2 Corinthians 4:4 - Ohiatonhseratokénti

⁴ Ne ranehsonhró꞉non ne tsi ionhontsiá꞉te shakoʼnikonhrharó꞉ron tsi nihá꞉ti ne iáh tethonehtáhkwen. Iáh tehatikwénies nahontkáhtho ne kaswathéhtshera, ne wathró꞉ris ne karihwí꞉ios tsi nahoʼténhshon ne raoiaʼtanehrakwáhtshera ne Kerístos, ne shonkweʼnestén꞉nis tsi nihaweiennò꞉tens ne Rawenni꞉io.

2 Corinthians 4:4 ပူးပေါင်းရင်းမြစ်များ

John 12:40

Ȣatesakoronȣeke, nok ȣasakaȣeriasanirate, tosa ratikarake ahontkahtot, nok raoneriane iahotinikonraientane, nok ahonsahontatreȣate, nok ahonsakhetsiente.

2 Corinthians 3:14

Nonkweʼshón꞉ʼa kwáh í꞉ken tsi rotinontsistahní꞉rons, tánon shé꞉kon nón꞉wa knahò꞉ten rotiioʼtá꞉tis nahatiién꞉tereʼne ne orihwí꞉io nó꞉nen iotewennà꞉note ne kaianerenhseraká꞉ion. Kerístos khók enhakwé꞉ni ne ahahrhoróksi tsi nahò꞉ten iáh tehontkáhthos.

Acts 26:18

Tensekakwarísi ó꞉ni tonsashekaraténi tsi non natetiókaras tsi teioskwátʼte niehónne tánon shèkwa ne Raneshonrónon rahosatsténsera nók Rawenni꞉io rahosatsténsera tontashéhion, káti tsi entionkétakwe ne rahothiriwanerahákʼtsera enskanikonrén꞉en tánon enhatiʼiéna neh skátʼke ahonnéseke tsi niháti ne Rawenni꞉io sakohiatarákwen.’

Isaiah 6:10

Shenikonrónhnien kí꞉ken onkweókons ne tahotiʼnikonhrihiókete, tánon tesehiahontákwent, tesekará꞉set, ne káti ne tó꞉sa ahatikwé꞉ni ne tahatiʼkaneráke, tánon nahontahonsatáte, tánon nahonthaʼtenikonraientáten, tánon tahonsahontkaráteni tánon ahonsahonwatítsienhte.”

1 Sawátis 5:19

Ionkwateriéntare tsi Rawenni꞉io ní꞉i rahonkwetasónha iawerohátsien nonhontsiakwékon tsi neh rasáriʼne ne ranikonrakʼsen.

2 Corinthians 4:6

Ne Orihwatokénhti wá꞉ton, “Rawenni꞉io tahanónhton tsi waʼtioswá꞉theʼne tsi nón꞉we tetiokaráskwe.” Nón꞉wa ne Rawenni꞉io tehoswathé꞉ton ne onkwerià꞉ne nakwahronká꞉ten ne raoiaʼtanehrakwáhtshera tho weʼnéston raonhà꞉ke ne Ié꞉sos Kerístos.

Ephesians 2:2

Neh thóh sontakaháwi neh í꞉tshereskwe ne tsi ionwentsiáte ahoriwahetkénʼtseras; neh wasatewénʼnarakwe ne kanikonrahétken, ne kanikonrákʼsen tsi neh tsakoniarótaron nonkwesónha tsi niháti ne iáh tehonwahwenʼnarákwa ne Rawení꞉io.

Ephesians 6:12

Asèken iáh seh ónkwe tehionkwaterí꞉io nók nehne rothiriwáneren rathinesonrónons ne tsi karonhiáte ionhontsiáien, ne rathikorásons, kaianerenserasónhas, ó꞉ni ne tsi ionwentsiáte rathikorásons tsi naʼtetiókaras tsi nihonatenʼniserathénion.

John 12:31

Onen onȣe naoriȣentatsera tsi ionȣentsiate; Onen oni astste enhonȣaiatontiete ne ronȣakoȣanen tsi ionȣentsiate.

John 8:12

Nok ne Iesos sekon are ionsahatati, ȣahenron: Ii ahosȣathesera tsi ionȣentsiate, iah tahontahokaraȣe nenhaknonteratie, neh tanon tenhosȣatheke ne ionnhe.

John 12:35

Tontahenron ne Iesos; Sekon nikariȣessa teseȣasȣathetseraien: seȣatenti kati sekon ok nateseȣasȣathe, sotsi iotteron onȣa tontiseȣakaraȣe: aseken nasatakon rotentionhatie, iah ki tehoterientare kah ȣare.

