼtseráke.