1 Timothy 4:3 - Ohiatonhseratokénti

³ Nètho ronnónkwes sakothirihonniénni tsi wahétken nahiakóniake tánon naiéke ne kakhwatokenhátons. Nók kíʼ Rawenni꞉io rohsahánion nètho kákhwas naiéke, sahonterennaientáko tsi wahthontenonweráton, tsi niháti ne thonetákwen ó꞉ni rohthiʼienteráʼon noriwí꞉io.

1 Timothy 4:3 ပူးပေါင်းရင်းမြစ်များ

Genesis 9:3

Kwáh tsi nahó꞉ten ne kontoriá꞉neronʼs ne konnónhnhe ne sákhwa enkénhake; tánon kwáh tsi nitkonhiá꞉wi nohoteʼshón꞉ʼas ne iotenénha, akwé꞉kon takón꞉ion.

Ecclesiastes 5:18

Kén nahó꞉ten wahkeriwaʼtshénri: né kwáh tsiohiá꞉nere né꞉ne tahitewaskáhon tánon tewanekíra tánon tewahthonnáh꞉ren tsi nahó꞉ten hionkwahioténʼen tsi nikaríwes khók tesonkwáhwi ne Rawenni꞉io nahitiónnheke; né kí꞉ken ne tenhionkwahteriwahsehráhkwahse.

Daniel 11:37

Ne ronnontí꞉io enhakén꞉ron ne thiʼkaniiohtsherá꞉tes tsi niká꞉ien ne shakosothokonkénhen ratisénnaienhskwe, ó꞉ni ne konnón꞉kwe tsi niká꞉ien ne kontinorónhkhwakwe. Tánon kiʼ ó꞉ni kwáh tsi niaʼtekaniiohsherà꞉ke tsi enhshakokén꞉ron, né tsi í꞉rehre sénha raónha è꞉neken enthótteke tsi ní꞉ioht ne ronatiaʼkéshon.

Matthew 14:19

Nok neh tahatierente ȣasakorori nonkȣesonha nʼohontake aiontien, ȣatrakȣe ne ȣisk nikanatarake oni ne tekentsiake, nok Karonhiake iahatkatho ȣathononȣeraton Niio, ethone ȣathanatariakhon nok raotiokȣa tasakaon nok ionsasakotiiakhonhase.

Matthew 15:11

Iah se neh tehoiatakhsatha tohokaronniatha oni ne ronkȣe tsi nahoten rennekȣanons, neh tanon tsinikon tkaiakens tsi rasakaronte neh roiataksata oni rokaronniatha.

Matthew 15:36

Ȣatrakȣe ne tsiatak nikanatarake oni ne kentsionk, ȣahaiakon ȣathononȣeraton ne Niio, nok raotiokȣa iasakaon nok nerononha onkȣeokon ionsasakonon.

Luke 24:30

Tsi kati shathonstskaon, ȣahanatararako, nok ȣahaiatateriste; ȣathaiake nok tashakahon.

John 6:23

Nok tanon nonen etho sonsakontkennisa noniarotasonha Tiberiad natontakonne akta tsi nonȣe ne Iesos nihaiatateriston ne ȣisk nikanatarake oni sakononten.

Acts 27:35

Tsi neh sahénron, Kór watanatárakwe, rahothihénton wathononweráton ne Rawenni꞉io, watanatháriake, tánon wahanátarake.

Romans 14:17

Ne Rawenni꞉io rahoianerénsera iáh ne tatekeníneren noriwasónhas tsi tethewatskáons ó꞉ni tewanekíra, nók nehʼne kariwakwarisióntseras, skénnen, tánon natonnharátsera tsi nitatkáwas ne Ronikonriʼióston.

Romans 14:3

Nónka ne kwáh tsit nahóten énieke iáh tateiothonwentióhon nahonwatikénron ónhka neh iáh thoteiekhóten; nók tsi nikáien ne nek khók rónhneks ne kaienthóseron iáh tateiothonwentióʼon ne tahonwatiʼiatórete tsi nikáien ne kwáh tsitʼnahóten rónhneks; asèken Rawenni꞉io sakokweniénstha nètho ónkwe.

Romans 14:6

Tsi niʼiákon ne neh ionnontónnions sewatiéren ne tsi wenniseraté꞉nions sewennisera sénha wenniseratokénston neh kíʼ tsi ronwakweniénstha ne Roiá꞉ner; nehʼnònneh sáka nónka tsík nahóten í꞉ieks neh kíʼ tsi ronwakweniénstha ne Roiá꞉ner, Asèken tehonwanonwerátons ne Rawenni꞉io ne khákwa. Ónhka ne iáh tehónʼneks ne tsík nahóten ne kíʼ tsi ronwakweniénstha ne Roiá꞉ner ó꞉ni tehonwanonwerátons ne Rawenni꞉io ne khákwa.

