2 Corinthians 7:4 - Ohiatonhseratokénti

⁴ Kwáh tokén꞉ʼen kwaniahé꞉sen. Tiótkon tekwarénhsarons tánon é꞉so tsi onkeʼnikonhrahníhrha. Aronhátien tsi niaʼté꞉kon teionkwaʼnikónhrhare shé꞉kon é꞉so tsi ionkwatonhnháhere.

2 Corinthians 7:4 ပူးပေါင်းရင်းမြစ်များ

Acts 5:41

Tsi natonsahontetʼkhaʼshiónko ne ratikweʼkónʼne ó꞉ni ne Ratitsiénhaiens, kwáh rohnatʼtsennón꞉ni, Asèken Rawení꞉io sakohiatarákwen neh tsi iatekaiéri tsi nihotikwénion nahontéʼen ne Ié꞉sos rahoriwá꞉ke.

Romans 5:3

Kwáh ísiʼnon, tsi nihʼionkwatonʼnáhe꞉re non kwaronhiakenserákon, tiehionkwateriéntare ne karonhiakénsera tekawisʼsátste.

1 Corinthians 1:4

Tiotʼkonhónwe tenʼinonweráton ne Rawenni꞉io níse sewahriwáhke tsoríwah tsi nitʼiáwi ne kenténrat rahonháke ne Kerístos Ié꞉sos.

2 Corinthians 1:14

Kwáh káti ó꞉nen ostónha takwaʼnikonhraién꞉tas. Ne káti nó꞉nen ne Shonkwaiá꞉ner Ié꞉sos ténthre, kwáh eh tho ní꞉ioht tsi ahskwahsennakará꞉tate tsi ní꞉ʼi nikwatierá꞉se.

2 Corinthians 1:4

Shonkwaʼnikonhraʼní꞉rats nó꞉nen thé꞉nen teionkwaʼnikónhrhare, eh káti naióhton tsi aonsaiethiʼnikonhraʼní꞉rate ne otiaʼkéhshon nó꞉nen thé꞉nen tehonaʼnikónhrhare.

2 Corinthians 10:8

Tóka nón꞉wa sótsi ísi nón꞉we tsi nikatá꞉tis tsi ní꞉ioht tsi thakehsatstenhserá꞉wi ne Roiá꞉ner ne né꞉ʼe akwah iakeʼnéste tsi ní꞉ioht nakwakarón꞉ni. Iáh kiʼ nen né꞉ʼe tekatéhens ne takataterénhsaron.

2 Corinthians 11:21

Katéhens nakì꞉ron tsi niionkwahtsheiaróntahkwe ne tho naionkwaié꞉ren! Tóka rotikwénion ne tahontaterénhsaron, tho ó꞉ni ní꞉ʼi niwakkonhsahní꞉ron ne takataterénhsaron.

2 Corinthians 2:14

Tenhinonhwerá꞉ton ne Rawenni꞉io, ne se wáhi teionkwateriwashontere oh naiá꞉wen ne aietewakwé꞉ni ahtshitewaioʼténhse ne Kerístos. Rawenni꞉io tehshonkwá꞉wi ne taietewaterihwaré꞉niaʼte ne Kerístos raorihwà꞉ke kwáh ne neh wenhserakon.

2 Corinthians 3:12

Tsi niionéhrakwat kí꞉ken ahskanéktshera né꞉ʼe tionkwá꞉wis naionkwaʼnikonhratshaʼníhton tsi ní꞉ioht tsi aietewatá꞉ti.

2 Corinthians 7:14

Akwé꞉kon waʼshakwahró꞉ri tsi é꞉so tsi waʼtkwarénhsaron tánon iáh teskwaʼnikonhrhatén꞉ni. Tiotkonhón꞉we orihwí꞉io, akwé꞉kon káti tsi nahò꞉ten waʼshakwahró꞉ri tho kiʼ ní꞉ioht.

2 Corinthians 8:24

Taiehtshiiateweienʼtónhas ne tiakawehtáhkwen ne tsi ahontkáhtho ne sewanoronhkhwáhtshera, ó꞉ni enhonaterién꞉taraʼne oh nontié꞉ren tsi tiókonte í꞉se kwathroriá꞉ton.

