1 Tiér 5:3 - Ohiatonhseratokénti

³ Tóhsa satheniénten nahontaseniarótaroke tsi nikáien ne ronwatináʼon naʼiesatennikonráren, nók neh kíʼ naiesanakéren tsi nisewehienní꞉io tsi nókwa ne kentiókwa.

1 Tiér 5:3 ပူးပေါင်းရင်းမြစ်များ

Psalms 33:12

Iakotáskats nonkweshón꞉ha rahónha ne Rawenni꞉io Raotiʼiá꞉ner í꞉ken, nonkweshón꞉has ne sakohiatará꞉kwen rahónha kíʼ rahonkwetashón꞉has ronatón꞉hon.

Psalms 74:2

Sehiehiárak ne shonkwetaʼshón꞉ha, tsi nikáien ne satonkwetaʼráhkwen ne waʼhónhnise tkènhne, Né꞉ne kwáh í꞉se sehiataráhkwen ne shonkwetaʼshónha aʼhónton. Sasehiáran tsi iohnón꞉te ne Zion, tsi nón꞉we ieshiterónhtaʼkwe.

Ezekiel 34:4

Iáh thateietʼtsiriwasniéseh ne iotitsihióhas, aietʼtsítsenhte ne iotinonhwákʼthani, aietʼtsikentó꞉ren ne iotikarewáhton, tahonthaietʼtsihiaténhawe ne kénk tsehionénonh, tó꞉ka ó꞉ni naiettsihiatíshake ne ionahtsathathónhon. Khèkok, wahetsihiateweiennakshá꞉ten.

Micah 7:14

Sehiathenhnikónhraren ne shonkweʼtashón꞉as né꞉ne sathénhnits í꞉satst, ne teiotinakarontón꞉a í꞉se shatsenenhó꞉kons í꞉ken, tsi ohnonhatsí꞉wak khók kontinákere ne kará꞉kons thóh sahtekahentí꞉hen tsi ionwenhtsá꞉ien; Sehrí꞉hon thóh iateiontská꞉hon ne Bashan tánon ne Gilead, ne tsi nihiotón꞉ne ne wahón꞉nise tkénhne.

Numbers 18:7

Ók í꞉se tánon ne sehiohʼokónhas iatesewahiátis tsi kwáh akwékon kèn nienhsewáiere tsi nihotiʼhiotenhseró꞉tens ne ratiʼtsihénstatsis ó꞉ni tsi nó꞉kwah ne ietsienharákwa tánon tsi nahoténsons ne kwáh Iotokénti í꞉ken. Kíʼ nahorihoténhsons í꞉se sewahioténhseras íken, tsioríhwa tsi tkwá꞉wi nathatawítshera nahisewatʼtsihenstónhni. Ónhka ne iáh tehiakohiotenhserarenhnáhon ákta niáien ne Iotokéntis í꞉ken kwáh kíʼ enhionhtaʼtenonhwariákon.”

John 13:15

Aseken ȣakȣanatonhase, neh naonseseȣaiere, tsi nakȣaierase.

Acts 20:28

Kwáh káti sewatatennikonráren ó꞉ni kwáh kanenrakwékon tsi nitsisewatakweʼniaʼiénni ne Ronikonratokénti. Thóh nihiotónhak tsi sewatennikonráren ne Rawenni꞉io rahononsatokénti tsi ní꞉ioht tsi sakothinikónrare ne teiotinakarontón꞉a sakotinikónraʼre, tsi raónha rahówenk iotónʼon tsi ronekwáhon ne Roiénha.

1 Corinthians 11:11

Tsi tsiónnhe rahonháke ne Roiá꞉ner, ne káti, ne tiotonwísen iáh tahiónnheke tóhka iáh kanèka tarésehke ne rónkwe, né nònne sháh꞉ka ne rónkwe iáh tarónnheke tóhka iáh kanèka tawésehke ne tiotonwísen.

