2 Corinthians 3:3 - Ohiatonhseratokénti

³ Akwah tho nisewaiaʼtò꞉tens tsi shí꞉ken ní꞉ioht ne Kerístos ahohiá꞉tonke, tánon í꞉ʼi taionkwaterihwareniá꞉ton. Nok iáh né꞉ʼe teiehtshihiatónhkwen ne tókaʼs ó꞉ni otstenhrà꞉ke nón꞉we nakahiá꞉tonke. Onkweriahnéhshon nón꞉we nisewathiatónnion ne rohiá꞉ton ne Roʼnikonhratokénhti ne ronhnheʼón꞉we Rawenni꞉io.

2 Corinthians 3:3 ပူးပေါင်းရင်းမြစ်များ

Psalms 40:8

Kenón꞉wes nahontakonhnikonhraiérihte, Ó akeʼNí꞉ioʼ ne sahianerénhsera akwerhiá꞉ne nón꞉we nikahiáton.”

Psalms 42:2

Kwáh tsi ní꞉ioht ne rónhkwe tsi nihoniatátʼtens nahanekíra nonékanos kwáh thóh natekonhiatonhontsóni Sewenní꞉io, né꞉ne ronnhehónwe Ní꞉io. Kátʼke ahontáke nakatkáto ne tsi rakonshón꞉te ne Rawenni꞉io?

Psalms 84:2

Nakatónnhets wasʼkáneks, kwáh í꞉ken tsi wakaskanetʼthennis ne raononsaʼtokentiʼkówa ne Roiá꞉ner; kwáh akatonnhetʼtserakwékon tsi tenhirihwákwahse natʼtsenhnonhniátshera ne ronnhehónwe Rawenni꞉io.

Exodus 24:12

Ne Roiá꞉ner wahawénhase ne Mahís, “Thasehʼnontárahk akonháke nonhtáse, tánon tsi iotiesáonʼk kènʼen íhses, kwáh entkónhion tèkeni tekenstenrakwente, né kaháwe ne kaianerénseras tsi niwakʼkhetonhnion tsi nahiakorihónhnien nonhkweshón꞉á.”

Exodus 31:18

Nónen ne Rawenni꞉io sahá꞉sa tsi roʼtharakwenhníhakwe ne Mahís ne tsi ionónhte ne Sinai, tahá꞉wen ne tékeni osténhras tsi nónhwe né kwáh rahónʼa ne Rawenni꞉io rohiatónhnion ne kariwatátʼtsheras.

Exodus 32:15

Ne Mahís hionsahaʼnonhtátsnenhte, rahawinónhtie ne tékeni osténhras né꞉ne tetsarónhkwen nokwáhti kahiaʼthónkwen ne kariwatáʼtsheras.

Exodus 34:1

Ne Roiá꞉ner wahawénhase ne Mahís, “Tékeni senenhiakwétar tsi ní꞉tso thónhne ne tsotieréntons, Tánon thóh enkhiáton nowenhnasónhas tsi nikahiátonhkwe ne tsotierénhtons osténras, netesharíhtons.

Proverbs 3:3

Tóhsa nonwén꞉ton sáhtkahf ne ioiánere tsi nihsheiatierá꞉se nonkwehshón꞉ʼa tánon sarihwatokénhak. Swánerenʼk seniarà꞉ke, tánon serià꞉ne shiá꞉ton.

Proverbs 7:3

Sateweién꞉ton tiótkon tsi ní꞉ioht tsi konrihonnién꞉ni, shiá꞉ton ne serià꞉ne.

