1 Timothy 2:8 - Ohiatonhseratokénti

⁸ Kwáh tsi nihioriwáhke nononsatokentíke enhionterénnaien tewahkatonwentió꞉ni ne ronnónkwe nahonterénnaien, ronnónkwe neh꞉ne rotirihwatóken tsi nòkwa ne Ní꞉io tánon ahatikwéni nahonnenstiakétsko nen honterénnaien ne tóhsa ahotinakwenʼénhake tóhsa ó꞉ni tahotiriwahkéhnen.

1 Timothy 2:8 ပူးပေါင်းရင်းမြစ်များ

1 Kings 3:11

tánon káti wahawénhaʼse, “Né enhkarihónhni tsi atenikonhratʼthokhátsera wasehrihwanónhton né nahonthakarihwaiérike tsi asatʼkórasthe, tsi ní꞉ioht nashonnhésonhke khés ne kakwahtsésheras khés nahonhníheʼie ne tesehwatátʼtions,

Job Tánon ne Raoronhiakensera 16:17

Ethosà꞉ne kwáh iáh othé꞉non teshoteriwatewá꞉ton ne katsá꞉nakes, tánon nakaterénhnaient kwáh aóskon í꞉ken.

Psalms 134:2

Sewanentʼtsakétsko tsi nón꞉we ne iotokénti í꞉ken, tánon tetsisewanonhweráton ne Roiá꞉ner.

Psalms 141:2

Satóntat tséna nakaterénhnaient né shón꞉niat tsi ní꞉ioht ne wenhnekerákon wakahtsienkwahronniatákwen ne sahénton, tánon ó꞉ni ashé꞉na tsi niwakanenhtsaʼkaratáton tsi niwakaterénhnaien tsi ní꞉ioht tsi tsénas nokarasné꞉ha iontsienkwahronhniáta ne sahénton.

Psalms 24:4

Né꞉ne tsi nihiákon ne ieweʼienhní꞉io tánon ienikonhrí꞉hio, tsi nihiákon ne iáh kahiatónhni tekonwaʼthisénhnaiens khés ne noʼnhówenhs í꞉ken tsi nihionrahrátstha.

Psalms 26:6

Saiá꞉ner sakatsióhare né nakéneste tsi iáh tewaʼkeníkon, tánon watkhakwahtaséhnion ne tsi kanióte ne sáwenk ietienhará꞉kwah, O Saiá꞉ner,

Psalms 28:2

Saʼthón꞉tek tsi niwaʼkewénhte tekaséntʼthos tsi niwaʼkanithénton, ne tsi iatekaséntʼthos ne shonháke nastiénawaʼse, tsi enkanenhtiakétsko tsi wakaterénhnaien thóh niewaʼkatieráton ne tsi nón꞉we ne kwáh tsiotokénti ne Sanonsatokentiʼkówa.

Psalms 35:13

Ók kíʼ ní꞉i nó꞉nen sihotinonhkwák꞉tani, ká꞉iare wakatʼtierón꞉niate; onhkenikonrák꞉sen ne raotirihwá꞉ke kwáh ó꞉ni onkentón꞉tiete. Tánon waʼkhehiaterenhnaiénhase, ók nakwahterénhnaien iáh othènen tehiorihontákwen

Psalms 63:4

Kwáh ká꞉ti tenkonhnonweratónhsehke tsi nikaríwes enkónnnheke; né nó꞉nen enkaterénhnaien enkanentʼtsakétsko.

Psalms 66:18

Tó꞉ka iáh othènen kaʼríhwa tahonkónhnike nakeriwaʼnerahát꞉tsheras, ne Roiá꞉ner iáh kí othènen tahothahonsathátonhke.

Proverbs 15:8

Roiá꞉ner rotonhnháhere nó꞉nen tionkweʼtaié꞉ri ronaterén꞉naien, nok ráhswens ne thatíhas karihwiioseʼokón꞉ʼa ne rotirihwanéren.

Proverbs 21:27

Roiá꞉ner ráhswenhs nó꞉nen iáh tetionkweʼtaié꞉ri aontahonwahawíhten ne karihwiioshokón꞉ʼa naterennaientatsherá꞉kon ne tsi wanonhtonnionhtseráksens tsi ní꞉ioht tsi ronnonhtonniónhkwas.

