2 Kings 1:2 - Ohiatonhseratokénti

² Né Ronhnonhtí꞉io Ahaziah ne Israerʼró꞉nonke tsi ioskwénhnonte ne karonhkwénake ne tsi ronónhsohte tahahiáthenhne né꞉ne Samaria nónhwe tánon kwáh thóh tsi nahokaréwathe. Káti tó꞉ka niháti ne ratirihwakaré꞉nies iashakotóri nahonwanikonhrisákʼkha ne Baalzebub, né sakoní꞉io í꞉ken ne Philistine ne tsi kanatowanénke né꞉ne Ekron nónhwe,

2 Kings 1:2 ပူးပေါင်းရင်းမြစ်များ

1 Kings 11:33

Thóh kí nénhtiere tsioríhwa ne Solomon tsi né washakosénhnaien ne thikaniʼioserátes: né꞉ne Astarte, né rahotiní꞉ios ne Sidonró꞉nons; ne Chemosh, ne raotiní꞉io ne Moab; ó꞉ni ne Molech, ne raotiní꞉io ne Ammon. Né Solomon kwáh kíʼ wahakewenhnónhti; tehoterienhthaweriéhon tánon iáh tehotsenawáston naʼtianerénhseras ó꞉ni nakerihwatátʼtieras tsi né niʼiohthónhne ne ronikénʼen Táwit.

1 Kings 14:3

Oiéri nikanataʼráke iatsawíthen, tánon ostónha ká꞉ret, tánon skawísa otsinakonhthákwahne otsikhéta. Tierihwanón꞉tons onhnènhne nenhohiátawen ne tsi theʼniʼiénha, tánon kíʼ enhiaró꞉ri.”

1 Kings 22:34

Kwáh ethòne, né꞉ne iáh ónhka tetsiakothesenhnónhni, né Syriaró꞉non rasóh꞉tar iaharónhthaʼte kaiénkwire né wathó꞉kwahthe ne Ronhnonhtí꞉io Ahab tsi natehiosthóntere ne rotsathawíton ne ratherihiosthákwah. “Wakatʼkaréwathe!” Hiathohénrethe né rothoriénhni notsónhkwa. “Thonhshasatʼkarathéni tánon shathotáro ne tsiwaterí꞉io!”

1 Kings 22:40

Né sarénheʼie né roiénha Ahaziah thonsahonakʼthákwen tsi sahatenonhtí꞉iosthe.

2 Kings 1:16

tánon wahawénhase, “Kén kíʼ nahó꞉ten ne Roiá꞉ner ráton: ‘Né tsioríhwa tsi iasehiathénieʼthe ne ratirihwakarénies niaʼhonwanikonhríhsake ne Baalzebub, né raní꞉io ne Ekron—tsi shí꞉ken ní꞉ioht ne iáh othènen tekaniʼioseráien Nisraerʼró꞉nonke nahonwanikonhríhsake—iáh kíʼ tahonshasatʼkwahtháko; kwáh kíʼ ensí꞉heie!’”

2 Kings 1:3

Ók rahoronhiakerónon ne Roiá꞉ner wahoróri né Elijah, né꞉ne rotó꞉kenhse í꞉ken ne Tishbe nónhwe nihanákere, thóh ié꞉reh iaʼteshakóterat ne ronhwarihwakarenién꞉nis ne Ronnontí꞉io Ahaziah tánon nashakorihwanónhthonhse, “Onh nonhtséren tsi Baalzebub atsisewarihwanonhthónhsera, ne raníio ne Ekron? Né kén aoríhwa tsi í꞉sewere tsi iáh othènen thakaniʼioseraiénthake Nisraerʼró꞉nonke?

2 Kings 1:6

Watʼthatirihwaseráko, “Rónhkwe watsiakwatéraʼne rahónha wasonhkwahró꞉ri ne tahonthahiakwaké꞉te tánon nakwahró꞉ri nètho Roiá꞉ner tsi iarihwanonhtónhnis, ‘Onh nonhtséren tsi iasheiathénieʼthe ne ratirihwakariénies nahonwarihwanónhtonhse ne Baalzebub, ne raníio ne Ekron? Né kén aoríhwa tsi í꞉shere iáh tekaniʼioseráien Nisraerʼró꞉nonke? Kwáh kíʼ iáh thatahontahioiánerenhne tsi nisakarewáthon; kwáh kíʼ enshí꞉heie!’”

2 Kings 17:16

Akwéʼkon tehotiʼiákons ne Roiá꞉ner rahoianerénhseras ne Raotiní꞉io tánon tèkeni wahontsatonhniserónhni tèro ne karístatsi nahó꞉ten í꞉ken ne nakonwasénhnaien; kwáh ó꞉ni wakonwaiatónhni ne kaní꞉io Asherah, ó꞉ni otsístho wakonwasénhnaien, tánon ne wakonwaiótenhse ne rahní꞉io Baal.

Job Tánon ne Raoronhiakensera 31:3

Iáh ken natkaronhniá꞉tshera teotí꞉ras ne ronhnonkweʼtahétkens, tánon natkaronhniátshera ne rotí꞉ras tsi nihiá꞉kon ne ne rotiiò꞉tens ne karihwahetkénhsera?

