1 Timothy 3:2 - Ohiatonhseratokénti

² Nononsatokentíke rohtheríhonte kwáh tóhsa thènen ahonihtseraiéntake; énskak khók ahoniákonke, iatahahonniátonke, ahontahotatheniarotáronke, tánon ahothonkwetakwaríhshon; rohtherihwaiénni nasakonakʼthótʼthase ne iakoiesahonháties ne rahonónskon; kwáh nahokwénionke nasakorihónnien;

1 Timothy 3:2 ပူးပေါင်းရင်းမြစ်များ

Isaiah 56:10

NʼIsraerʼró꞉nons ne ratiʼrihwanikónraʼre tsi tehatironwèkon, kwáh ratiʼkwékon iáh othènon tehonatʼtokhatsheráien; kwáh ratiʼkwé꞉kon sák tihonathaʼtónhni tsi ní꞉ioht né éʼrhar né iáh takakwéni nakaní꞉hie; ronatét꞉tiens, ratiʼiatakwénhtaʼre, ronnonhwéskwahni nahotítaʼwe.

Luke 1:6

Nok rotiianerekȣe rahohenton ne Niio, oriȣakȣekon oni rotiriȣaieritonhatiene tsini ȣatenienten oni tsini kariȣataton ne Roianer raoriȣasonha, iah tehotinnhiseraien.

Luke 2:36

Anen oni iotokense etho kanakerekȣe, Phanuel sakoienha, Aser raȣatsiratatie, onen siiokstenha, tsiatak niioserake teniiasene ne ioniakonhonne,

Romans 12:13

Ietʼtsíhion ne satesewariwiʼiósthons tsi natehonathonwentió꞉ni, tánon ietsinakthótas ne tehontawénries ne sewanonskónshons.

Philippians 2:15

Neh enkarihón꞉ni ensewariwathokénhake tánon ne ensewatenaʼthónkwen iáh othènen tehothinhíkon ne Rawenni꞉io sakoienʼokónha, Neh skátne sewanákere ne tehonatsiákʼton tánon rathiweniennákʼsens, nók tóhsa khiʼthènen neh saióhten onh nahiawénʼne ne ahathikweni nahonníron thesaterientawénries. Sateniénten éhʼtho ní꞉ioht tsi tesaswhátʼtek nonkwéne tsi ní꞉ioht ne kén ronʼnonwentsiakerónon,

1 Timothy 3:12

Nononsatokentíke ratsniénons ahówenk nénskat khók ahoniákonke tánon nahiotónʼon kwáh ahioianeréhake tsi naʼsakoterihwatsterístaʼse ne sakohioʼokónhas ó꞉ni ne rahowátsireh.

1 Timothy 3:8

Nononsatokentíke rontsniénons ahówenk nahotihianerenserihióhake tánon ahothiriwahtokénhake; iáh thehiówenk ne wéso ahatinekhírake notsítsia tóhkaʼ ó꞉ni ahonatetʼtséntake tsi nòkwa nowístha;

1 Timothy 4:3

Nètho ronnónkwes sakothirihonniénni tsi wahétken nahiakóniake tánon naiéke ne kakhwatokenhátons. Nók kíʼ Rawenni꞉io rohsahánion nètho kákhwas naiéke, sahonterennaientáko tsi wahthontenonweráton, tsi niháti ne thonetákwen ó꞉ni rohthiʼienteráʼon noriwí꞉io.

1 Timothy 5:10

tánon konwatiʼientéri tsi kontiweienʼní꞉io: nètho hiónkwe tkariwaiéri tsi iakawehiáron nakohioʼokónha, iakohonkaráwi ne iakoiesahonhátieskwe ne ahonónskon, tánon tehiakhoróhton nótiakes ne iakorihwiʼióstons, iakoiénawaʼse nónka tehiakonikónrare, tánon iathehiotatʼtiaháton iohióthe ne ioiánere.

1 Timothy 5:22

Kwáh tóhsa tesasteríhen ne tasehianisnonsahérase nónkwe nasehiataráko nahothihióten ne Roiá꞉ner rahohioténsera. Tóhsa ken nátier nakóren akorihwaneráktseras; kwáh iekénhak tsi satatennikonráhrak.

1 Timothy 5:9

Tóhsa ietʼtsisénnaren ne ionaterèʼons tsi nónwe nikontisennarónnion ne ionaterèʼons tsík enhionathohétston ne iáh-iak niwáhsen nahontahiotíhionke. Tánon ó꞉ni énskak khók ahiothiniákonke

2 Timothy 2:24

Tsi Roiá꞉ner rahonhátsera, iáh thehiówenk ne taseriwahkèna. Saterihwaiénni kwáh akwékon tsi ahontesarihwaiérihke, ionkweʼtí꞉io ó꞉ni ronikonkásthe sakorihonniénni,

Titus 2:2

Serihónʼnien ne thoʼtèions ne tóhsa ahatinekakátsʼtahke, ahontatkweniénstahke, tánon thoʼnatateniarótaron; nahioriwíʼioke tsi thoʼnetákwen, ne rahotinonronkwatsherákon, ó꞉ni tahathiwisátsʼtheke.

Hebrews 13:2

Sewehiárak naʼietʼtsihónkaron ne kenkʼthitiakawé꞉non ne sonwanonskónsons. Thóh kára niháti ne thóh nihotiʼiéren tánon kwáh iáh thènen tehonateriéntaraʼkwe tsi ratironhiakerónons wahonwahtihónkaron.

Hebrews 3:14

Asèken tewahkwékon teionkwahienawáhkon ne Kerístos tóhka enionkwahriwahníronke kwáh tsi nióre tsi ieiohtókʼte tsi nitionkweʼtakwenʼne tsi niʼtiotáh꞉sawen.

1 Tiér 4:7

Tsi ieʼiotókʼte noriwakwékon ákta íwes. Ónenk tsi í꞉se entisewatatheniarótaroke ó꞉ni sewatateweiennentahónhak, naisewakwéni aisewaterénnaien.

1 Tiér 4:9

Tesewatatenonhóntsiens ne tsi sewanonshótons tóhsa thènen sewariwakátat.

1 Tiér 5:8

Sathateweiennentahónhak, thasaráhrek! Ne iáshons, ne ótkon, tehathawénries tsi ní꞉ioht ne kénreks, thoʼhatʼthónties ónhkat asakowéntho.