John 14:30

Onen thoha aontiake tsi teteȣatharha: aseken tare ne ronȣakoȣanen tsi ionȣentsiate; iah sane othenon tehoriȣake niihne.

2 Corinthians 3:18

Káti ne tewakonhsaʼkéhshon iáh teiotehrhó꞉ron. Iaweʼnéston tsi naʼteioswáthe ne Roiá꞉ner raoiaʼtateríhtshera, tsi ní꞉ioht tsi shontión꞉nis ne Roiá꞉ner Roʼnikonhratokénhti ne sénha taonsakaierón꞉tarake ne Shonkwaiá꞉ner raoiaʼtanehrakwáhtshera.

Colossians 1:27

Tsi nihotenikonrónni ne Rawenni꞉io né꞉ne asakoronkáten ne rahonkweʼtashónha tsi nihoriwahshéton, kí꞉ken kakwákston ó꞉ni ioriwahnerákwak kariwahshéton neh nonkweʼtakwé꞉kon akoriwáke. Tánon ne kariwahshéton né꞉tho Kerístos tsi senikwé꞉kon, ne kéntons tsi ensatiatáren thóh rahohiatanerakwatserá꞉kon ne Ní꞉io.

Colossians 1:15

Kerístos ne kwáh rohiatáken teskaierontáre ne iáh tehohiatáken Ní꞉io. Raónha ne tohenton rawenhnakeraton tsi nahoʼténsons kasahánion.

1 Sawátis 2:8

Nók kíʼ, nónwa ne hionsakwaiátonse ne náse atewennarakwátshera, Asèken naoriwakwarishióntsera thóh wenéston rahonháke ne Kerístos tánon ó꞉ni tionhakéson. Asèken ne tetiókaras ónen iotohestonhátie, tánon ne kwá kaswahthétsera ónen teioswathéton.

Philippians 2:6

Kerístos kwá oriwí꞉io tsi Rawenni꞉io kènʼne. Nók iáh tehotheniénten ne sathatahonátʼteke ne Ní꞉io.

John 1:14

Nok Onkȣe rotatonni nʼOȣenna, onȣentsiake ȣarennakerate, nok ionkȣatkatton ne rahoiatanerakȣatsera, eh nihoiatanerakȣatseroten tsini hoiatanerakȣatseroten nʼenskat ok Niio Roienha, titkahere atanitenrasera oni ateriȣakȣarisionsera.

Hebrews 1:3

Renésta tsi naʼteioswátʼte ne Rawenni꞉io raohiatanerakwátshera tánon kwáh teshiatiéren ne Rawenni꞉io tsi niʼrónnhe, ne tsi nihioshatstenserowánen ne raowennashón꞉ʼa ne iotsenawastánion tsi orihwakwé꞉kon. Sahariwaié꞉rite ne kaʼnikonrénhtsera tsi nihiakoriwáneren nokwetaʼkwékon, karonhiá꞉ke ionsahátien shaweientetákwen nokwáti ne Ní꞉io, ne Rohshatsʼtenserowáhnen.

Titus 2:13

tsi nihionkwárahre nètho iawenniserahnerákwak ionkwarahratsʼténni, nónen ne rahohiatanerahkwátshera ne rosastenserowáhnen Ní꞉io ó꞉ni ne Sonkwaiatákwen Ié꞉sos Kerístos entathathénesthe.

John 16:11

Kaiatoretatserakon ne tsi onen tekonȣaiatoretakȣenthon nonȣentsiakeronon konȣakoȣanen.

2 Tiér 1:19

Ne káti ónen sénha ísinon nihionkwanikonraníron nateriwanothátshera tsi nihotirihowanháton ne rohtitokenséhakwe. Kwá íken tsi ensaianerásten thóka kwá ákta tsi ahsatennikonráren, tioríwa tsi kwá neh꞉ne kahásera teioswatʼthéton tsi tetiókaras tsi nióre iatenioswátʼthene noronké꞉ne tánon ne teioswátʼte noronkeʼnéha otsísto iateioswátteton ne seweriánes.

2 Corinthians 3:11

Tsi tewatká꞉wen ne kaianerénhsera ne kenikwekonhátie ne kaiaʼtanehrakwáhtshera tánon tsi ontasóko. Nok naʼorenhsarónhtshera ne á꞉se aterihwahseronniáhtshera sénha né꞉ʼe iorihowá꞉nen sótsi iáh nowén꞉ton thakaiaʼtáhton.

