2 Corinthians 13:2 - Ohiatonhseratokénti

² Tewakatonhontsó꞉ni nakwahronká꞉ten tsi nítson ne sewarihwáneren tsi nitiawé꞉non, ó꞉ni ne ronatiaʼkéhshon. Ó꞉nen né꞉ʼe wá꞉ken ne tekeníhaton shaʼkwanatahré꞉nahse, nok shé꞉kon kiʼ né꞉ʼe enskì꞉ron tsi ó꞉nen iáh tho thaʼtétkes. Ne ó꞉ia tho iénske kwáh í꞉ken tsi enkwateʼniakátsten.

2 Corinthians 13:2 ပူးပေါင်းရင်းမြစ်များ

1 Corinthians 5:5

ranesonrónon tsi sewahtiakwarísien kí꞉ken rónkwe onhʼnaiáwenhne ahkariwahthónʼton tsi rón꞉ne, ne nahónton ne raotónnhets ahkaniákenʼne nen tewenhniseráhteke nónen téntʼre ne Roiá꞉ner.

2 Corinthians 1:23

Rawenni꞉io se wahakerihwahnirátshe watháktaste tsi iáh thiewaké꞉non ne Corinth, né꞉ne tóhsa sótsi akwateʼniakatstháhse.

2 Corinthians 12:14

Kanonhtonniónkwas shé꞉kon iaonsakwanatahrénahse ne ahsénhaton niaká꞉ienhte. Nok shé꞉kon kiʼ iáh tahontʼrhieniasteke. Kwáh seʼ í꞉se tekwatonhontsó꞉ni, nok iáh neh꞉ne tsi nahò꞉ten aisewaién꞉take. Ne ratiksaʼokón꞉ʼa iáh tehonaterihwaién꞉ni naʼshakonatenʼnikòn꞉raren tsi nonkwa ne ronwatiién꞉ʼa, nok ne rotiksténha ronnónha ronaterihwaién꞉ni ne ahshakonatenʼnikòn꞉raren ne shakotiienʼokón꞉ʼa.

2 Corinthians 13:10

Ne aorihwà꞉ke wakhiá꞉ton kí꞉ken tsi iáh skátne tetewakwé꞉kon. Ne akarihón꞉ni nó꞉nen ién꞉kewe iáh eh tho niió꞉re tsi thakwatéʼniakátsthahse. Ne énkatste tsi nithatianerenhseráwi ne Roiá꞉ner, neh꞉ne aisewaʼnikonhkhétsko, iáh kiʼ tóka ken neh꞉ne taisewenhná꞉rihte.