1 Timothy 3:3 - Ohiatonhseratokénti

³ iáh tehówenk nahanekahkátsʼtake tóhkaʼ ó꞉ni naronkwetatʼsénhake, ónk ahontahorihwahiérike ó꞉ni sákʼtakénhake; iáh tehówenk nahawistanorónkwahke;

1 Timothy 3:3 ပူးပေါင်းရင်းမြစ်များ

Proverbs 1:19

Ne ónhka ienénhskwas, kenhé꞉ion ieniakoiaʼténhawe—tho kiʼ niiá꞉wenʼs nónhka ionteriiohseraʼnón꞉we.

Proverbs 15:27

Tókaʼ enhsateʼnién꞉ten ne iáh tetkarihwaié꞉ri tahsnaʼnéta tsi tahsatèn꞉tsha, ienhsheiaʼtenhá꞉wihte ne sahwá꞉tsire tsi tensewaʼnikonhrhá꞉ren. Tóhsa oʼthé꞉nen tsé꞉na nahò꞉ten iáh tetkarihwaié꞉ri aiesatkáriaʼkse nothé꞉nen tánon karí꞉wes enhshónhnheke.

Ecclesiastes 7:8

Né tsi iehiotókʼthe ne thén꞉nen sénha ne iohiá꞉nere tsi ní꞉ioht tsi tsotásahwe. Ne iakonikonhkátsʼte sénha ne ioiánere tsi ní꞉ioht ne hionthatónhni.

Isaiah 28:1

Áh, ne rotiʼnaiéston ne katsitsaʼrahrá꞉kons tsi kakakwenhtónhni ne ratiʼnekakástha ne Ephraimke, tánon ne iotashó꞉kwen notsítsa ne nahohiatanerakwáhtshera í꞉ken tsi niʼioràse, thóh káhere ratiʼnontsínes tsi niháti ne ronatewehrénhko tsi nihónhneks ne iokwaréhsens, né꞉ne tsi niháti teotirenhkénhnies notsí꞉tsa!

Isaiah 28:7

Né ronón꞉ha ó꞉ni ne rotiréh꞉serons notsítsa tánon né tehotiʼiatakentón꞉kwah ne ionekaníron; ne ratitsihénstatsis tánon ne rotiʼtókenhse ne rotiréhserons ne ionekaníron, né teiakohnithonʼniaténhnis notsítsa, ne tehiakohiathentón꞉kwas ne ionekaníron; iah tsateshatiʼkaraién꞉tas, ne tehothiniotákwas tsi thontkáwas ne karihwenhtátshera.

Jeremiah 6:13

“Onhkwetahkwékon, ahiesenhnowánenhke tó꞉ka ó꞉ni kentʼnaiesénhnaske, ronteniéntʼtha kanikonhráhthon tsi ní꞉ioht tsi ahontʼwisthónni; iekaníhareh ne rotitó꞉kense ó꞉ni ne rothikháres sahkotinikonhraténnis nonhkweshón꞉ʼa.

Jeremiah 8:10

Káti kwáh ahonkwetahsehsónhas tentetʼkhéhion ne rahotihentahsónhas tánon ne rothiniákons né nonhnè sá꞉ka. Kwáh onhkwetahkwékon, ahiakonkwetowahnénhke tánon kénk nahiesénnaske, hionteniéntha kanikonhráhton tsi ní꞉ioht tsi ahiontʼwistónni. Akwékon ne rothitó꞉kenhse ó꞉ni ne rothikháres sahkothinikonhrahténnis nonhkweshón꞉a.

Ezekiel 44:21

Ne Rothikháres iáh tehiówenk nahatinekíra notsítsia nohénton niahontáwehiathe natenhénrakon.

Leviticus 10:9

“I꞉se tánon ne sanekenteronhtsheraʼsónhas tó꞉sa entisewatáwehiaʼte natohsehrákon tsi nónhwe nikíteron nónen sewanikirá꞉shon ne onenharataʼsehontserákeri tó꞉ka ó꞉ni nonentákeri, tó꞉ka thóh nensewáiere, kwáh kíʼ ensewénheʼie. Né kí꞉ken ne kaianerénsera ónenk tsi ensehwakwéniensʼthe tsi nienhsewatwatsiríne.

