2 Kings 11:2 - Ohiatonhseratokénti

² Né khók ne Ahaziah roiénha Joash wahaniákenʼne. Kwáh ó꞉nen thó꞉wa saonwanonwaʼriákon skát꞉ke ne ronátsakes, ók raʼomátenn Jehosheba né sahoniá꞉kente, naʼónha né nènhʼne ne Ronnontí꞉iokwe Jehoram sakoienkénʼen tánon né꞉ne Ahaziah asén꞉non iaʼtenosenhkénʼen kènʼne. Iahohiaténhawe tánon tsi tionákthaien Nononsatokentiʼkówaʼne iahohiatínionte skát꞉ke nahonatiéra ne tewátsʼnie né watósnieʼne tsi wahoiatásehte né꞉ne tó꞉sa ahohiatatʼtsénhri ne Athaliah, et nonhtáʼwe tsi iáh teonwanonwariá꞉kon.

2 Kings 11:2 ပူးပေါင်းရင်းမြစ်များ

1 Kings 11:17

nék khók ne Hadad iáh tehononhwarhiákon tánon ne toʼkàra niháti ne roʼníha rahonhátsheras ne Edomró꞉nons nahatihiatótens, Egypt né nónhwe iahontekwáhsen. ( Né shikaháwi ne Hadad raksáha nènhne kènhne.)

1 Kings 6:10

Né ásenh-naʼtehionákthanes né iononhsawénhte, tsi nahionatʼthanétarons 7½ niwashí꞉takes nitiotʼkhés, thóh iononhsanénhthakon ákta ne Ononsatokentiʼkówaʼne, tánon ne tehionatatsenawákon ne onenhthakwénhtes tekaronhtharenhwénhnions.

1 Kings 6:8

Né kwáh ehtàke tehionáktaien ne tsi iehionhthawehiathákwa né nenhtiéne nòkwahti Nononhsatokentiʼkówaʼne, kanekóthoʼte tsi ienawénonh ne tekeníhaton iaʼtetionákthaʼne tánon nasénhaton iaʼtetionákthaʼne.

2 Kings 11:21

Né Joash waʼonontí꞉ione ne Judah nón꞉we né꞉ne tsáta satehaoserihiákon.

2 Kings 11:3

Né꞉ne iá-iak niʼioseráke ne Jehosheba wáʼthós꞉niehne ne raksáʼa tánon roiataʼsehtonháties Nononsatokentiʼkó꞉waʼne, tsi nikaríhwes ne Athaliah ontʼkó꞉raste tsi ionhnontí꞉iokwe.

2 Kings 12:1

Né tsatákhaton niʼioserakehátie shiʼonontí꞉iokwe ne Jehu Nisraeʼró꞉nonke, ne Joash rahónha wahonontí꞉ione ne Judah nón꞉we, tánon rahónha wahatkóraste ne Jerusalem né꞉ne kaiéri-niwásen niioseraké꞉kwe. Né ronisténha né꞉ne Zibiah né꞉ne tsit kanatowanénke ne Beersheba nón꞉we nitsawénon.

2 Kings 8:16

Né wísk siʼioserakéhaton né sihonontí꞉iokwe ne Joram né꞉ne roʼiénha ne Ahab, né꞉ne ronnontí꞉iokwe ne Israerʼró꞉nonke, né Jehoram né꞉ne roʼníha né Jehoshaphat né꞉ne ronnontí꞉iokwe ne Judah nón꞉we

2 Kings 8:19

ók kíʼ ne Roiá꞉ner iáh thóh tehonikonroténʼne naharihwátonhte ne Judah, tsioríhwa tsi rorarasténhni ne rahonhátsera Táwit tsi nienhatwatsírihne tsi tiotʼkonhónwe enhatikórake.

1 Chronicles 3:11

Jehoram, Ahaziah, Joash,

2 Chronicles 22:11

Né Ahaziah asén꞉nonh tsi ní꞉ioht tsi roteʼnhosénhtakwe, né꞉ne Jehosheba konwáiastsʼkwe, né꞉ne rotiniákonhne ne ratsihénstatsi Jehoiada ronhwáiastskwe. Athasheʼkonkéha tsi roniakénton saiáta ne Ahaziah roiénha, né꞉ne Joash ronwáiastskwe, watiowiráhkwen nó꞉ia iononhtí꞉iokwe né nó꞉nen thó꞉wa sakonhwásehte tánon wahohiathásehte skát꞉ke ne tewáts꞉nie né tsi ionák꞉thaien Nónonsatokentiʼkó꞉wahne. Né tsi rohiathaséhton, wahoniákente né tó꞉sa ahonwanonhwariákon né Athaliah et nakarihónhni.