1 Corinthians 3:5

Tánon ki ó꞉ni ónhka nèn꞉ne ne Apollos? Tánon ónhka nèn꞉ne ne Kór? Kwáh nék khók tsi Rawenni꞉io sháhkenihiótense, né tsi wahkwahéntense nahontesehwétaʼkwe. Kwáh tiakwahiatátʼtion né ionkwahióthe tsi niʼthówi ne Roiá꞉ner nahoióten:

1 Corinthians 3:9

Asèken tionkwahtenróʼon tsi tsitewahʼióhtense ne Rawenni꞉io, tánon í꞉se ne Rawenni꞉io rahohéta íken. Í꞉se ó꞉ni ne Rawenni꞉io tsi rononshóh꞉the íken.

2 Corinthians 1:24

Iáh í꞉ʼi teiakwaiaʼtakweʼní꞉ios ne akwahró꞉ri nahò꞉ten aontesewehtáhkwe. Nok skátne ionkwaióʼte oh naiá꞉wenʼne ne aiesewatonhnhá꞉rake, ne tsi sewariʼwahní꞉ron tsi tisewehtáhkwen.

2 Corinthians 4:5

Iáh í꞉ʼi teiakwataterihwahnotá꞉nis. Nonkwaterihwahnotáhtshera ne tho Ié꞉sos Kerístos, raónha ne Roiá꞉ner. Raónha ó꞉ni iahshonkwató꞉ri nakwaioʼténhse.

Deuteronomy 32:9

ók ki ne Jacob tsi nitotwatsirí꞉non raónha nénhne wahathonkweʼtará꞉ko.

Philippians 3:17

Tewathenrosónhas, Tewakatonwentió꞉ni naisewásere nakeweiénʼna tánon kwá ákta tsi sewatéweienst tsi ní꞉ioht tsi rathísere tsiʼní꞉ioht tsi kwaseronnién꞉ni.

Philippians 4:9

Tioténst tsi nahó꞉ten wasehweientéthaʼne tánon tsi sahienáhon ne tkhonhiáwi, skátʼke nakewenhnahókonhs ó꞉ni tsi niwahtieráhnion. Tánon ne Rawenni꞉io ne tesonhkwáhwis ne skénnon kwáh ensehnikwekonhatiésehke.

1 Thessalonians 1:7

Kwá káti wahetsihiatenonwahrákwase ratikwékon ne thonetákwen ne Macedonia tánon ne Achaia nónwe.

2 Thessalonians 3:9

Thóh kíʼ nahakwáhiere, iáh tóh꞉ka kén iáh tehionkwaianerenseráien naiakwahriwanónton ne kaienawahsétshera; thóh nahakwáiere né꞉ne tahontaskwahtenienténsthe naisewáhsere.

1 Timothy 4:12

Tóhsa ónhka ietʼtsiríhon naʼietʼtsikénron tsioríhwa tsi kennithisewahiónsa, nók tahontaietʼtsihiatenákeraste ne tiakawetákwen tsi ní꞉ioht tsi sewahtátis, tsi nisewahweiennótens, sewahnonronkwátshera, tsi tisewetákwen, tánon ahisewahnikonróskon akénhake.

Titus 2:7

Noriwahkwékon ónenk tsi í꞉se tentiesatenienthénsthe tsi nisewehʼienní꞉io Sariwatokénhak tánon tasanikonrahsahatónhak ne sarihonniennítshera.

1 Tiér 2:9

Nók í꞉se ne kentiókwa ne ietʼtsiʼiatarákwen, ne Ronontí꞉io rahotsihénstatsis, ne otiokwatokénti, ne kwáh Rawenni꞉io rahonkwetaʼsónha, kahiatarákwen nahontʼróri ne ionerakwathénion ne Rawenni꞉io rahoweiénnas, ietsisewennónkon tsi tetiókaraskwe tánon thonónwe nonsatsisewátʼkawe ne ioriwanerákwat raoskwatetʼtserákon.