2 Corinthians 1:3 - Ohiatonhseratokénti

³ Ahonwahsén꞉naien Rawenni꞉io, ne roién꞉ʼa ne Shonkwaiá꞉ner Ié꞉sos Kerístos! Ne Kaʼníhsera kwáh se rotennitenrátskon ne Rawenni꞉io, tsi niká꞉ien tió꞉konte tehshonkwá꞉wis ne kaʼnikonhraʼniráhthsera.

2 Corinthians 1:3 ပူးပေါင်းရင်းမြစ်များ

Genesis 14:20

tánon tehonwanonhwerá꞉ton né Rawenni꞉io né kwáh Thótte, ráonha tahshakoiaʼténhawe ne tesewatátswenʼs ne sahtsaʼná꞉ke!” Tánon ne Abram tahá꞉wen orihwakwé꞉kon ne oieríhaton nié꞉ken.

1 Chronicles 29:10

Thóh rahotihénton ne kanenhrakwé꞉kon Ronnontí꞉io Táwit wathononhweráton ne Roiá꞉ner. Wahénron, “Saiá꞉ner í꞉se Tiewenní꞉iokwe né shawatsotʼthonkonhkénʼen Jacob, í꞉se taiesanonhweratónhseke tsi nénhwe ó꞉ni tsi nénhwe enkénhake!

Nehemiah 9:5

Tánon ne Levites, Jeshua tánon Kadmiel, Bani, Hashabneiah, Sherebiah, Hodiah, Shebaniah, Pethahiah, wahonhní꞉ron, “Teshewátat tánon tsisewahiathatérist ne Roiá꞉ner SewaʼNí꞉io né꞉ne tsi nénhwe tánon tsi nénhwe enkenhá꞉ke! Tánon Kaiathateristón꞉hak ne ionerakwát sasenhna nene ahiót꞉tsenhnakarathatonke nene akwé꞉kon kaiathaterihtsheras tánon tahiontenón꞉weraton.”

Job Tánon ne Raoronhiakensera 1:21

Wahèn꞉ron, “Akenehóskonk tsi nitewakè꞉non nakeʼnisténha tsi iewiraráhkwah, tánon akenehóskonk ki tsi thóh nón꞉we nienhénske; ne Roiá꞉ner taʼkáwis, tánon ne Roiá꞉ner ieshá꞉has; tehiontenonhwerá꞉ton ne raosénhna ne Roiá꞉ner.”

Psalms 18:46

Ne Roiá꞉ner rón꞉nhe! Ronwasénhnaien nakitsténhra í꞉ken, tánon ronwasenhnakará꞉tat ne Rawenni꞉io ne natiatakenátshera,

Psalms 68:35

Tsi nihohiatanerá꞉kwat ne Rawenni꞉io tsi nontáre ne Raononsatokentikówaʼne, né Sakoní꞉io í꞉ken Nisraeronónke; tatkáwas ne kashasténhsera tánon sahkosastenhseráwis ne rahonkwetashón꞉has. Ronhwaʼsénhnaien ne Rawenni꞉io!

Psalms 72:19

Tehiontenonweráton tsi nihosenhnanerákwat né꞉ne tsi nénhwe enkénhake; wakaterénhnaien ne raohiatanerakwáhtshera ne akananón꞉hake nohontsakwékon. Éhʼtho naiáwenhne tánon éhʼtho naiáwenhne.

Psalms 86:15

Ók í꞉se, Ó Sewenní꞉io, né꞉ne sanithenráts꞉kon tánon thiʼsarihwaiéri, iáh tesenakwastó꞉re tánon titkahé꞉re ne iorihwaʼtó꞉ken kanoronkwáhtshera tánon karihwaʼtokentítshera.

Psalms 86:5

Asèken ní꞉se, O Saiá꞉ner, thiʼsarihwaʼiéri tánon sehseténhras, kwáh enhiakoiénhtaʼne ne kanáh꞉non iorihwaʼtó꞉ken kanoronkwáhtsera tsi niʼiákon ní꞉seke iehionterénhnaien.

Isaiah 66:13

Tsi ní꞉ioht né kanisténsera teiakohró꞉ton nakoiénha, kwáh káti thenkonhiaró꞉ton nonʼní꞉i; kwáh kí thenhiesaró꞉ton né Jerusalem nón꞉we.

Daniel 4:34

“Shontóhetste ne tsá꞉ta niiohserá꞉ke,” wahén꞉ron ne ronnontí꞉io, “Iaʼkatkáhtho ne tsi tiohtsíkerare, tánon kwáh ionsakeʼnikonhraié꞉riʼne. Wahihsénnaien ne Roshatsthenhserowá꞉nen Rawenni꞉io ó꞉ni wahikwénienhste tánon ne raoiaʼtanehrakwáhtshera tsi niká꞉ien ne ronnheʼón꞉we. Kwáh tsi nén꞉we enhawenní꞉ioke, tánon ó꞉ni ne raonakeráhsera tsi nén꞉we enkátake.