Exodus 8:3

Tsi kaniaʼtaraʼtátie ne Nile kwáh thentatírahke otskwà꞉rhe tánon enthonteskó꞉ko sanónskon nienhónhne, tsi sanonhwétstha, sanaktàke, tsi rahtiʼterónhton ne sahnahtsherahó꞉kons ó꞉ni ne shonʼkwetaʼshónhas, tánon iekanihá꞉re ne tsi satenhatharonhtáʼkwas ó꞉ni sehkhonniá꞉tha ienahtsaráhkwas.

Proverbs 21:30

Nón꞉kwe nakottokháhtshera, tekaʼnikonhrathé꞉tha, tánon kakaʼenionhtsherí꞉io—iáh oʼthé꞉nen thaiesaiaʼtakéhnha tókaʼ ne Roiá꞉ner iáh tethiáhnhes.

Isaiah 37:35

Asèken kwáh kí éntkene kí꞉ken kanatowanénke nakenónsthate, asèken Í꞉ih akerihwá꞉ke tánon ne raorihwá꞉ke nakenhá꞉tshera Táwit.’”

Jeremiah 33:17

Í꞉i, ne Watiá꞉ner, wahkaráhratsʼthe tsi kwáh tiókonhte tsi ne ne Táwit rahwahtsirahtátie enhatenonhtiʼióstheʼke ne Israeronónhke

Jeremiah 33:21

Kwáh nònhne ne sáka tsi wahkeriwíson nètho akenhátsera Táwit tsi kwáh tiókonhte tsi enhawahtsirahtátie nahontenonhthiʼiósthaʼke, tánon ó꞉ni kheʼriwisenhénni ne rothikháres ne ne rahotiʼtáhrahkon ne Levi tsi kwáh tiókonhte tsi enhiontioténseheke; tánon nètho wakeriwíson tsi iáh nonhwénhton tathahonsahkáiakon.

Jeremiah 33:26

Tánon kwáh tsi nihioriwí꞉io tsi kíʼ ehʼniwahtiéren, káti kwáh iáh nonhwénhton tsiaʼkhehiatewénhtheʼte tsi nienhatwahtsiríʼne ne Jacob ó꞉ni ne akhenhátshera Táwit raowáhtsireh. Kwáh sahiáta enhihiatharáhko ne Táwit raowáhtsireh nahshaʼkotkórasʼthe ne Abraham raowáhtsireh, ó꞉ni ne Isaac, tánon ne Jacob. Kwáh enkheténrahke naʼkonhkwetaʼshón꞉a tánon enkhehiónnien ne shé꞉kon ahonsahotiʼhianerásten.”

Jeremiah 35:2

“Wáhs tsi thathitárahien ne Rechabite niaháse tánon iasehtháras. Ethóhʼne thasehiaténhaf tsi nónhwe ne énskak khók hionákthaien Nononhsatokentiʼkówahne tánon otsítsa séhtats nahatinekírah.”

Jeremiah 36:26

Ethóhʼne ne ronnonhtí꞉io wahónnhaʼne ne roiénha Jerahmeel, skátke ne Seraiah ne ne Azriel roiénha tanon ne Shelemiah né roʼníha ne ne Abdeel, nahiontiénah ó꞉ni ne rakhiatónnis Baruch. Ók kíʼ ne Roiá꞉ner sonkeniʼhiathashéthonʼkwe.

Ezekiel 40:45

Ne rónhkwe wahakró꞉ri nètho ionákthaien né entiéne niehiotseráhton né nènhʼne ne rokháres rahtienthákwa Nononhsatokentíke tehariwásnie.

Judges 9:5

Roʼníha tsi thohnónhsohte niaháre né꞉ne Ophrah nónhwe, tánon thóh nónhwe é꞉neken ne skanénhiak khók í꞉ken waʼsakononhwariakónhnion ne tsáta niwáhsenh niháti ronhthatekenhokónhas, Né Gideon sakohiohokónhas. Ók ne Jotham, Né꞉ne kwáh kenʼnieráha ne Gideon roiénha, wahathásehte nènhne iáh kíʼ tehonwanonhwarhiákon.