Jeremiah 10:10

Ók í꞉se, Saiá꞉ner, ne kwáh oriwiʼiohónwe Ní꞉io, Í꞉se ne shonnhehónwe Ní꞉io tánon tsi nénhwe Sanontí꞉io. Nónen shaʼnakwénʼen, ne tsi ionwenhtsiáte tenhiowísonʼkwe; nonkweshón꞉a iáh tahiekwéni nahiontahkátsthaʼte ne sahnahkwáhtshera. (

Jeremiah 17:1

Ne Roiá꞉ner ráton, “Nonhkweshón꞉a ne Judah nónhwe, ne sewariwahneraháktshera ne kahiathónkwen ne kwáh iohiothí꞉ie karísthatsi, ne ne kwáh kahiothí꞉ie sewerhiáne nónhwe nikahiathónkwen tánon né nónhʼne wahkarahtakwáthon ne tsi tekahiosahkérons ne tsi sehwahtienharáhkwahs.

Jeremiah 31:33

Ne áse aterihwahseronniátshera nenhkónni skátke nonhkweshón꞉a ne Israelronónke nónhwe tsi néntewe nenníseras kwáh kén ní꞉ioht, ráton ne Roiá꞉ner: Rahotinikonrakéson nónwe néntsien natianerénseras tánon rahonerianésons nónwe nenkʼkhiáton. Í꞉i ne raotiʼNí꞉io enkénhake, tánon roʼnónha nakonhkwetahshón꞉a enkénhake.

Ezekiel 11:19

Kwáh áse tenhtekhéhion nawéri tánon áse nonikónhra. Kwáh ahérenh enkháwithe tsi nihonerhiashaníhron tsi ní꞉ioht nonénhia tánon né꞉ne werhiashí꞉io tenhtekhéhion.

Daniel 6:26

Waʼtianerenhserón꞉ni kwáh tsik nonwéhshon né akeʼshatsténshera iekaníharaʼs tánon né tiaʼtakweʼní꞉io kwáh ioterihwí꞉son tsi niaʼteionkwè꞉take ahonwakwenién꞉stake ó꞉ni tahonwarenhsarónhsheke ne Daniel Raoʼní꞉io. Raónha ne Rawenni꞉io né ronhnheʼónʼwe, iáh ó꞉ni nonwén꞉ton thiaontókten. Iáh nonhka nonwén꞉ton thaiekwé꞉ni né aiónhtonʼte né raonakeráhsera, tánon iáh ó꞉ni nonwén꞉ton ne raoʼshatsténhsera thiaonʼtókten.

Matthew 16:16

Simon tahatati; ȣahenron: ise ne Keristos Niio Ronnheonȣe Iaienha.

1 Corinthians 3:5

Tánon ki ó꞉ni ónhka nèn꞉ne ne Apollos? Tánon ónhka nèn꞉ne ne Kór? Kwáh nék khók tsi Rawenni꞉io sháhkenihiótense, né tsi wahkwahéntense nahontesehwétaʼkwe. Kwáh tiakwahiatátʼtion né ionkwahióthe tsi niʼthówi ne Roiá꞉ner nahoióten:

2 Corinthians 3:6

Shonkwáhnhas ne tsi teionkwaténhtshon ne kahnáhtshera ahshontión꞉ni ne orì꞉wase raoterihwahseronniáhtshera né꞉ʼe ne Oʼnikonhratokénhti nón꞉we nitiawé꞉non tánon iáh nen né꞉ʼe tho nón꞉we tetiawé꞉non tsi ní꞉ioht tsi kahiatónnion ne kaianerénhsera. Ne aorihwà꞉ke, ne kaianerénhsera ne khók tkáhas ne kenhé꞉ion, nok ne Roʼnikonhratokénhti ne né꞉ʼe tkáhas ne atónhnhets.

2 Corinthians 3:7

Ne Mahís raoianerénhsera ne khók nen né꞉ʼe tkaháskwe, tánon karihwahnirátskwe ne kenhé꞉ion, iaweronhátien tsi otstenhrà꞉ke nón꞉we ni kahiá꞉ton tánon tsi ionkwaiená꞉ʼon kwáh í꞉ken tsi iohnéhrakwat. Shé꞉kon kiʼ nen né꞉ʼe ne kaianerénhsera waʼkakwé꞉ni ne Mahís tahokonhsastarathé꞉te. Sótsi teioswáthe, ne Israerʼró꞉non iáh tehotikwénion ne iahonwatkáhtho, iaweronhátien tsi iahontahsò꞉ko ne kaiaʼtanehrakwáhtshera.