Song of Songs 2:9

Ne rakenorónkwah kwáh ne ne oskenón꞉ton kahentakéʼa khéhs ne kenʼnitohiónʼa oskenón꞉ton rátsinn. Satká꞉to, thóh í꞉rate í꞉se nontenhenráti ne tsi ionkwatenhenrahtátie, tehaʼkánere tsi ionkwatenienstónkwa, tehaʼká꞉nere tsi wahá꞉ra ne tsi kanonká꞉ronte.

Isaiah 19:3

ne tsi ronónnhe ne Egyptró꞉non kwáh enkahiakénhen, tánon kwáh thenkheʼhianitonhniáten tsi niohʼnatenikonhrón꞉ni; kwáh ne ensakonaʼtenikonrát꞉kenhse ne kahiatonhnisónhas tánon ne raoʼtinikónras ne ronenhéions tánon ne raonatónnhets ne tehhontaterennáonh tsi niʼhonnontónhnions;

Isaiah 2:6

Ó Ní꞉io sehiatewenhtéton ne shonkwetaʼshónha, Ó tsi ronónshote ne Jacob. Kwáh thiʼtatíhere nonkweʼó꞉kons tehontʼkónstas ne tsitkarakwínekens nithonhnétha tánon tehontʼkónstha kwáh tsi ní꞉ioht ne Philistines, tánon tehonatatenenhtsawáhkons ne tihononhontsátes.

Isaiah 37:12

Né raotiniʼiohokónhas né thiʼiakahontsáte shonwatiniakénton kén, né꞉ne thiʼononhontsátes nohénton thonaterihóntakwe tsi ní꞉ioht ní꞉i sakonáthonton, né꞉ne Gozan, Haran, Rezeph, tánon nonkweshón꞉has ne Eden Telassar nón꞉we nihatinákerekwe?

Isaiah 37:19

tánon otsirá꞉ke iaʼteonatesenhniá꞉ton ne raotiniʼiohokónhas, iawerohátien tsi iáh ratiní꞉ios tèken, ók ónhkwe akosnón꞉sa thiʼiosahánion—óiente tánon onénhias—tánon ká꞉ti kariwathóntons.

Matthew 10:25

Ethose ok nithotte ne ronȣarihonnienni tsiniiot tsi rateȣeiensta, oni ne rannhatsera tsiniiot tsi ronȣannhas. Tokat nonȣa otkon ronȣanatonkȣen ne Raniserakȣeniio, toh kati onte akȣa senha niienshonȣatinatonkȣake ne sakoienhokonha.

St. Mark 3:22

Nok ne ratiiatons Jerusalem thotiientakon rontonhakȣe are neneh: rotkonseraien ne Beelzebul, nok neh aosennakon tsi sesakotekȣata nʼonatkonse-raksens.

Luke 11:15

Otiake are sane ȣahiron: Beelzebul ȣahi nehne konȣakoȣanen notkonseraksen ahosennakon raieratha tsi sesakoiatinekens nonatkonsson.

Acts 20:9

Nithonʼhión꞉a Eutychus ronwáiats tsi kanonsthonkwakáronte renskwárakwe, ne Kór tsi nihoteriwahnó꞉the, ne Eutychus kwáh éhtho tsi nahoserentáraʼne, tsi nióre ne kwáh iahótaʼwe tánon hiahaiátenʼne nehne ásenn natehionákʼtaʼne nitiótʼte tsi nióre nonwentsiáke. Satonsahonwahiátakwe rawenheionkówa.

Joshua 15:11

Ne tsi karistatátie thóh nionhsáwe tsi ionhniarónhnion ne othorè꞉ke nokwá꞉ti ne Ekron, hiatkahiósaien ne Shikkeron, hiahontó꞉hetste ne tsi Ionónhte ne Baalah, thóh nionhsáwe Jamnia. Iat꞉taʼne ne Mediterranean Kaniatarakeʼkó꞉wa,

Judges 11:24

Sénhak káti kén enhsatheniénten niahonshá꞉sawe? Shá꞉wak tsi nahó꞉ten ne saní꞉io Chemosh thiáwi. Ók kíʼ enhiakwaháwake tsi nahó꞉ten ne Roiá꞉ner onhkwah Ní꞉io, iehó꞉ha nonhkwahrihwáke.

Judges 5:28

Ne Sisera ronisténha tsi iononsthonkwahkáronhte tahiontketó꞉ten; “Onh nonhtséren ne rahó꞉sehre otsón꞉kwah tsi nihionískwas ne tahontháwe?” waherihwanónhton. “Onh nonhtséren ne rahotsenenhókons kosáhtens tsi nihiotinískwas ne ahonsakónhnewe?”

1 Samuel 5:10

Káti Ekron nón꞉we iahonténieʼte ne raoneró꞉kwa ne sakoʼNí꞉io NʼIsraerʼró꞉nons. Ók nó꞉nen ne raoneró꞉kwa ne Ní꞉io iahón꞉we Ekron, nonkweʼókons ne Ekron kwáh watsiakohénrete, “Nontiéren tsi ontsónhake nontahatíhawe ne raoneró꞉kwa ne sakoʼNí꞉io NʼIsraerʼró꞉nons ne kén naionkhinonwarhiákhon ó꞉ni nontsonkwetaʼókons?”