1 Tiér 4:3 - Ohiatonhseratokénti

³ Iatekaiéri tsi nikaríwes tsi nitsawénon thóh nishérakwe tsi nithatinónwes ehʼnahatí꞉iere ne iáh tehotiriwiʼióston. Tsi tiónnhe thóh nónwe niʼioiesahonhátieskwe ne iáh teiotkwéniens, kentétsera, ratinekakástha, ononwarorítha, ahienenrónni naienekí꞉ra, tánon tsi naʼtehiothenonwarorítonte nakonwasénnaien ne kaiatónni.

1 Tiér 4:3 ပူးပေါင်းရင်းမြစ်များ

2 Samuel 13:28

Ehʼthóhʼne ne Absalom wasakónhane ne raonhatseraókons, “Sewatenhnikonrá꞉ren nó꞉nenh ne Absalom kwáh í꞉ken wé꞉so tsi ronekíren notsítsa, tánon nó꞉nenh enkwaró꞉ri, ‘tsi sewáient ne Amnon,’ ehʼthóhʼne tsi sewanonwarhiá꞉khon. Tó꞉sa sewatsá꞉nik; iáh kén í꞉i tekwanhá꞉on? Sewanikonratsanihtónhak tánon sewashátstet.”

1 Kings 21:26

Né kwáh tsiahonháʼa tsioterihwathéhak tsi nihotséren né tsi nishakosénhnaien ne kahiatónhnis, tsi ne nihotiʼiéren ne Amorʼró꞉nons, né꞉ne tsi nikáien ne Roiá꞉ner tesakohiatinekénʼen ne tsi iohontsáien né nonhkweshón꞉as Nisraerʼró꞉nonke tsi niahónhne.)

2 Chronicles 15:8

Nó꞉nen ne Asa saharihwáronhke né iekarihwáken nètho Azariah né꞉ne ronikénʼen ne Oded tsi niháwen, sahonikonhranírah. Kwáh akwé꞉kon éhren sahahawithánion ne kaiatonhnisónhas né tsi kanatowánens né rohienáhon né tsi ionhnonhtarónhnions kanakerahseráhien ne Edom. Kwáh ó꞉ni sahakwahtakwahniónko ne ietsienharáhkwahs ne Roiá꞉ner rahowenhsónhas né thóh kaiénthakwe Nononsatokentiʼkówaʼne athenhénrahkon.

Isaiah 28:7

Né ronón꞉ha ó꞉ni ne rotiréh꞉serons notsítsa tánon né tehotiʼiatakentón꞉kwah ne ionekaníron; ne ratitsihénstatsis tánon ne rotiʼtókenhse ne rotiréhserons ne ionekaníron, né teiakohnithonʼniaténhnis notsítsa, ne tehiakohiathentón꞉kwas ne ionekaníron; iah tsateshatiʼkaraién꞉tas, ne tehothiniotákwas tsi thontkáwas ne karihwenhtátshera.

Isaiah 5:11

Entsiʼsewathateriwásten, í꞉se nʼoronhkéhtstsi sewatʼkétskwahs néh iaʼtesewahrátats naisewanekíra ne ionekaníron, né kwáh tsenhsewakárawe tánon ne ahisewanonwahráhtonte notsítsa,

Isaiah 65:4

ronónha thóh iehatítskoʼte nosonhwáhkons, tánon thóh ronhshontíʼiaks tsi nonwéhsons né ioterihwaséhtons í꞉ken; ronónha rónhneks né kwés-kwés owá꞉ron, ó꞉ni nowaráhkeri né kwáh í꞉ken iáh teiotkwé꞉niens í꞉kare ne raoʼtiké꞉ratʼke;

Jeremiah 16:11

Ethóhʼne káti iettsiró꞉ri nètho Roiá꞉ner ráhwen, ‘Iettsisotʼthonkonhkénʼen hionkatkarahthénion tánon wakonhwathisénnaien ó꞉ni wakonhwathihiótenseh ne thikontíthe niʼiohokónhas. Wahonkatewénhthete tánon iáh tehonahtewenhnaʼráhkwenh naʼkerihonniennítsheras.

Jeremiah 16:18

Kwáh enkhehiónnien tewahtsásehre tsi enshatikárhiaʼke ne rahotiriwahneraháktshera ó꞉ni tsi nihatiweiennáksens, tioríhwah tsi natehothitiónston nakonhóntsa ne ne kahiatónni wahkarihónni thóh nióre tsi iáh thènen tewahthonnhetsherástha tsi ní꞉ioht ne iawenhéion awenheióntha, tánon né rotinahnónkton ne kahiatonnisónhas.”

Ezekiel 44:6

“Sehró꞉ri thí꞉ken iáh tehontewenhnarákwa ne Israerʼró꞉nonhke tsi Í꞉i, ne Wakenonhtí꞉io Watiá꞉ner, kwáh iáh tahonshakathakátsthaʼte tsi nihioteriwahtehashón꞉ʼas tsi nihonahtseráhnion.

Ezekiel 45:9

Ne Ronnonhtí꞉io Roiá꞉ner wahénron, “Sóhtsi karíwes ónenh shiʼshariwanerenháties, í꞉se ne sewaró꞉ras ne Israerró꞉nonhke! Sehwátkaf tsi nisewateriʼioseranónhwe ó꞉ni tsi niʼietsironhiakéntha. Né sewahióten ne ioiánere ó꞉ni tkariwaiéri. Tó꞉sa shé꞉kon nonwénton saietʼtsihianakeráhkwat nakonkwetashón꞉ʼa ne rahononhontsáke. Í꞉i, ne Wakenontí꞉io Watiá꞉ner, konhró꞉ris kí꞉ken.