Daniel 9:9

Í꞉se ne satanitenrátskon ó꞉ni tsisaʼnikónrhehns, iaweronhátien tsi iáh tekwawennaráhkwen.

Micah 7:18

Ónhka ne Ní꞉io akénhake thóh nahahiatoténhake tsi ní꞉se ní꞉ioht, sehsenikónrenhse ne karihwaneraháktsheras tánon tehatkarohestháhkwa ne ratiriwanón꞉we ne iatahonathaténronke ne raonkweʼtashón꞉as? Iáh tehatienawástha ne raonhakwáhtshera ne iahokonhtakwénhake, tiorì꞉wa tsi ne rawerientí꞉iostha tsi renéstha natanitenhrátshera.

John 10:30

Ii tanon ne Rakeniha akȣa ok neh Sakat.

John 20:17

Tontahenron ne Iesos tosa kenh niiatatier: aseken areko Rakenineha tiieseȣakenon; ȣas tanon seroriana nʼiakȣatatekenha: Rakenineha sake, nok etsiseȣanineha oni nise; Ake-Niione, Etsiseȣa-Niione oni nise.

2 Corinthians 11:31

Ne Rawenni꞉io raónha ne kaʼníhsera í꞉ken ne Roiá꞉ner Ié꞉sos ronwahsennaiénhshek tsi nén꞉we! Roterién꞉tare tsi iáh tewakanowénhton.

2 Corinthians 7:6

Rawenni꞉io shakoʼnikonhrahní꞉rats nón꞉kwe ionthatkenrón꞉ni, ne ki aorí꞉wa tahotenniéhte ne Titus.

Ephesians 1:17

ó꞉ni rihriwanonthónnis ne Rahoní꞉io ne Sonkwaiáner Ié꞉sos Kerístos, ne rohiathanerákwat Kaníhsera, nahontatsítion ne kanikonraienthátsera, rahónha entsitsiónnien nahisewatʼthókʼkhake ó꞉ni natsisewarihotáshiase ne Rawenni꞉io rahoriwasónha, ehnahontáwe naʼtsisewaientérahne

Ephesians 1:3

Ánion thetsitewanonweráton ne Rawení꞉io ó꞉ni rahónha ne kanísera ne sonkwaiáner Ié꞉sos Kerístos! Ne tsi tehionkwateriwasóntere ne Kerístos sonkwahiatateríston neh tsi nitesonkwáʼwi noriwakwékon ne kariwiʼiostóntsera ahohiataterítsera ne karonhiáke tiohontsáte.

Philippians 2:11

Tánon kwáh tsi niaʼtewenhnáhsake tsi enkariwahniráton nètho Ié꞉sos Kerístos tsi raʼónha ne Roiá꞉ner, tóh nètho raohiatanerakwatsherákon ne Ní꞉io Kaníhsera.

Colossians 1:3

Tiotʼkonhónwe tetsitewahnonwerá꞉tons ne Rawenni꞉io, Rahónha ne Kaʼní꞉sera í꞉ken tsi nokwáh ne Sonkwaiáner Ié꞉sos Kerístos, nó꞉nen enkwaterennaiénhase.

1 Tiér 1:3

Ánion tetsitewanonweráton ne Rawenni꞉io ó꞉ni rahónha Roiénha ne Sonkwaiáner Ié꞉sos Kerístos! Tsioríhwa tsi nikowánen ne rahoténrat thesonkwáwi náse atón꞉nhets neh tsi shokʼhétskwen ne Ié꞉sos Kerístos ne kenheiátne. Neh kí꞉ken kananónk꞉tha ne tewaiéronke ne ionnheʼónwe ahraráhtsera,

2 Sawátis 1:4

Tsi nahkaʼtsennónni tsi wakheiatatʼtsénri otià꞉ke ne ieʼtsiienokónha tkariwaié꞉rike non nionnonnhétie, kwáh tsi nishonkwariwanontón꞉nis ne Kaʼní꞉sera.

2 Sawátis 1:9

Nónhka ne iáh teiésere ne Kerístos rahorionhnienní꞉tsera, nok ienhiontóhetste, iáh tenikwé꞉kon ne Rawenni꞉io. Nok nónhka ahiontié꞉nawatste ne karihonnienní꞉tsera tenitiáron kih ne Kaʼní꞉sera ó꞉ni ne Roiénha enhatikwekónhake.