Isaiah 1:15

Nó꞉nen iathenshatsá꞉nate nasaterienhnáien, kwáh kí iáh takonhiatʼkátho; iáh othènnon takarihontáko tsi níkon ahsaterénhnaien, Kwáh kí iáh takatahónsathate; ne satsanáke titkanewenhsáhere.

Matthew 21:21

Nok ne Iesos tontahenron: oriȣiio tsi kȣarori; noriȣiio ahonteseȣetakon iah oni othenon tahonteseȣatennoȣentake neseȣeriane, iah neok taeseȣakȣeni neh naeseȣaiere tsi nahoiataȣen ne tsionionȣarontonhakoȣa; ne seʼs enʼsʼ tanon aeseȣenhase ne kenh iononte ehrent set, kaniatarake iasatiatonti eh se nenhiaȣenne.

Matthew 5:44

Katon kati nii: Shenonȣehak ne iesasȣens, nok Teshenonȣeratonsek ne iesakenronni, sheiaterasȣiiosten ne iesakenronni, nok sheiaterennaiennihek ne teiesonnharikhons oni iesakenrenseronnis.

Matthew 6:12

Sasanikonrhen ne ionkȣariȣaneren tsi niiot nii tsionkȣanikonrhens nothenon ionkhinikonraksata.

Luke 23:34

Ratonhakȣe ne Iesos: Rakeni! Shetenr! Katiken ronaterientare tsini hontierha. Ethone oni onen ȣahontatiakhonhase ne raoȣenksonha, nok ȣahatiȣastotsi.

Luke 24:50

Ethone onen astste niiasakohiatenhaȣe tsiniiore Bethani, nok ehneken iathatsiatate oni ȣasakoiatateriste.

John 4:21

Iesos tontahaȣennaȣeron, ȣahenron: tsi sathonȣisen, kataketak, tsi taȣe nennisera, tsi iah, tsi ok iohnonte iah oni ne Jerusalem tatsiseȣasennaien ne Ronȣaniha.

Acts 10:2

Roriwiʼiostón꞉ne; raónha ó꞉ni ne rahowátsire ronwasénʼnaienskwe ne Rawení꞉io. Kwáh ó꞉ni wéso tsi sakoienawaséhaʼkwe ne Sitaeró꞉nons tsi ratinákere ó꞉ni thoʼkontákwenʼne tsi Rawení꞉ioke iehoterénʼnaien.

Acts 10:31

tánon wahénron: ‘Cornelius! Rawenni꞉io wahothóntene ne saterénʼnaient tánon ratʼthókas ne sahioténseras ne kenténron.

Acts 10:4

Iathotʼkáneren ne raronhiakerónon katerontserákon tánon wahénron, “Nahóten, Sénʼshion?” Ne raronhiakerónon watariwaseráko, “Ne Rawení꞉io rawerentí꞉ios ne saterén꞉naient ó꞉ni tsi nisahióte ne kenténron, ónenki rotateweiennentáʼon tahiariwaserákwaʼse.

Acts 21:5

Nónk nónen shakáhewe ne tahonsaiakwatetʼkhá꞉si, sók kíʼ thonsaiakwatʼtáhakwe. Rathikwékon, ó꞉ni ne rontatʼronahasónhas ó꞉ni ne sakothiʼioʼokónhas, wahakwaterósen tsi sahiakwaiákenʼne ne kanátakon atsiákʼtha niaʼhákwe, thóh nónwe iakwakwékon watsiakwatentʼtsóten tánon wahakwaterénnaien.

Acts 7:60

Wathatetʼtsióten tánon wathohénrete tsi nihawén꞉na, “Saiáner! Tóhsa sehiárak kí꞉ken kariwáneren ne rononhákes!” Neh sahénron warénheie.