Micah 2:11

Tó꞉ka shí꞉ken onkát ne iakotharátses ne onowenhtós꞉kon í꞉ken, aiontón꞉heke, “Kwáh ienkerihwà꞉ke né꞉ne onenharataʼsehontsherákeri tánon ne ionekaní꞉ron,” raónha kíʼ iensakorihwákense ne rahonkweʼtashón꞉as!

Micah 3:11

Ne rahonhnonkweʼtashón꞉as ne ratirihwénhtha oʼwísta ronhwatikárhiakse ne nahatinikónhrate, ne ratitsihénstatsis ratikaráiens tsi sakotirihonhnién꞉nis, ne rotitokénhse tsi nishakotirihothashién꞉nis oʼwísta rotí꞉rare nahontahonhwénhnon; nek kíʼ sá꞉ka raonhà꞉ke ne Roiá꞉ner iehatihiatarákare tánon rón꞉ton, “Orihwiiohón꞉we ne Roiá꞉ner tsi tewakwé꞉kon! Iáh othé꞉nen ne karihwahetkénhsera tahionkwárane.”

Micah 3:5

Káti ráton ne Roiá꞉ner tsi nokwáh ne rotitokénhse ronónha waʼsakonathahará꞉kwahte nakonkweʼtashón꞉as; ne nó꞉nen thé꞉nen rotí꞉ien nahónhneke ronónha tehotihenré꞉tha ne “skén꞉nonk”; nó꞉nen ne iáh othé꞉non teotí꞉ien nahónhneke, ethò꞉ne enhonterí꞉io ne raónha.

Malachi 1:10

Weh, ónhka naionská꞉neke naienientháhrho ne tsi kahnhoká꞉ronte tánon aionté꞉kaʼte ne tsi ktsenhahráhkhwa ne iáh oh thé꞉non tshiaʼtákene? Iáh tewakerienʼtiióhstha ne tsonhá꞉ke, Rá꞉ton ne Sakoiá꞉ner ne ratironhiaʼkehró꞉nonʼs. Tánon kwáh iáh thatié꞉na naontesewá꞉iehste ne sewahtsaʼnà꞉ke naontá꞉we.

Matthew 21:13

Nok ȣasakaȣenhase: Kaiaton, ȣaton: ionterennaientakȣa enkonȣanatonkȣake nakenonsa, nok nise ienenskȣatha seȣatatenonsonniatenni.

Acts 20:33

Iáh thènen tatewakathonʼontsónikwe nónkak akotsokowátsera tóhkaʼ ó꞉ni natʼtserónniat.

Romans 16:18

Asèken ónhka ne thóh niʼieweiennóten iáh kíʼ Kerístos sonkwaiáner tehonwahiótense, nók nek khók ronnonthónnions tsi nahóntiere ó꞉ni nahóten ahónneke. Kawenníʼios rónstha ó꞉ni tekarénsaron tsi ní꞉ioht tsi rontátis sakotinikonrahténnis ne tionkwetaiéris.

Ephesians 5:18

Tóhsa sanonwaráthont tsi nasnekíra notsítsia, kwáh nènʼne nek khók nensakarón꞉ni; khék, neh tiatanahnónhak ne kanikonrí꞉io.

1 Thessalonians 5:14

Kwahretiárons, onkwahtenroʼshón꞉a ietʼtsihiaronkáten tíken ronʼnentóras, ietʼtsinikonranírat ne ronatʼtseiáron, ietʼtsisniénon ne rotitsihióha, ietsihiatenikonkátsʼtet nonkwetakwékon.

1 Timothy 3:8

Nononsatokentíke rontsniénons ahówenk nahotihianerenserihióhake tánon ahothiriwahtokénhake; iáh thehiówenk ne wéso ahatinekhírake notsítsia tóhkaʼ ó꞉ni ahonatetʼtséntake tsi nòkwa nowístha;

2 Timothy 3:2

Nónkwe ahkahónwakʼkhok enhiontathehiárake, enhiakotetʼtséntahʼke, tenhiontatenrénsaron, ó꞉ni enhiontathónnike; kwáh ó꞉ni ensakotinikonratsáthake, iáh thasakotiwennarákwaʼke ne ronwahtiʼiénha, iáh thènen karihwatakénhake, iáh tahotiriwiʼiostónhake;

Titus 1:11

Kwá tehiotonwentióʼon nahonwanáskweke, ne tsi kwá iewahtsirakwékon sakotinikonraksátha ne tsi ne sakotirihonniénnis tsi nahóten ne iáh tathehiothonwentióʼon, tánon akwékon ne karihónnis tsi nihiotéha tsi nihonahtéttien tsi ní꞉ioht tsi rontʼwistónnis.

