2 Corinthians 11:3 - Ohiatonhseratokénti

³ Wákterons tsi niioiá꞉tawenʼen ne Eve nontié꞉renk tho ní꞉ioht tsi teniehtshiʼnikonhrakén꞉ni. Ne ó꞉niare kaʼnikonhrá꞉tha, tánon waharihwakwé꞉ni ne Eve nakarihwanerá꞉ke. Ne nen ne shá꞉ka ne sewanonhtonniónhtshera nontié꞉renk eniehtshiʼnikonhrotá꞉ko, tánon ne enkarihón꞉ni iáh thieskaié꞉ri tsi naonsesewarihwatokénhake tsi nonkwa ne Kerístos.

2 Corinthians 11:3 ပူးပေါင်းရင်းမြစ်များ

Genesis 3:1

Kí ó꞉niare ne tiaonhá꞉ʼa tkaʼnikonhrhá꞉tha ó꞉ni tkatsítsho tsi nihá꞉ti ne kontírios shakoiaʼtíson ne Roiá꞉ner Rawenni꞉io. Nó꞉niare waharihwanónʼtonhse ne tsothonwí꞉sen, “kwáh ken ne Rawenni꞉io wahiaró꞉ri ne tóhsa ahsá꞉iake ne tsik nakarontó꞉ten ne kahéhtakon kerite?”

Genesis 3:13

Eʼthó꞉ne ne Roiá꞉ner Rawenni꞉io wahrénhahse ne tsothonwí꞉sen, “Nontié꞉ren kí꞉ken tsi tho náhshiere?” Ne tsothonwí꞉sen waʼkén꞉ron, “Thí ó꞉niare waʼtewakeʼnikonhrakén꞉ni tsi waʼká꞉iake.”

Genesis 3:20

Ne rón꞉kwe, Eve wahaná꞉tonhkwe ne ró꞉ne, ne tsi áonha kaʼnisténhsera ontená꞉tonhkwe tsi nonkwá nonkweʼshón꞉a.

Genesis 3:4

Ók nó꞉niare waʼtioriwaʼserákwahse ne ión꞉kwe, “Iáh tó꞉kenske té꞉ken; iáh thahsíheie;

Psalms 119:53

Nó꞉nenh enkhéken ne rononkwetahétkens tehatíʼiaks ne saianerénhsera, kwáh wakatenakwakwenráhtis.

Matthew 24:24

Aseken enhatinakerenne nethone ne Keristos enhontatonni, Oni ne Rotitokense, ioriȣanerakȣatenion, teiotieronnionhaton oni tsi nenhatiieranion, aontonseke oni asakotinikonrotako ne iontatiatarakȣen.

John 8:44

Neh nakȣa Ranesonronon ne etsiseȣaniha tsinonȣe oni tiseȣaientakon, neh kati oni iseȣere atsiseȣanikonraierite tsini hoskanektseroten ne etsiseȣaniha. Ok onkȣe shiraks tsi tiotasaȣe, iah oni tehokȣenion nahoriȣatokenhake, aseken iah tehoien ne tkariȣaieri. Ne hens nakȣa raȣerientakesson nahanoȣente; aseken ronoȣen, neh oni Ronȣaniha ne kohnoȣen.

Romans 12:8

Tóhka enietinikonrárehke nakorénsons, thóʼkiʼ nitewáier. Ónhka ne thènen enionthateriwáhwaʼse kwáh kíʼ tkariwaiérik; ónhka ne roteríhonte roteriwaiénʼni ne tahawisʼsátsʼteke; ónhka shakonesténʼnis ne kanoronkwátshera ahotsenʼnonnhíhake káti.