2 Corinthians 6:16

Thó: ónhte kenʼ tiónakte ne Rawenni꞉io raononhsatokenhtí꞉ke ne kaiaʼtonniʼshón꞉ʼa? Onnonhsatokénhti ne wáhi tsi tiónhnhe ó꞉ni otionhà꞉ke nón꞉we nihèn꞉teron ne ronhnheʼón꞉we Rawenni꞉io. Ne seʼ aorì꞉wa rá꞉ton: “Eniakwakwekonhatié꞉sheke Iʼi ne raotiní꞉io enkénhake tánon akwé꞉kon I꞉ʼí akonkwé꞉ta enkénhake.”

1 Thessalonians 1:9

Kwá onkwetakwékon iakotarákwen tsi ní꞉ioht tsi wahteskwaróton ne siakwanatarénase, tánon tsi ní꞉ioht tsi thonsehsewatkaraténi tsi nòkwa ne kahiatonnisónhas tánon Rawenní꞉ioke ionséhsewe, nasisewahiótense ne oriwiʼiohónwe ó꞉ni ne ronnhehónwe Ní꞉io

Hebrews 10:16

“Ne á꞉se aterihwahseronniá꞉tshera nenhkón꞉ni skátke nonhkweshón꞉a ne Israelronónke nón꞉we tsi néntewe nenhní꞉seras kwáh kén ní꞉ioht, ráton ne Roiá꞉ner: Rahotinikonrakéhson nón꞉we néntsien natianerénhseras tánon rahonerianésons nón꞉we nenkʼkhiáton.”

Hebrews 8:10

Nónwah, ne áse aterihwahseronhniá꞉tshera nenhkón꞉ni skátke nonhkweshón꞉a ne Israelronónke nón꞉we tsi néntewe nenhní꞉seras kwáh kén ní꞉ioht, ráton ne Roiá꞉ner: Rahotinikonrakéson nónwe néntsien natianerénseras tánon rahonerianésons nónwe nenkʼkhiáton. Í꞉i ne raotiʼNí꞉io enkénhake, tánon ronónha nakonhkweʼtahshón꞉a enkénhake.

Hebrews 9:14

Tsi kwáh kí꞉ken orihwí꞉io íken, tohʼniwéso tsi sénha karihwahkwahtákwas ne Kerístos raonekwénsa! Thóh nónwe ne ionnheónwe kashatsʼténsera raónha iahatatátʼkaʼwe né꞉ne ahontakarihwahiérike ne karonhiakénshera raohénton ne Rawenni꞉io. Né raonekwénsa né entionkweriashaserón꞉ni tsi nòkwa ne iáh thènen thekarihwásthas tsi nikarihótenne, ne káti nahónton atsitewaiótense ne ronnheón꞉we Ní꞉io.

Joshua 3:10

Tsi iensewahténhti, kwáh oriwihiohón꞉we tsi enshakotekwáhthe ne Canaanites, ne Hitró꞉nons, ne Hivró꞉nons, ne Perizró꞉nons, ne Girgashró꞉nons, ne Amorʼró꞉nons, ó꞉ni ne Jebusites. Kwáh ki ensewaterienʼtará꞉ne ne ronhnhehón꞉we Ní꞉io tsi kén꞉en í꞉res tewahiataʼtónhtie

Revelation 2:1

“Raonhà꞉ke ne raronhiakeró꞉non ne tsi ionterennaientáhkwa thóh nón꞉we Ephesus shiá꞉ton: Ne kí꞉ken ne raowenhnaó꞉kons ne raónha rahá꞉we ne tsá꞉ta nikatsistóhkwakes thóh saweiententáhkwen, raónha thóh nón꞉we natehatekhahákwa tsi natekóntere ne owistanó꞉rons wathasherotákwas:

Revelation 2:12

“Tánon ne raronhiakeró꞉non ne tsi ionterenhnaientáhkwa ne Pergamum nón꞉we shiá꞉ton: Ne kí꞉ken ne raʼowenhnaó꞉kons tsi niká꞉ienh rahá꞉we ne tetsá꞉ronhkwen nokwá꞉ti tsi iosarothí꞉ie:

Revelation 2:18

“Tánon raonhà꞉ke ne raronhiakeró꞉non ne Thyatira nón꞉we shiá꞉ton: Ne kí꞉ken raowenhnashón꞉as ne Ní꞉io Roién꞉ha, ne rakarakéhsons kwáh né꞉ne otónhkwa otsí꞉re, tánon ne rashì꞉takes kwáh ne ne tekastarathè꞉ton kwé꞉nis:

Revelation 2:8

“Tánon raonhà꞉ke ne raronhiakeró꞉non ne tsi ionterennaientáhkwa nón꞉we ne Smyrna shiá꞉ton: Ne kí꞉ken ne raowenhnaó꞉kons ne thóh tierénhton tánon ne oná꞉kenkha í꞉ken, raónha ne rawenhé꞉ionhne tánon sahatónhnete:

Revelation 3:1

“Tánon raonhà꞉ke ne Raronhiakeró꞉non thóh nón꞉we nononsatokenhtí꞉ke ne Sardis shiá꞉ton: Ne kíʼ ne raoteriwanhothátshera ne raónha tesakoniarotá꞉ron ne tsá꞉ta niwatonhnhetsherá꞉ke ne ronwahiò꞉tense Ní꞉io tánon raónha rahá꞉we ne tsá꞉ta nikatsistóhkwake: “Wakaterièn꞉tare ne sahioʼténhsera; wakaterièn꞉tare tsi ní꞉iot nashón꞉neke, ók senhé꞉ion.

Revelation 3:14

“Tánon raonhá꞉ke ne raronhiakeró꞉non ne tsi ionterenhnaientáhkwa thóh nón꞉we Laodicea shiá꞉ton: Ne nowenhnaó꞉kons ne é꞉tho naiá꞉wenhne, né꞉ne ioriwató꞉ken ó꞉ni norihwiioʼón꞉we kariwahní꞉rats, tsi nitsotasawáhnion tsi nahoʼténhsons ne Ní꞉io rosaʼhánion:

Revelation 3:22

Ánion nónhka tehionhontakaron꞉te naiakothonhtè꞉ne tsi nahó꞉ten ne Ronikonriióston saʼkawénhnis ne tsi ionterenhnaientáhkwas.”

Revelation 3:7

“Tánon raonhà꞉ke ne raronhiakeró꞉non ne tsi ionterenhnaientáhkwa ne Philadelphia shiá꞉ton: Ne kí꞉ken ne raowenhnaó꞉kons ne Roiatatokénhti í꞉ken, ne ne orihwiioʼón꞉kwe í꞉ken, raónha rahá꞉we ne raonontónhkwa ne Táwit, raónha ranontónhkwas tánon iáh ónhka taiekwé꞉ni nahonsaienhó꞉ton, raónha ranhó꞉tons tánon iáh ónhka taiekwé꞉ni nahonsaienhotón꞉ko:

1 Samuel 17:26

Ne Táwit wahawénhase ne rón꞉kwe ne raiaták꞉ta rátahkwe, “Ónh nahonwatiérase ne rón꞉kwe nón꞉ka ahononhwarhiákhon kí꞉ken Philistiaró꞉non, tánon éhren ahaháwite natehénsera NÍsraerʼronónke? Asèken ónhka kí꞉ken ne iáh tehotewarahkwétaron Philistiaró꞉non ne ne rahón꞉ʼa asakonenrók꞉thaʼse ne ronwaterí꞉iose ne ronnheʼónwe Ní꞉io?”