Philippians 1:14

Nón꞉wa thówa ratikwénon tsi nihá꞉ti neh Kerístos ronwanonteráties wahothinikonrahtsianíʼthaʼne tánon kwá iáh othènen thesathitsánis nahontheriwhanóten.

Philippians 1:20

Kwá éhtho ní꞉ioht tsi kanontónʼnions ó꞉ni kaskáneks tóhsa nonwénton neh thènen nakátiere nahonkatéhate. Neh thokàken akónnheke khés nakíheie, Netewakathonwentióni tiókonte ehnahonkenikonrhatsaníton tsi nónwa ní꞉ioht tánon Kerístos nokwáh niáwe ne kakweniensthátsera.

Philippians 1:26

Ethòne á꞉re nónen ienskwanatarénase, kwá iohiánere tsi ensewanontonniónʼehke tsi nikowánen tenskwarénsaron ne neh Kerístos Ié꞉sos rahorihón꞉niat.

Philippians 2:17

Tsi thisetákwen tsi nòkwa ne Roiá꞉ner tanon tsi ní꞉ioht tsi teseriwhaʼiérits ne teskaieróntare tsi ní꞉ioht nasatsienkwarónniate ne rahohénton. Tánon nakenekwénsa tòka nónwa ónen tsi neskátne entewahʼwéronke ne iontsienkwaronʼniathákwa. Tóhka káthiʼki ehʼneniáwen꞉ne, Enkatsennónʼni ó꞉ni skátne entewathonʼnáren.

Colossians 1:24

Onk ó꞉nen sewahkatʼtsennón꞉ni neh tsi nikwaroniá꞉kense, Asè꞉ken ne kéntons tsi niwakeroniáken ne tierónhke kastsnié꞉nons tsi nahóten sehkon iotaténron ne iakáshon tsi nihoronhiakén꞉on tsi nokwáh ne Kerístos raierónke, né꞉ne ononsatokénti.

1 Thessalonians 2:19

Aséken naoten nónkwahrahrátʼtshera, ó꞉ni nonkwatʼtsennonniátshera, tánon neh hiationniátha tsi tehionkwahtaterensaron nonkwahtesenniéntshera tsi tho꞉ires ne Sonkwaiáner Ié꞉sos nóh꞉nen tsi nahténtʼre? Í꞉se!

1 Thessalonians 2:2

Sewahteriéntare ónenk ionkihiatʼkontáʼon ó꞉ni ionkinikonratsáton ne Philippi nónwe nohénton niséke niaiákwe né꞉ne Thessalonica nónwe. Tánon kíʼ-ó꞉ni iawerohátsien tsi wéso totiriwahrékwen, nonkwaNí꞉io tashóntion ne kanikonranirátʼtshera naiakwatʼróri ne kariwí꞉ios tsi nitewétha ne rahonháke.

2 Thessalonians 1:4

Ne aoríwah watʼkwarénsaron nakʼteshón꞉non ne thonwetákwen ne Rawenni꞉io. Watʼkwarénsaron tsi ní꞉ioht iesewahkontákwen tesewahwisátste ó꞉ni tisewetákwen tsewahkwékon tsi niʼietʼtsikenrónni tànon sewahroniakenʼenhátie tsi nisewahriwaienterihátie.

Philemon 1:7

Ne shanonronhkwáhtshera, tehkanó꞉ronh tiatathéken, tonhtʼkhawí꞉ten wé꞉so ne ahtsénʼnonniá꞉tshera ó꞉ni iawehtowá꞉nen ne kahnikonrahniratʼtshera! Onhkweʼtakwé꞉kon wahsheiatonhnaheráse ne raoneriánhésons ne Rawenni꞉io rahonkweʼtahshón꞉a.

Ne꞉ne Sák Rohiaton 1:2

Tewatenrosónhas, neh sewanonthonniónhek tsi nisewateraswí꞉io nónen neh kwáh tsit nahoténsons tensewaʼiathónko naientʼtsihiatheniénten,