2 Corinthians 1:12

Enwá꞉ton ne aiakwatená꞉ieste tsi niwé꞉ne ne onkwerienʼtiióhtshera. Tiotkonhón꞉we iotkwénies ó꞉ni tkarihwaié꞉ri tsi ní꞉ioht tsi ionkwatenhniseraténion, kwáh sénha nó꞉nen í꞉se skátne tewakwekonhatiéskwe. Ó꞉ni ne ionkwaiaʼtanonhnhatiéskwe ne iorihwanéhrakwa Rawenni꞉io raonoronhkhwáhtshera, iáh ki tho té꞉ioht tsi ní꞉ioht ne kén ionhontsá꞉te aorihonnienníhtshera.

2 Corinthians 11:20

Thiiehtshiién꞉nis akò꞉ren aiehtshiianerenhserónnien, ók ó꞉ni taiehtshiieʼtáhkwe, ók ó꞉ni thiaiehtshiionhnharíkhon, tánon ó꞉ni aiehtshiʼnikonhrakaré꞉wahte.

2 Corinthians 11:29

Neh nó꞉nen ónhkak iáh teiéhsatste, thó꞉ne kiʼ tho ní꞉ioht tsi kattókaʼs tsi waktsí꞉ioha. Nó꞉nen ónhkak karihwanerenʼaktsherá꞉kon niaʼontatiaʼténhawe, kwáh tioʼtaríhens ne akwerià꞉ne tsi niwakeʼnikonhráksens tánon wakswá꞉tani.

2 Corinthians 2:17

Iáh wáhi tho tetewaiaʼtò꞉ten tsi nihatiweiennò꞉ten ótiaʼke. Iáh thé꞉nen tekarì꞉wa tsi ní꞉iot tsi ratihá꞉wi ne Rawenni꞉io raowén꞉na tsi shiken niʼiot ne iáh satakenaske atkerontatshera꞉ Ók tsi Rawenni꞉io tehshonkwatenniéhton, oriwi꞉iohonwe tsi nahò꞉ten tewá꞉ton raohenton ne Kerístos, tsi raohnáhtsheras ne Kerístos.

2 Corinthians 4:2

Iáh theʼtewatsterístha ne ioterihwatehaʼshón꞉as nothé꞉nen aitewariʼwáhsehte. Iáh ó꞉ni tetewateʼnién꞉tha nónhka aiethinonhwaroriʼtón꞉ni tóka ó꞉ni aontetewatoktáhkwe ne Rawenni꞉io raowennaʼshón꞉ʼa. Rawenni꞉io tetehshonkwaká꞉nere, ne khók ne orihwí꞉io tsi nahò꞉ten entewèn꞉ron, sók ne ronatiaʼkéhshon enhonaterihwahní꞉ratshe naontaionkhiiéhtahkwe.

Galatians 1:6

Wakenerákwas! Tsi niʼiosthóre waʼtsisewatiakwarísi tsi nikáien ne ietsisewanáton rahotenretserákon ne Kerístos, tánon óia nikarihóten ne kariwí꞉io sehsewaiéna.

Galatians 2:4

iawerohátsien tsi ótsiake éhtho ní꞉ioht tsi tehonathonwentió꞉nine. Akénhake thoʼnetákwen, kí꞉ken ronnónkwe wahonkhihiatsiathóʼroksʼse tsi kwáh nek khók nahonteriwathóʼrathe, nehne ahathiriwatʼtsénri tsi nòkwa naʼtatewennihiótsera tsi natehionkwateriwashóntere rahonháke ne Kerístos Ié꞉sos. Neh tehonathonwentió꞉nine nahionkhinaskónnike,

Galatians 3:1

Oh, tisewatónʼnokthe Galatians, onʼniwatenhareʼnhatseróten tsi sewatenhennháron? Asèken sewatʼkáthoskwe tsi nikéntons tsi rawenhéion ne Ié꞉sos Kerístos kwáh thóh nihió꞉ken tsi ní꞉ioht nahonkerás꞉ton ne tsi kaswenkaróhare rahiátare ne Kerístos rawenhéion ne kaiasáke.

Galatians 4:11

Tewakathatenikónrare ne sewariwáke! Káton onhtèken neh tsi níkon kwahiótense kwáh iáh thènen tsatehionénon?