St. Mark 7:22

Kanenskȣen, aiontatkaronni nonkȣe kaserohensera, kanikonrhaton, askennhatsera, atatkenronniatsera, kanaiesera.

Acts 17:30

Ne Rawenni꞉io thatesakokánerakwe tsi náhe ne ónkwe iáh tehonwaienterí꞉ne, nók kíʼ nónwa ónen roriwíson kwáh ratikwékon tsik ʼnonwésons ne tahonsahontʼkaraténi tsi nihatiweienʼnák꞉sens.

Romans 13:13

Ánion tkariwaiérik tsi tiónʼnhek, tsi teioswátʼthe nonnitionʼnhétie iáh neh tsi tetiókaras: iáh ó꞉ni neh thiʼiohriwatesónha tsiʼni ienekirátha, iáh neh kanhakwaiesátsera tòhka ó꞉ni ne iáh tehioteriwatʼtkwéniens, kaserohénsera, kanaiésera.

1 Corinthians 12:2

Sehwahteriéntare tsi náhe iáh tethisehwetákwenne, iehtsihiatʼtaharahkwáhtakwe wéso nóiah niʼiotónne ne tsi konwahtisénnaienskwe ne iáh tehkónonne kahiatónnis.

1 Corinthians 6:11

Shewáhtiakes tohnisewahweiennótenʼne. Nók kíʼ tsi sehwatonnakanonníʼon tsi nòkwa ne kariwahnerenhatsherákon; tsi sewahriwatokentíston tsi nòkwa ne Rawenni꞉io; tsi shewahteriwaseronniénni raohénton ne Rawenni꞉io né꞉ne Roiá꞉ner Ié꞉sos Kerístos thóh nihóshon tánon ne Raonikónra Nonkwaʼní꞉io. Ne rónkwe roianerasténhni ne iáh thaoniake kehs ensíron nètho rónkwe roianerasténhni ne iáh thaoniake.

2 Corinthians 12:21

Wákterons ne Rawenni꞉io enhakwatehén꞉seron nó꞉nen shé꞉kon ienskwanatahré꞉nahse. Tentewakkahserá꞉rake ne tsi sewatiohkowá꞉nen shé꞉kon iáh tesewahtsakwaríhsions ne sewarihwaneraʼáktshera. Shé꞉kon né꞉ʼe sewaterihwahtentiatonháties tsi nahoʼténhshon ne kentéhsera, iáh teiotkwénies, atehénhsera.

Galatians 5:19

Kwáh íken tsi wéhne tsi nihiakonʼnóten nónkwe. Iontathénestha tsi nihiakotehénsera, tehiakoiatátion, iáh tehiakotʼkwéniens tsi niʼieweiennótens;

Galatians 5:21

ronatekéfʼfen, rotinonwarátons, tehontatenakwakwénnis, ó꞉ni séhkon óia nihiorihótens tsi nihatiʼieránions. Ónen kíʼ wakwaronkáten tsi niwatiéren ne tiotserénton: ónhka kí꞉ken ne thóh niʼieweiennóten kwáh iáh taiehientéraʼne ne Rawenni꞉io Rahonakerásera.

Ephesians 5:18

Tóhsa sanonwaráthont tsi nasnekíra notsítsia, kwáh nènʼne nek khók nensakarón꞉ni; khék, neh tiatanahnónhak ne kanikonrí꞉io.

1 Thessalonians 4:5

iáh né꞉ne tahontakaráh꞉ke kentétshera nahiontataskáneke, tsi ní꞉ioht ne iáh tethonetákwen iáh tehonwahientéri ne Rawenni꞉io.

Titus 3:3

Asèhken ontionhá꞉a ó꞉ni iehiotherátsʼton tionkwatonʼnótʼthakwe, iáh theʼtewahtewennaráhkwaʼkwe, tánon thehionkwaterientawénrie. Tewahnáskwa kèn꞉ne tsi nòkwa ne onkwaskanektsheraʼókon ó꞉ni ne niatékon ahtenikonrohriátsheras ne kwáh tsík nahiotónhake. Kanhakwatserákon nón niʼionkwatiesatonhátieskwe tánon ne kahnoshátshera; ne rohnatsiakhésons ionkhísons tánon ní꞉i ietʼthísons.

1 Tiér 1:14

Tsi sewawennarákwak ne Rawenni꞉io, tánon tóhsa sewatʼthóntat ne tsi tiónnhe ne aióhawe tsi nahoténsons sewaskánekskwe ne sékon iáh sisewateriéntarakwe.

Jude 1:4

Otsià꞉ke nonkweshónha ne iáh tehotiniioserá꞉ien tok thón tahón꞉ne nonkwanenrákon, tsi nihá꞉ti ne ronhnowénhtha nateriwanothátsera tsi nokwáh ne Rawenni꞉io rahoténrat ehnaʼontawe nahonthatiathotároh tsi nihathiweienʼnáksens, tánon ronwakenrón꞉ni ne Ié꞉sos Kerístos, kwáh raónha khók nónkwawenk Rahiatakweniio ó꞉ni Sonkwaiá꞉nere. Wahón꞉nise tsináhe tiotʼró꞉ri nohiathonseratokénti tsi nihothiienà꞉on ne karewathátsera.