1 Corinthians 10:20

Iáh! Tsi nahóten káton nahóten né iáh tehotiriwiʼióston rohnatéskonthe ne tsi ratitsienharáhkwah ranesonrónon ronwahtáti, iáh ne Rawenni꞉io. Tánon iáh tatewahkatonwenhtióni ne taiesewahiéna ne ranesonrónon.

John 12:45

Onka tehakkanere tehokanere ki oni ne takatorion.

John 15:24

Ne ne iah eh taontieranionke rahotihenton tsinahoten ne iah onka nakoren eh teioieren, iah tahotiriȣaneraakseraientake; onen sane nonȣa ronatkathon nok sane sekon niionkhisȣens, ii nok oni ne Rakeniha.

John 1:18

Iah nonȣenton onka tehonȣaken ne Niio; neh nakȣa Ronineha tsioiakenhon neh oni nenskat ok Roienha sonkȣarori neh nikarihoten.

Psalms 50:2

Zion nón꞉we nitewétha, né꞉ne iekaiataiéri ioràse, Né Rawenni꞉io thóh natehoswát꞉te tsi ní꞉ioht ne karákwah.

1 Timothy 1:11

Ne thóh karihonniennítshera ne kariwí꞉ios nónwe nikatʼtsénrion né꞉ne ionkeniahesáʼon nakerihówahnathe, ne kariwí꞉io tsi nitiawénon raonháke ne rohiatanerákwat ó꞉ni rahohiatanerahkwátshera ne Rawenni꞉io.

1 Kings 22:22

‘Onhní꞉ioht?’ ne Roiá꞉ner waʼharihwanónhton. Né raronhiakeró꞉non watharihwaseráko, ‘Thóh iénke tánon ratikwékon ne Ahab rahonkwetashón꞉ʼas rotitó꞉kense enkhehiónhnien nahonhnó꞉wenhthe.’ Ne Roiá꞉ner wahénron, ‘Wáhs kíʼ tánon tetsenikonhrakénhni. Kwáh kíʼ ensaterihwathénhtsaʼse.’”

Matthew 13:22

Kenh kaien nohiktokon iekokerontaon, neneh, roton, rotaonsataton ne Niio Raoȣenna, neh tanon tehonikonrharanis nonȣentsiakeka, tsioni niiorihoten natsokoȣatsera, neh konȣarios noȣenna, nok iah tiieȣatonnisaas.

Acts 26:23

Nètho Kerístos ónenk tsi enharonhiáken tánon raónha tentʼthatiérente tentʼtatʼkétsko ne kenheiát꞉ne, nahsakorihowanháten nahoswatʼthétsera ne kaiatakenhátsera ne Sitaeró꞉nons tánon ne iáh tehathisitaerónons.”

2 Corinthians 2:11

Né: aorihwà꞉ke ne tóhsa ne ótkon né꞉ʼe è꞉neken ahaterihwà꞉rahkwe, ionkwaterién꞉tare wáhi tsi nihaʼnikonhrò꞉ten.

2 Corinthians 2:12

Nó꞉nen shiahá꞉kewe ne Troas ne iaʼkaterihwahnó꞉ton ne karihwí꞉io raorihwaʼshón꞉ʼa ne Kerístos. Ók ná꞉ʼa ne Roiá꞉ner shiaʼtehononhóntion oh naiá꞉wen ne aonterihwahtén꞉ti ne raoʼioténhsera ne tho nón꞉we.

Galatians 1:4

Neh nahónton kwáh skénnen ahonsashonkwátʼkaʼwe tsi nikariwáneren nónwa nikaháwis, Kerístos iaʼtehahiáti iahatatátʼkaʼwe waharonhiáken nonkwariwanerahákʼtsera, wahatewénnaraʼkwe tsi nithonikonró꞉ten nonkwaNí꞉io ó꞉ni Sonkwaníha.

Hebrews 6:4

Onh káti ní꞉ioht tsi niháti rohnatewenhtéton ne tewehtákwen tahontahonwahtiʼhiaténhawe tánon séhkon ahonshahʼontatréwahthe? Ónen thóh iehotihkwátʼton ne Rawenni꞉io rahoswaʼthetsherá꞉kon; waonkʼkonhontsherátkenshe ne karonhiakékha ahotahthawítshera tánon rohnónha ó꞉ni rohtiʼienáhon ne Onikonratokénti;

1 Sawátis 2:11

Nók kíʼ tokáha ietʼthísons nakorénsons, asátakon kíʼ nón nítewes; thóh nón nihionkwatahitáke tánon iáh tehionkwateriéntare káh niahonkwenonhátie, neh wakarihónni tsi tetiókaras wationkwarónweke.