Ephesians 4:14

Etʼthó꞉ne ónen iáh ieksáha tahonsahionkwatenathónkwen, neh ahionkwahiatenhawíson tsi ionontakwaronthónties tánon tsi níkon neh tahonsakawerakarathéni sók áreh ne iahionkwaiaténhawe neh tsi niʼietʼthirihonniénnis ne rathinikonrátha, tsi wasakothihéntense nakorénsons neh netahonterientawenrhéstakwe tsi nahoténsons rothisahánion

Ephesians 4:22

Kwáh kíʼ iasewárek ne sewaweienʼnakáhion, tsi ne iónʼnis ne séhkon thoʼní꞉ioht tsi ahisehʼtsiónnheke—neh oweienʼnakáion tsi wahthónton neh tsi nikanikonráhthakwe nahoskanéktseras.

Ephesians 6:24

Ne Rawenni꞉io rahoténrat ahathikwekónhake tsi niháti ronwanorónkwa ne Sonkwaiáner Ié꞉sos Kerístos akenikwekónhake ne iáh tekenhéions kanoronkwátshera.

Colossians 2:18

Tóhsa ónhka ieʼtsirí꞉hon naieʼtsihiatʼkónten tsi rónton thóh nathonkwetáthe tiorì꞉wah tsi kentokénston rohnatetʼtsens ó꞉ni iehotikontákwen tsi nihotinó꞉wens nahontahotiriwahié꞉rike tánon tsi nisakotishén꞉naiens ne ratironhiakeró꞉nons. Asè꞉ken iáh thé꞉nen satekéna tè꞉ken, ne niionkweʼtó꞉ten kwáh ronthonriótha tsi nihonhnonkwethó꞉ten tsi ronhnonthónnions

Colossians 2:4

Wahkonró꞉ri, káti, thósa ónhka sherí꞉hon naiesanikonráten ne onó꞉wen tahkariwakenáston, iáh tewasterístha tóh naontaiohianérehke.

Colossians 2:8

Senikonráh꞉rat, káti, tóhsa ónhka aiesatenaskónniat tsi nitʼkáhas ne iáh té꞉nen tekariwásthas ne kanikonraton ne ónhkwe akonikonrowenhnahtsera, tsi nitsawénon tsi ronwahtirihonhnién꞉ni nonkweshón꞉a ó꞉ni tsi nikanikonró꞉tens ne tsi ionwentsá꞉te, tánon iáh Kerístos nón꞉we tetsawé꞉non.

1 Thessalonians 3:5

Ne aoríwah ne Timothy iaʼihiaténiethe. Iáh tiesewakʼkwénion, iaʼihiaténiethe nahatkénsera tsi nòkwa ne sewetakwéntshera. Oriwiʼiohónwe tsi iáh ne tèken ne ranesonrónon wahianikonrotáko tánon akwékon nonkwahioténsera iáh thènen tshiatehionénon!

1 Timothy 1:3

Tewahkatonwentióni ne Ephesus nónwe nasiteróntake, kwáh tsi ní꞉ioht tsi konretiarónʼon ne Macedonia shahonkenonhátieʼne. Rohnátsiakes ne nónwe onówen nahóten sakotirihonniénnis, tánon ónenk tsi ensehiónʼnien nahontkáh꞉we.

1 Timothy 2:14

Tánon iáh kíʼ Á꞉ton tehonwanikonrothákwen tánon tahohiákon ne Rawenni꞉io rahohianerénsera.

2 Timothy 3:13

tánon ne ionkwetahétken tánon ne tesakhorenkénnies kwáh sénha enhotihetkénten, sakotinikonraténnis nakorénsons tánon ó꞉ni ronwahtinikonraténnis nón꞉ne ne ronónha.

