2 Corinthians 8:3 - Ohiatonhseratokénti

³ Kwáh ísi nón: nithatiiestháhkwe tsi nihotikwénion, ne tsi kwáh eh nithonskanékskwe.

2 Corinthians 8:3 ပူးပေါင်းရင်းမြစ်များ

1 Chronicles 29:9

Nonhkweʼshón꞉as kwáh eh nihiakonikonhró꞉ten tsi tahón꞉hion ne Roiá꞉ner, tánon tsi nihiakotʼtsenhnónhni tsi niwé꞉so onhteróhroʼke. Né Ronnontí꞉io Táwit kwáh í꞉ken tsi ishiʼnónhwe tsi nohotsenhnónhni.

Psalms 110:3

Né shonkwetaʼshónhas kwáh thóh nenhotinikonhrothénhake tsi ienhonthatátʼkawe naieshatsátarahse nenhtewenhniseráteke ensehwaʼterí꞉io ne ieshá꞉shons né onontatokentíke nón꞉we tsi nentʼkaráhkenhne nonronkéne, tsi ní꞉ioht ne iohá꞉weien thóh ní꞉ioht ne shonkwetaʼshónhas ne kenhnitotihiónsas tsi entʼtonhne shonháke.

Exodus 35:29

Onhkwetakwékon ne Israerʼró꞉nonhke ne iérahkwe nahontahatíhawe ne nahónhion ne Roiá꞉nerné tsi nihoná꞉on ne Mahís nahohióten

Exodus 35:5

Etʼtsisewawíhon ne Roiá꞉ner. Onhkweʼtakwékon ne ionskáneks né naiéiere owistanó꞉ron, kawistaráken, tó꞉ka ó꞉ni tehiowístaron notsínekwar karístatsi;

St. Mark 14:8

Aonha aokȣeniat tsi nakaiere: tahonenne taioiatokaȣe nakieronta neh iaȣet nonen enhionkiatata.

Acts 11:29

Neh ratikwekónne hiatotiriwaiéntase kwáh satihiatátʼtion ienhonténiente tsi nenhatikwéni nasakotiʼiénawase ne iakoriwiʼióston ne Judea nónwe niʼienákere.

Romans 10:2

Enkwéni nakeriwahnírate neh tionháke kwáh íken tsi tehonathonwentsióni Rawenni꞉io ahonwahiótense; nók tsi ní꞉ioht tsi ronhnésaks nahonwahiótense ne Rawenni꞉io iáh neh teionʼniáton noriwí꞉io atʼthoʼkátsera.

1 Corinthians 16:2

Kwáh iaʼteiawentatokentiʼtsheráke ónenk tsi ákthe nensewáhien nowísta, ne entiohianénhawe tsi nahtesewahthéntion, tánon sewahteweiénton, ne káti ne tóhsa tahiontonhontiohónhake nahisewahwistaróhroke nónen téntke.

1 Corinthians 9:17

Tóhka thóh ní꞉ioht tsi ahontióten tsi kwák tahkatathewenhní꞉ioke, ne káti enwahkeráhreke nahonkatʼkáriase; nók tóhka thonéntiere tsi nahtehiotonwentióʼon; tsoríwah tsi Rawenni꞉io rahkeríhonthe kí꞉ken kahioténsera.

Galatians 4:15

Tsi nióre tsi sewatʼtsenonníhakwe! Kanieiawénon ne sewatonnharákʼtsera? Kwáh orihwí꞉io wakónni tsi kwáh tsík knahoténsonk ahontesewatatokʼtakwénni ní꞉i akeriwáke iekaníhare ó꞉ni ahisewatákwen ne sewakarasónhas tánon Í꞉i ahontaskwáwi.

Philippians 2:13

Tionhakéson shènon nihoiohtáties ne Rawenní꞉io natsitsiónʼnien, tánon ó꞉ni natsisewawénnarakwe.

Colossians 4:13

Kwáh iatetiá꞉ti entkwé꞉ni nakeriwahnirá꞉te tsi nihokwísron tsi tsisewahiò꞉tense ne sáh꞉ka ó꞉ni ne Laodicea tánon ne Hierapolis.

1 Thessalonians 2:8

Tioríwa ne tsi nikwahnorónkwah ionkwahtateweienʼnentahónk taitewahiéna iáh nek tèken ne kariwí꞉ios tsi nitsiawenón ne Ni꞉ióʼne ónk tsi iatiónnhe ó꞉ni. Tsi nióʼre tsi kwahnorónkwahkwe!

Philemon 1:14

Kwáh tsik nahiotónhake, tsi iáh tatewahkatonwenhtióni nahkonhiakwisrónhase nasheksnié꞉non; kek, ne akenonwéhne ne kwáh i꞉se thóh naeshaʼnikonroténhake. Ne káti ne kwáh iáh thé꞉nen thakátiere tsik enshewahriwahnónwehne.

1 Tiér 4:11

Nónka ionteriwahnótʼtha ónenk tsi ne enhionteriwahnóhten ne Rawenni꞉io rahotheriwanohtátseras; ónhka ne iakohióte ónenk tsi ne énhionste ne kasatsʼténsera ne Rawenni꞉io tesakówis, nekáti kwáh oriwakwékons nahónton rahonháke ne Ié꞉sos Kerístos tsi tahonwanonweráton ne Rawenni꞉io, rahonhatsíwak rahówenk ne kahiatanerakwátsera ó꞉ni kasatsʼténsera tsi nienʼhénwe ó꞉ni tsi nénwe. Éhʼtho naiáwen꞉ne.

1 Tiér 5:2

naseiatennikonráren ne kentiókwa tsi niʼientiokwáwi ne Rawenni꞉io tánon kwáh thoʼnaisanikonrohténhake tsi ahseiatennikonráren, kwáh tsi naʼtehontonwentió꞉ni ne Rawenni꞉io neh náshere, tánon tóhsaʼ ne iáh thoʼtaisanikonróhten. Sahióten ne sahioténsera, iáh tóhkaʼken ne tsi satʼkarhiákse, nók neh tsi kwáh thóh nithesaskáneks naisahióten.