Titus 1:7

Asèhken ne sakohéntense nononsatokentíke raónha roteriwatsʼteríston ne Rawenni꞉io rahohioténsera, kwá kíʼ tóhsa thènen ahonhíkonke. Iáh tehiówenk naronkwetatsénhake tóhka ó꞉ni ahanakwastó꞉reke, tóhka ó꞉ni ahanekahkátsthake tóhka ó꞉ni ronkwetátsen tóka ó꞉ni rotwistatékʼtien.

Titus 2:3

Kwá nòn꞉ne ne sáka ietʼtsirihónnien ne tiotíʼions konnónhkwe, nahkonterihwahténtiate tsi nahtehiothonwentióʼon ónhka ne iakoriwiʼióston tsi ahiakónnheke. Iáh teiówenk nónhka ahiakotisennákshate tóhkaʼ ó꞉ni tahiotirenkénnion nakontinikírake notsítsia. Ónenk tsi enhiakotirihónnien nahóten ne ioiánereh.

Titus 3:2

Ietʼtsiróhri ne tóhsa thènen ne wahétken ahsakonénhase nónka hakénhake, nók saktakénhake ó꞉ni ahonterohserihióhake, tánon tiotkonʼónwe skénnon hakénhake tsi nihonnonʼnóten tsi natehóntereh.

Hebrews 13:5

Tóhsa sewahwistanorónkwak, nók sewaktsennonníhak tsi nahoténson sewáhien. Asèken ráwen ne Ní꞉io, “Iáh nonwénton tiakonhiatewénhtethe; iáh nonwénhton tiakonhiáʼkaweh.”

Ne꞉ne Sák Rohiaton 4:1

Kanónwe nitewétha ne aterihióseras ó꞉ni ne taieriwakéna? Thóh nón nitewétha ne tsi nisewaskáneks natenikonrohriátshera, né tsi nihioriwathóken tiotkonhónwe sewaterihio.

1 Tiér 5:2

naseiatennikonráren ne kentiókwa tsi niʼientiokwáwi ne Rawenni꞉io tánon kwáh thoʼnaisanikonrohténhake tsi ahseiatennikonráren, kwáh tsi naʼtehontonwentió꞉ni ne Rawenni꞉io neh náshere, tánon tóhsaʼ ne iáh thoʼtaisanikonróhten. Sahióten ne sahioténsera, iáh tóhkaʼken ne tsi satʼkarhiákse, nók neh tsi kwáh thóh nithesaskáneks naisahióten.

2 Tiér 2:3

Tánon thóh tsi nihonatétʼtsen kí꞉ken rohtinówens sakotirihonniénnis neh enhontʼwistónniathe tsi niʼietsiʼróris ne wakʼkarísons. Ónen kwá thóh tsi náhe ne rahononkwéta Rariwéntha sihotatheweiennentáʼon, tánon ne Sakowenkʼthos kwá íken tsi roièʼon!

Jude 1:11

Tsi natehonaterientawenréhʼon! Ne wahathisere tsi nihoiéren ne Cain. Owísta wakarihón꞉ni tsi thóh nokwáh niahonʼne tsi natehoterientawenrhéon ne Balaam. Wathatirihoróke tsi ní꞉ioht tsi tehorihóron ne Korah, tánon tsi nioiatawénhen wahonwanáthonte.

Revelation 1:9

Í꞉i, Sawátis, tsatateʼkénha raónha ne thawetákwen raonhà꞉ke ne Ié꞉sos ne roronhiakén꞉en óni ne kanakeráhsera tánon roteʼnikonratstáton, thóh nón꞉we tsi kawenhó꞉te ne konwanaʼtónhkwa Patmos tiorì꞉wa ne raowén꞉na ne Ní꞉io tánon ne roriwanirá꞉ti ne Ié꞉sos.

1 Samuel 8:3

Nék ne raoʼnekenterontserashón꞉ʼahs tsi iáh teotíseron ne raoʼteweién꞉na, kwáh nek khók thotiʼnikonratihénthos nahiatʼwistónhni; káti ne waʼniʼienáhseron tsi nathonwatiʼtsikhetá꞉rohse tánon waʼnisakéte ne kariwenhtá꞉tshera.