Titus 1:10

Asèhken iakotiokowáhnen, sénha rohnateriwahténion ne Sitaeró꞉non kariwiʼiostontsera, wahtatirihóroke ó꞉ni wahsakotinikonráten notiakhésons neh rahotinonwahroríta.

Hebrews 13:9

Tóh꞉sa satʼthóntat ne tsík naorihoténsons naisatʼtaharáhkwahte ne tkarihwahiérike. Kwáh íken tsi iohiánere nakonwahshahtsʼténseron nawéri thóh nón nahontáwe ne Rawenni꞉io raoténrat, tánon iáh né tahiontewénhnaraʼkwe tsi nihioianerenserótens ne kátkhwas; tsi nihiákon né꞉ne iakotehwenhnarákwen iáh thènen tehiakohiatakenáʼon.

2 Tiér 3:17

Nók níse, tewatenrosónhas, ónenk sewateriéntare kí꞉ken. Sewatatenikonrárat, nekáti, netósa rohnónha aietʼtsihiasárine tsi natehonterientawéries ne iáh thènen karíhwa tèken tsi nókwah ne kaianerénsera tánon ahontesewahiáthen꞉ne tsi nónwe nisewahtienawáston.

2 Tiér 3:3

Ne tiotserentákwen, kwáh teiontonwentióʼon naisewahnikonraiéntaʼne nonàken tewenniseráthes ótiakes enhontotashiónko ne tsi ronnónhne ne tiakoniarótaron ne kariwahétken ahskanéktshera. Kwáh ténʼiet tsi ieron

1 Sawátis 2:18

Kwáʼienokonha, ákta íwes ne tsi ieiótokʼte! Ietʼtsiróri ne rósons ne Kerístos éntʼtre; tánon ónenk ronatiokowánen ne ronwásons ne Kerístos ronatotáshon, neh káti aoríwa ionkwateriéntare ne tsi ieʼiótokʼte ákta íwes.

1 Sawátis 4:1

Tekanórons tewatenrosónhas, tóhsa tasewétak nónka íhienre iakoriwiʼióston, nók ietʼtsiʼiateniénten tóhkaʼ kén ni꞉ióʼne nón nitsawénon tsi iakoriwiʼióston. Asèken ronatiokowánen ne rohthitokentseseráksens tsík nonwéson nón nienhonenónseron.

Jude 1:4

Otsià꞉ke nonkweshónha ne iáh tehotiniioserá꞉ien tok thón tahón꞉ne nonkwanenrákon, tsi nihá꞉ti ne ronhnowénhtha nateriwanothátsera tsi nokwáh ne Rawenni꞉io rahoténrat ehnaʼontawe nahonthatiathotároh tsi nihathiweienʼnáksens, tánon ronwakenrón꞉ni ne Ié꞉sos Kerístos, kwáh raónha khók nónkwawenk Rahiatakweniio ó꞉ni Sonkwaiá꞉nere. Wahón꞉nise tsináhe tiotʼró꞉ri nohiathonseratokénti tsi nihothiienà꞉on ne karewathátsera.

Revelation 12:15

Ethò꞉ne tsi rasaká꞉ronte noʼniáre takanekó꞉ten tsi ní꞉iot ne kaniataráke ne nahioiatakerákwe ne iónkwe, ne iahioiaténhawe.

Revelation 12:9

Ne rakowá꞉nen rononwarontsétha tahonwaiathénte, né꞉tho oniarasthénha, raónha ne ronwanaʼtónhkwa ranikonratʼsen tánon notkonseráksen, ne sakonhowenhténhnis nohontsakwékon—ne raónha ohontsáke tonwahiatónhtion, tánon ne raoronhiakeró꞉nons tonwatiiatónhtion skátne ne raónha.

Revelation 20:2

Wahoshatstenhserakénhni ne ronhnonwaronhtsétha, né꞉tho oniarasténha, rahón꞉ha Nótkon í꞉ken tánon Ranesonró꞉non, tánon wahonerénhke né꞉ne énska tewenhniawehetseráhsen niioserá꞉ke,