1 Timothy 5:3 - Ohiatonhseratokénti

³ Ietʼtsiʼienésthe ne kakwenienstátsera ne ionatheréhons tsi kwáh iatehiothihiatíston.

1 Timothy 5:3 ပူးပေါင်းရင်းမြစ်များ

Job Tánon ne Raoronhiakensera 29:13

Ne raotiiaʼtaterí꞉tsheras ne rothihiathatonhonhátie onkrá꞉ne, tánon í꞉iʼ wakerihón꞉ni ne ionateré꞉ons naoneriá꞉ne takarihwákwe naʼtsenhnonhniátshera.

Job Tánon ne Raoronhiakensera 31:16

“Tó꞉ka othé꞉nen ahonkatienawástonke ne iakóthen ahonskanékseke, khés nahonkerihón꞉nike ne kontiká꞉rakes ne ionateré꞉hons nakontikaratsénhne,

Psalms 146:9

Ne Roiá꞉ner sakonikonrarátses ne tíʼiete; sakoiénawase ne tehiontonhnakárias tánon ne ionateréhons, ók tsi nihatiʼweienótens ne ionkwetahétkens sakorihwathóntha nénhe.

Psalms 68:5

Né Rawenni꞉io, ne rahónha thóh rénhteron ne raononsatokentiʼkówaʼne, tánon rahónha tesakorihwásniese ne tehontonnakárhias ratiksaokónhas tánon tesakohiatoré꞉tase ne ionateréhons,

Psalms 94:6

Sakotinonwaʼrhiákons ne ionateré꞉hons ó꞉ni ne ratiksaokónhas ne tehontonhnakárhias, tánon sakonaséhtha ne tihiakahontsáte ne onhtionhontsáke ratinákere,

Exodus 20:12

“Skweniénstat ne ianíha ó꞉ni ne sanisténha, né káti nahónton ahionhníse ashón꞉nheke nonhwenhtsàke né tkonhiawíre.

Jeremiah 49:11

Í꞉i takwahthaʼkweniahénhas ne sewakshatashónhas ne tehonthonnahkhárhias, tánon Í꞉ih enkhehiaʼtewehnénhton. Ne ionahtheréhons enwáhton ne Í꞉i ahionkeniáheʼse.

Matthew 15:6

Iah neok teken tsi iah tasakokonnienstane ne ronȣaienha, akȣa ki iah tahonnhiseraientane. Et kati niteȣes tsi ise seȣariȣisahatsera iorioton ne Niio Raoriȣatahton.

Matthew 23:13

Nok ki tanon nise seȣententasere ne Seȣaiatons oni Pharisian Akonȣara! iestsinnhotonse nonkȣeokon naiontaȣeiate ne Karonhiake; iah ki tanon oni nise teseȣataȣeiatane, iah oni teietsiiaȣis niienre iakataȣeiat, nʼiaiontaȣeiate.

Luke 2:37

Onen neh nahoten satekon niioserasen nok kaieri tsinahe siiotereons; Ononsatokentike titkanakerekȣe, aȣentakon aterennaientatserakon oni tsi rosennaiens ne Niio.

Luke 7:12

Onen thoha shiiahanatarane, eh ȣathonterane ratirontotserenhaȣi ȣahonȣaiatatahannhe, iotereons neok oni enskat ioȣiraientakȣe ne kenh ranekenteronkenha, Kentiokoȣanen kati netho ienakere konȣariskontonhatie.

John 1:47

Iesos iahoken Nathanael eh nontahaȣenonhatie, ȣahaȣenhase tsi ȣahenron: neh kehiken ne tokenske onȣe Israerhaka niah tekaien naienikonrhate.

Acts 6:1

Kwáh kén náhe onakènʼke, tsi wahonatiokowánaʼne ne thonetakwen, okʼtsíro tsi natehóntere nehne Sitaeró꞉nons neh ne ronhrónkʼkhas ne Greek ó꞉ni ne Sitaeró꞉nons neh ne ronhrónkʼkhas ne Hebrew. Neh ne ronhrónkʼkhas ne Greek wahonʼníron neh rahononkwetaʼsónhas ne ionatereʼons iáh tekontiʼienas tsi natehonreniata nowísta ne ionateréʼons ahotiriwáke.

Acts 9:39

Sók kíʼ ne Tiér wahatateweienéntaʼne sahontenrósen. Siaháraʼwe, kanotióharake niahonwahiaténhawe, nehne kontikwékon ne ionateréʼons tehonwanenrónni, tekonséntʼtos tánon ronwanathonniónʼnis akwékon natiátawis ó꞉ni ne watiatawitserowánens iohsahánion tsi náhe iónʼnhekwe ne Dorcas.