1 Corinthians 6:13

Ónhkak enhiaiéron, “Kákhwah né꞉ne onekwáhta ahówenk, tánon nonékwahthe né꞉ne kákhwa ahówenk.” Hén; nók kíʼ Rawenni꞉io tetsáron enháiake. Noierónta iáh ne tahónston ne ononwahroríta ahoweiennakséntshera, nók né꞉ne Roiá꞉ner tahoriwásnieʼse; tánon ne Roiá꞉ner rasniénons noierónta.

1 Corinthians 7:28

Nók kíʼ tóhkaʼ enshaniáke, iáh kíʼ tesariwáhneren; tánon tóhkaʼ ne tsiontonwísen ne iáh teioniákon nenioniáʼke, iáh kíʼ teioriwáhneren. Nók kék khók ahontakeráko nahkonnónstathe ne niaʼtewenniseráke iakonikonraronhiakéntha ne iakoniátʼkons.

1 Corinthians 8:8

Kákʼkhwa, iáh né tahkarihónni ne sénha ahioiánerenʼne tsi natethewáhtere ne Rawenni꞉io; iáh tahóten tahʼionkwáh꞉thonse tóhkaʼ iáh thatahitewatskáhon, iáh ó꞉ni thènen tahtaitewahténtia tóhkaʼ tentewatskáhon.

Colossians 2:16

Kwáh káti tóhsa ónhka iesaianerenserónhnien nahóten asekʼséke tóhka ó꞉ni nahóten asnekirá꞉ke tóhka ó꞉ni ne iawentatokentíhsons tóhka ó꞉ni tsi natehontenonwérons nó꞉nen tsiorahkwará꞉on nasonhthenhné꞉kha tóhka ó꞉ni nawentatokentí꞉ke.

Colossians 3:17

Kwáh tsik nahorihoʼténhsons tsi naisewáhtiere tóhka ó꞉ni thé꞉nen aisewénron, é꞉tho káti, naiá꞉wenhne rahoshén꞉nakon ne Roiá꞉ner Ié꞉sos, tsi rahonhà꞉ke tensatenonwerá꞉ton ne Rawenni꞉io ne Kaʼní꞉sera.

1 Timothy 2:4

Neh tehotonwentió꞉ni niaʼtehionkwétake ahieniákenʼne tánon naieientéraʼne ne oriwihioʼónwe.

1 Timothy 4:4

Kwáh tsi nahoténsons ne Rawenni꞉io rohsahánion tsi akwékon niehioiánereh; kwáh tóhsa thènen naiekénron, nók kwáh akwékon aiehiéna tánon aterennaientatserákon tahiontenonweráton,

1 Timothy 5:14

Káti neh akeráko nètho nitiotihiónha nahiotíniake, iotiwiraiéntan, ó꞉ni kontirihwatsʼtéris tsi hiotinonsótons, neh꞉ne tóhsa ahonatesennaiéntaʼne ne hionʼkhísons ne thènen wahétken ahionkhiʼiénhase.

Hebrews 13:4

Ne kaniá꞉tshera kwáh onhkweʼtakwé꞉kon tsi teiotonwentióʼon naʼieriwahkweniénstake, tánon ne rotiniátʼkons ó꞉ni ne iotiniákons ioteriwíson ne ahotirihwahtokénhake tsi naʼtehónteron. Rawenni꞉io enshakoréwahte nónka ne ieweienʼnáksen ó꞉ni ónhka ne iontenakwaiesátha.

Hebrews 13:9

Tóh꞉sa satʼthóntat ne tsík naorihoténsons naisatʼtaharáhkwahte ne tkarihwahiérike. Kwáh íken tsi iohiánere nakonwahshahtsʼténseron nawéri thóh nón nahontáwe ne Rawenni꞉io raoténrat, tánon iáh né tahiontewénhnaraʼkwe tsi nihioianerenserótens ne kátkhwas; tsi nihiákon né꞉ne iakotehwenhnarákwen iáh thènen tehiakohiatakenáʼon.

1 Samuel 9:13

Kwáh tsi niʼiostóre ienseniʼnátarane, entsiseniʼiatatʼtsénri, nohén꞉ton iaharátʼthen tsi ietsenharákwa ne tahatská꞉hon. Asèken nonkweʼshón꞉ʼahs kwáh iáh thataʼiontská꞉hon tsík énraʼwe, tsi raónha aówenk tsi enhahiataʼtériste ne watéskonʼte; eʼthóhʼne ó꞉nen thenionská꞉on ne iontatʼtonkará꞉wi. Ó꞉nenh kiʼ iaseninontárahn, asèken kwáh ók꞉sak tensewatátken.”