2 Kings 13:1 - Ohiatonhseratokénti

¹ Né tewáʼsenhaton siʼioserakehátie siʼhonontí꞉ioʼkwe ne Joash né꞉ne roʼníha ne Ahaziah tsi ronontí꞉ioʼne ne Judah nón꞉we, ne Jehoahaz né꞉ne roʼníha ne Jehu rahónha wahonontí꞉ioʼne Israerʼró꞉nonke, tánon rahónha wahatkóraste ne Samaria né꞉ne tsáta-iawénhre niʼioserákeskwe.

2 Kings 13:1 ပူးပေါင်းရင်းမြစ်များ

2 Kings 10:30

Né Roiá꞉ner wahawénhase ne Jehu, “Thóh naseiérase ne Ahab raowátsires tsi kíʼ natewakatonhontsóniʼne náshieʼre. Ká꞉ti wakoniararátsten tsi nenhsatʼwatsiríhne, kwáh tsi nió꞉re ne kaieríhaton niaʼtehiotereseráne, ronónha enhotinontí꞉ioke Nisraeʼrononke.”

2 Kings 11:21

Né Joash waʼonontí꞉ione ne Judah nón꞉we né꞉ne tsáta satehaoserihiákon.

2 Kings 11:4

Ók kíʼ ne tsatakhá꞉ton shiʼioserakehátie né Jehoiada né꞉ne ratsihénstatsi í꞉ken iashakoterihwaniéthase ne raʼtisenhnowánens ne ronateríhonte ne tsi kaʼnontiʼiotseráien ratinikónraʼre ó꞉ni ne ratinikónrare tsi ronónshoʼte ne ronnontí꞉io, tánon shakoróhris Ononsatokentikó꞉wane nahontaʼónhne, thóh nón꞉we nasahkahónhnien nahatirihwanónhweʼne kwáh ahaʼtirihwanírate tsi niʼotenikonrón꞉ni tsi nahoténsons tsi nenhaieránion. Tánon waʼshakoríhon nahonwáʼken ne Ahaziah roʼiénha Joash

2 Kings 12:1

Né tsatákhaton niʼioserakehátie shiʼonontí꞉iokwe ne Jehu Nisraeʼró꞉nonke, ne Joash rahónha wahonontí꞉ione ne Judah nón꞉we, tánon rahónha wahatkóraste ne Jerusalem né꞉ne kaiéri-niwásen niioseraké꞉kwe. Né ronisténha né꞉ne Zibiah né꞉ne tsit kanatowanénke ne Beersheba nón꞉we nitsawénon.

2 Kings 13:10

Né ásenh-niwásen tsáta shiʼioserakehátie shiʼhonontí꞉ioʼkwe ne Joash né Judah nón꞉we, né Jehoash né꞉ne ronikén꞉en ne Jehoahaz né sahatenontí꞉ioste ne Israerʼró꞉nonke, tánon rahónha rakó꞉rah kènʼne ne Samaria né꞉ne iá-iak iawénhre niʼioseráke nikaríhweskwe.

2 Kings 13:2

Tsi kíʼ niʼiohtʼtónhne ne Ronnontí꞉iokwe Jeroboam nohénton tkènʼne tsi ní꞉ioht ne rahónha, waharihwánerake tsi nòkwah ne Roiá꞉ner tánon iashakosárihne Nisraeʼró꞉nons ne karihwanerahaktserákon; iáh kíʼ nonwénhton tehotsakwahríhsons tsi nihaweienʼnák꞉senhne.

2 Kings 15:12

Ká꞉ti ne warahrátston kwáh waká꞉nane ne Roiá꞉ner tsi nihosenhénhni ne Ronnontí꞉iokwe Jehu: “Tsi iensatwatsírihne tsi nióre ne kaieríhaton niaʼteiotereseráhne tsi enhotinontí꞉ioke Nisraeʼró꞉nonke nón꞉we.”

2 Kings 8:26

tewasentékeni satehahoseriʼiákon, tánon raónha wahatkórasʼte ne Jerusalem tsósera nikaríwes. Né ronisténha né꞉ne Athaliah, né sakoiénha ne Ronnontí꞉io Ahab tánon né sakoterénhakwe ne Ronnontí꞉iokwe Omri né Israerʼró꞉nonke.