Acts 9:41

Tiér hiatanentʼtsátate tánon wahasniénon tonsakátaʼne. Ehʼthóhʼne ratikwékon hiasakónonke ne thoʼnetákwens, tóhkahiátare ne ioterèhons, tánon kontikwékon tonsahsakoteróseron.

Deuteronomy 10:18

Orihwí꞉io rón꞉nis ne tehontonhnaká꞉rias ó꞉ni ne ionaterè꞉ons ioiánere tsi takonhwatiriwásnieʼse; shakonorónhkwa ne thihononhontsá꞉tes ne skátke ratinákeres nonhtionhkweʼtashón꞉a, tánon shakonónhtens ó꞉ni shakotaʼkweniá꞉wis.

Deuteronomy 14:29

Ki kákhwas né꞉ne Levites raotirì꞉wake, ne tsi iáh thahó꞉ten tehotihientaʼtserá꞉ien, ó꞉ni ne thihononhontsá꞉tes, tehontonhnakárias, ó꞉ni ne ionateré꞉hons ne sewanatákons konhtì꞉teron. Enthatikóha kwáh tsi nahó꞉ten tehonatonhontsó꞉ni. Tóh ki naʼsewáier, tánon ne Roiá꞉ner sewaNí꞉io entsisewahiataté꞉riste kwáh tsi nensewatiére.

Deuteronomy 16:11

Sewatonhnarón꞉nion tsi nón꞉we nihénteron ne Roiá꞉ner, skátke ne ietsihienʼokónha, sewanatsheraó꞉kons, tánon ne levites, thihononhontsá꞉tes, tehionthonhnakárias, tánon ne ionateréhons ne sewaná꞉takons konhtiʼteróntons. Tsi ionhterenhnaientákhwa kí꞉ken thóh naʼsewá꞉ier.

Deuteronomy 16:14

Sewaʼtsenhnónhniat skátke ne ieʼtsihienʼokón꞉a, ne sewanatsheraó꞉kons, tánon ne Levites, ne thihononhontsá꞉tes, ne tehontonhnaká꞉ris, tánon ne ionateréhons ne sewaná꞉takons konhtiʼterónton.

Deuteronomy 27:19

“‘Rawenni꞉io shakorewátha nónhka enhonwatiʼnikonhráten ne thihononhontsá꞉tes, tehontonhnakárias, ó꞉ni ne ionateréhons ne raotiʼianerénhseras.’ “Tánon onkweʼtakwé꞉kon tenieriwaʼserá꞉ko, ‘É꞉tho niʼiá:wen!’

1 Thessalonians 2:6

Iáh tehionkwateniénten nónka ahionkihiatanerákwathe, iáh niséke iáh ó꞉ni notiakhésons,

1 Timothy 5:2

neh tiotíʼions tsi neh ní꞉ioht ne ieʼtsinisténa akénhake, onh ne kenʼnitiotiʼiónsas tsi ní꞉ioht ne sewahtenoséha akénhake kwáh sewerhiasakwekon akénhake.

Ne꞉ne Sák Rohiaton 1:27

Tsi nahóten ne Rawenni꞉io ne Kaníhsera ráton ne kwáh aóskon ó꞉ni oriwí꞉io kariwiiostonhtsera, kén ní꞉ioht: teietʼtsiriwásnies ne tehonthonnakárhias ratitʼsahokónhas tánon ne ionateréhons tsi nihothironiáken tánon sewatatenónhstat tóhsa aisewahétʼkenten ne tsi ionwentsiáte.

1 Tiér 2:17

Kwáh niaʼtehionkwétake sekweniénstak, senorónkwak nakorénsons ne tiaʼkawetákwen, skweniénstak ne Rawenni꞉io, ó꞉ni skwewniénstak ne Ronnontí꞉io.

1 Tiér 3:7

Neh nònne sáka ne sewaskenrákete ne sewaniákʼkons ioteriwíson ne taisewaiaséhake ne tesewénterons ne kwáh aisewanikonraiéntane tsi sénha oʼónha iáh tekontisáste tsi nise ní꞉ioht. Taietsihiateweientónhas ó꞉ni ietʼtsikweniénstak, tioríwa onónha ó꞉ni enkontiʼiéna, skátke níse, ne Rawenni꞉io raotathawítsera nahiakónnheke. Thóʼki nasewáier nehne tóhsa thènen aisewaiótatʼtse ne sewaterennaientátseras.