1 Timothy 5:4 - Ohiatonhseratokénti

⁴ Onk tóhkaʼ ne iotheréʼons iowíraien tóhkaʼ ó꞉ni iotherésen, neh kwáh tiotserentákwen nakothirihwahiériʼthe tsi naʼtehiothonwentióhon nahothiʼriwiʼiosthóntseras tsi nòkwa ne ahothiwáhtsires tánon neh kí꞉ken enkarihónni nahonsahonwahthikárhiakʼse ne ronwahtiʼienha ó꞉ni ne sakotisótʼtha, tsioríhwa tsi neh kí꞉ken rawerentiʼióstha ne Rawenni꞉io.

1 Timothy 5:4 ပူးပေါင်းရင်းမြစ်များ

Genesis 47:12

Tánon ne Só꞉se tahotká꞉wen ne roʼníha, ó꞉ni ne rontateʼkoʼokón꞉ʼa ne kákhwa, tánon ratikwé꞉kon ne roʼníha raonónhskon ratí꞉teron, tekaiaʼtoréhton ó꞉ni tsi naʼtahonatonhontsó꞉nike ne ratiksaʼokón꞉ʼa.

Genesis 47:28

Tánon ne Jacob tsá꞉ta-iawén꞉re niiohserá꞉ke Egypt nón꞉we nihanákerehkwe, tsi niió꞉re nénska tewenʼniáwe tánon kaié꞉ri niwáhsen-tsá꞉ta niiohserá꞉ke nihrónhnheskwe.

Job Tánon ne Raoronhiakensera 18:19

Iáh othé꞉non tesatiwatsí꞉raien khés nahatiwatsiratátie ne raónha rahonkweʼtashón꞉as, tánon iáh ónhka tsatetsakotaténhron tsi nón꞉we nihatinákereʼkwe.

Proverbs 31:28

Ronwatiienʼokón꞉ʼa shakotinaʼtón꞉nis tsi shakotirihwakweniénhstha, ók ó꞉ni ne ró꞉ne shakohsennakará꞉tats.

Isaiah 14:22

Kwáh tentétʼtaʼne nakheiatʼkónten, rá꞉ton ne Sakoiá꞉ner ne ronterí꞉ios ratiʼronhiakeró꞉nons, tánon kwáh éntsiake ne Babylon aosénhna tánon ne iaʼteonathaténron, naʼkohioʼokónha tánon tsi ratiʼwatsiratátie, rá꞉ton ne Roiá꞉ner.

Luke 2:51

Onen kati sahonne, Nazareth ionsahonneȣe; Sakoȣennarakȣakȣe. Kenh kaien ne ronistenha akȣekon taioteȣeientontie aȣerientakon tsinikon tsi oni nikaȣennotens ȣaronkas.

1 Timothy 2:3

Ne kí꞉ken ioiánere ó꞉ni rawehrientiʼióstha ne Ní꞉io Sonkwaiatákwen,

1 Timothy 5:16

Onk tóhkaʼ ónhkak ne iorihwiʼióston nahowatsiráke ionathereʼónskon, ioterihwaiénni ne tahiakorihwásnieʼse tánon tóhsa neh iakorehniakétat ne tiakawetákwen, neh nahónton ahiakoiénawaʼse tsi nikáien ne onónhak khók iathetionatathénron ne ionatheréʼons.

Titus 1:11

Kwá tehiotonwentióʼon nahonwanáskweke, ne tsi kwá iewahtsirakwékon sakotinikonraksátha ne tsi ne sakotirihonniénnis tsi nahóten ne iáh tathehiothonwentióʼon, tánon akwékon ne karihónnis tsi nihiotéha tsi nihonahtéttien tsi ní꞉ioht tsi rontʼwistónnis.

Judges 12:14

Kaiéri-niwáhsenh nihátiʼkwe ronekenhtheronhtseraiénthakwe tánon asenhniwáhsenh nihátikwe roterenhsénhthaʼkwe, né꞉ne tsáta niwáhsenh nihátiʼkwe rotishá꞉thenskwe ne tehonhóntes. Né Abdon shatékonh nihioseráke washakohénthenhse nʼIsraerʼró꞉nons,

Ruth 2:18

Ionsaiéhawe kaná꞉takon, waʼontatenaʼtónhahse nontatshá꞉wha tsi ní꞉kon waʼerò꞉roke. Tánon ó꞉ni waʼontá꞉tenonte tsi ní꞉kon iakotatén꞉ron nakotennáhtshera.

Ruth 2:2

Ruth iaʼakotewennontiéhten ne Naomi waʼì꞉ron, “Ahskeríhon ken tsi tkaiénthon nià꞉ke tánon akohrón꞉ko óhere ne rotiióʼte iatenhonatá꞉tere? Orihwí꞉io kón꞉nis tsi ónhkak enhakeríhon ne skátne aionkwaióʼten.” Naomi tontaieriʼwaserá꞉ko, “Wá꞉s kiʼ wá꞉hi konién꞉ʼa.”