1 Corinthians 1:2

Ne thonwetákwen ne Rawenni꞉io thóh nónwe ne Corinth, tsi nihiákon ieiontatenáton ne Rawenni꞉io raotiokwahtokénti akénhake, tsi rahónha rahonkwetaʼshónha ne tsi tehonaterihwahshóntere ne Kerístos Ié꞉sos, rahtikwékon ne kwáh tsik nonwéson ne ronwahsénnaiens ne Ié꞉sos Kerístos, rahónha ne Shakoiáner ó꞉ni nonkwáhtiakes;

1 Corinthians 7:7

Akwáh ne akeráhko tsi nítion thóh naʼisewahiathohténhake tsi í꞉i ní꞉ioht; ónk tieʼhiatátʼtion katohkénston tsi niteshahkówi ne Rawenni꞉io, tionkwéta kén nèn꞉ne ní꞉ioht tsi teshakówi, nó꞉ia thóh ne ní꞉ioht tsi teshakówi.

2 Corinthians 2:14

Tenhinonhwerá꞉ton ne Rawenni꞉io, ne se wáhi teionkwateriwashontere oh naiá꞉wen ne aietewakwé꞉ni ahtshitewaioʼténhse ne Kerístos. Rawenni꞉io tehshonkwá꞉wi ne taietewaterihwaré꞉niaʼte ne Kerístos raorihwà꞉ke kwáh ne neh wenhserakon.

Philippians 1:12

Thekanóron onkwathorohsónha, Thewakatonwentióni naisewateriéntarane ne tsi nontiáthawen sénha wakahiáneraste tsi tahonthiriwaréhni ne kariwí꞉ios.

1 Thessalonians 1:8

Asèken iáh nek khók tèken nateriwanotatsera tsi nòkwah ne Roiá꞉ner niakaiakenhne tsionhake oni tsik nonhweson ne Macedonia oni Achaia, ók ne oriwasheses tsi nòkwah ne sewethakwenhtshera rahonhà꞉ke ne Rawenniio eh nieʼiawénon tsik nonhwésons. Kwáh ki iáh othenen teskaien, noia, tahiotonhontiohonhke nahonsahiakwenhron.

1 Timothy 5:14

Káti neh akeráko nètho nitiotihiónha nahiotíniake, iotiwiraiéntan, ó꞉ni kontirihwatsʼtéris tsi hiotinonsótons, neh꞉ne tóhsa ahonatesennaiéntaʼne ne hionʼkhísons ne thènen wahétken ahionkhiʼiénhase.

Titus 3:8

Ne kíʼ ne kwá tóske íken natʼrhoriátshera. Tewahkathonwentióni kwáh ákta tsi aisewahtennikonráren kíʼ nahorihoténsons, nekáti tsi nihiákon ne thonwethákwen ne Rawenni꞉io né꞉ne ahonnonthonʼniónheke nahatinakʼthóten nahotihioténseke ne kahiotenserí꞉ios, ne kíʼ ioiánere ó꞉ni onhkwetaʼkwékon enhiakoianerásten.

Hebrews 10:22

Ánion ki rahiatát꞉ta iehetewe ne Rawenni꞉io ne kwáh aiteweriasí꞉iohake ó꞉ni aoskon ne tewetakwenh, ne seweriatokenʼtiston ne tsi niweriahsakʼsénhne ó꞉ni noieronta né skanoharéhton ne iotnekatʼkwé꞉niens.

Ne꞉ne Sák Rohiaton 4:8

Rahiaták꞉ta ne Rawenni꞉io niahásewe, tánon ó꞉ni ne raónha sehwahiatat꞉ta nént꞉reh. Sahsewatióhare, í꞉se ne sewariwánerens! Sasewatateriasaʼserón꞉ni, í꞉se nanónwaras

1 Tiér 3:7

Neh nònne sáka ne sewaskenrákete ne sewaniákʼkons ioteriwíson ne taisewaiaséhake ne tesewénterons ne kwáh aisewanikonraiéntane tsi sénha oʼónha iáh tekontisáste tsi nise ní꞉ioht. Taietsihiateweientónhas ó꞉ni ietʼtsikweniénstak, tioríwa onónha ó꞉ni enkontiʼiéna, skátke níse, ne Rawenni꞉io raotathawítsera nahiakónnheke. Thóʼki nasewáier nehne tóhsa thènen aisewaiótatʼtse ne sewaterennaientátseras.