2 Kings 11:3 - Ohiatonhseratokénti

³ Né꞉ne iá-iak niʼioseráke ne Jehosheba wáʼthós꞉niehne ne raksáʼa tánon roiataʼsehtonháties Nononsatokentiʼkó꞉waʼne, tsi nikaríhwes ne Athaliah ontʼkó꞉raste tsi ionhnontí꞉iokwe.

2 Kings 11:3 ပူးပေါင်းရင်းမြစ်များ

2 Kings 11:2

Né khók ne Ahaziah roiénha Joash wahaniákenʼne. Kwáh ó꞉nen thó꞉wa saonwanonwaʼriákon skát꞉ke ne ronátsakes, ók raʼomátenn Jehosheba né sahoniá꞉kente, naʼónha né nènhʼne ne Ronnontí꞉iokwe Jehoram sakoienkénʼen tánon né꞉ne Ahaziah asén꞉non iaʼtenosenhkénʼen kènʼne. Iahohiaténhawe tánon tsi tionákthaien Nononsatokentiʼkówaʼne iahohiatínionte skát꞉ke nahonatiéra ne tewátsʼnie né watósnieʼne tsi wahoiatásehte né꞉ne tó꞉sa ahohiatatʼtsénhri ne Athaliah, et nonhtáʼwe tsi iáh teonwanonwariá꞉kon.

2 Kings 11:4

Ók kíʼ ne tsatakhá꞉ton shiʼioserakehátie né Jehoiada né꞉ne ratsihénstatsi í꞉ken iashakoterihwaniéthase ne raʼtisenhnowánens ne ronateríhonte ne tsi kaʼnontiʼiotseráien ratinikónraʼre ó꞉ni ne ratinikónrare tsi ronónshoʼte ne ronnontí꞉io, tánon shakoróhris Ononsatokentikó꞉wane nahontaʼónhne, thóh nón꞉we nasahkahónhnien nahatirihwanónhweʼne kwáh ahaʼtirihwanírate tsi niʼotenikonrón꞉ni tsi nahoténsons tsi nenhaieránion. Tánon waʼshakoríhon nahonwáʼken ne Ahaziah roʼiénha Joash

2 Chronicles 22:12

Iáh-iak niʼiosehráke thóh nón꞉we nihotasehthonhátieskwe, tsi nikaríihweskwe ne Athaliah tsi iotkorástonhne tsi ionhnontí꞉io í꞉ken.

Psalms 12:8

Kwáh tetsarón꞉kwen nokwáhti ne ronhnonkwetahétken tsi tonatawenhrehátie, nó꞉nen nonkweshónha ne enhionterihwathéntsate né karihwahetkénhsera.

Exodus 2:2

tánon wahotiʼwiraién꞉tahne ráksaʼa. Nó꞉nen sahóken tsi nikawirí꞉io, áhsen niwenhníthake wahohiaʼthásehthe.

Malachi 3:15

Ó꞉nen nón꞉wa tho iethiʼianontónnionf ne rontatkowanáhtha tsi nihonateraʼswí꞉io; ne karihwahetkénhtshera tsi nihontiéhrha iáh nek khok tsi rotiianerahstén꞉nis, ók nó꞉nen Rawenni꞉io enhonwatenniéhthaʼse iáh oh thé꞉non teiotiiá꞉tawenhs.”

Judges 9:5

Roʼníha tsi thohnónhsohte niaháre né꞉ne Ophrah nónhwe, tánon thóh nónhwe é꞉neken ne skanénhiak khók í꞉ken waʼsakononhwariakónhnion ne tsáta niwáhsenh niháti ronhthatekenhokónhas, Né Gideon sakohiohokónhas. Ók ne Jotham, Né꞉ne kwáh kenʼnieráha ne Gideon roiénha, wahathásehte nènhne iáh kíʼ tehonwanonhwarhiákon.