1 Tiér 4:2 - Ohiatonhseratokénti

² Kwáh kén꞉en ienwatásawen, ne káti, kwáh tehiotonwentióʼon tsi nikaríwes sékon ne kén꞉en ohontsiáke ensónnheke nehne Rawenni꞉io rahonikónra ahontesaniarhótarohke tánon iáh neh tsi nahoténsons nonkwesónhas tehiakotonwentiónni.

1 Tiér 4:2 ပူးပေါင်းရင်းမြစ်များ

Psalms 143:10

Takerihónhnien nahontakonhnikonhraiérihte, asèken í꞉se nakení꞉io í꞉ken. Takeríhon ne sashaststénhsera ahonkasárine tsi nón꞉we nihiothahakwahríshion.

Hosea 6:7

Ók Á꞉tonion꞉ke nón꞉we nathatí꞉iake naterihwaseronhniá꞉tshera; thóh nón꞉we nahonterihwathéntiate nahionkeʼnikonhráthen.

Matthew 12:50

Aseken onkakiok enthonȣanikonraierite ne Rakeniha ne Karonhiake thenteron, neh tohiken onkiatatekenha, oni onkia tennosenha, oni akenistenha.

Matthew 20:4

Ȣasakaȣenhase: ȣaseȣe seȣaiotensera oni nise tsi teȣakatenenharhare, nok enkȣakariakse tsi satekena.

Matthew 21:31

Kah nikaien ne teniiase tahonikonraierite ne Ronȣaniha? tahonniron nehne thotierenton, Tontahenron; Oriȣiio tsi kȣarori: neh ne ratikarotasions oni ne tsionatakȣakareni ohenton ȣahetsiiatoheststakȣen tsi nonkȣati ne Karonhiake.

Matthew 7:21

Tsiniiakon ne ionkennis: Seȣenniio! Seȣenniio! iah tehontaȣeiatane ne Karonhiake; neok tanon ne ronikonraieriton ne kakeniha karonhiakon thenteron.

St. Mark 3:35

Aseken onka kiok enhonȣanikonraierite ne Niio, neh onkiatatekenha oni akenistenha enȣaton.

St. Mark 7:21

Aseken ne ieiatakon ok ne ens naȣeriane, tkontiiakens ȣanontonniontseraksens, kentesera, onkȣe aiontateriio.

John 1:13

Nehne iah Onekȣensake tetiakoientakon, iah oni onkȣe tehotennikonra; akȣa tanon Niione tiakoientakon.

John 7:17

Toka onka kiok enhonikonraierite, enhaienterhane ne kariȣatatsera; Katehsiken, niiohne kenh nitiaȣenon, toka ken ok ii tiȣakatennikonra tsi ȣaktare.

Romans 12:2

Tóhsa senakéren tsi nihiotirenʼnáhons ne tsi ionwentisáte, nók tsi sewaríhon ne Rawenni꞉io tahonshatsiseweriasaténi ne kwáh iahiotkontákwen tahonshatsisewanikonraténi. Ehʼthóhʼne ensewakwéni nahisewanikonraiéntaʼne tsi nihoskanektseróten ne Rawenni꞉io—nehʼne nahiaiéron, nètho kénthons nahontahonwanikonraiériʼte tánon kwáh tsi naiothónhon.

Romans 14:7

Tsi tsiónʼnhe iáh ontionhákok tehionkwariwáke, tánon tóhkaʼha óntak tsi nítion ahitewéheie, iáh kik tiaʼteaiáti tsi thaʼrénheie;

Romans 6:11

Kwáh éhʼthoh ní꞉ioht tsi aihsewatatenonthónʼnionse tsi síken ní꞉ioht naihsewenhéion, tsi nhióre ne kariwáneren ahwérheke, nók tionʼnhétiek ó꞉ni sewakwekónhak ne Rawenni꞉io rahonháke ne Kerístos Ié꞉sos.

Romans 6:2

Oriwihioʼónwe iáh! Ionkwenhéion tsi nióre ne kariwaneraháktsera ahioriwaiéntake, onʼní꞉ioht tsi ahónton ne iaihtewatasónteren ne kariwáneren non naihtsionʼnhétie.

Romans 7:4

Ne aoríwa thonónnise ní꞉ioht ne tionhakéson, tewatatékens. Tsi shíken ní꞉ioht naihsewenhéion, tsi nióre iekéntons ne kaianerénsera, ne tsi éhʼtho sewahiatanentánon ne raiatátake ne Kerístos; ónen káti rahónha rahonkwéta sewatónʼon tsi nikáien ne sonwákheskwe ne kenheiátne ehnahontáwe khnahótenk aihtewarihontáko natsitewahiótense ne Rawenni꞉io.

2 Corinthians 5:15

Kwáh kiʼ kanenhrakwé꞉kon tsi shonkwenheiá꞉se ne Kerístos. Ne iorihón꞉ni rawenhé꞉ion neh ne tóhsa iaʼtaonsaionkwaiaʼtíston tsi aonsetiónhnheke, tóhsa í꞉ʼi khók aitewatatehiá꞉rake, nok aitewaskéhnha ne raónha aontahtshitewaʼnikonhraié꞉rite. Nok tsi niká꞉ien ne rawenhé꞉ion káti shotonhnhé꞉ton ní꞉ʼi onkwarihwà꞉ke.

Ephesians 2:3

Ne kwáh oriwihioʼónwe tewakwékon thóh nihiotón꞉ne ó꞉ni thóh tiónʼnhekwe kwáh tsi nihiorenʼnáhonne ne thènen ahitewaskáneke, kwáh tsi nentsioʼiánerase nonkwaierónta ó꞉ni nonkwanikónras. Tsi ónkweʼíken ó꞉ni tsi nitewaweienʼnhótens tsi ní꞉ioht nakorénson, nók ionkwarárek nahionkwaronhiákente ne Rawení꞉io rahonakwátsera.

Ephesians 4:17

Rahosénʼnakon ne Roiá꞉ner, nekáti wahkwaretiáron; tóhsa iasewathasónteren ne thoʼní꞉ioht tsi atsionnheke tsi ní꞉ioht ne iáh tethonethákwen, ne rahonahnionthonnióntsera iáh thènen tesástha.

Ephesians 5:17

Tóhsa tasewathonʼnókʼtat, nók satheniénten naseriwatʼtsénri nahóten tehonthohontió꞉ni ne Roiá꞉ner ahisahióten.

Ephesians 6:6

Kén kíʼ nasewáier ne tóhsa thokàken tsík ahietʼtsiʼiateróron, nók ne kíʼ tsi ísere ahonthasenikonraiérithe; nók kwáh kíʼ seriahsakwékon thóh nátsiere ne tsi natehothonwentió꞉ni ne Rawenni꞉io, tsi kwáh senáskwa rahonháke ne Kerístos.

Colossians 1:9

Asè꞉ken kwak sakwasennáronke neh iorihonní꞉hon tsi kwáh tió꞉konthe kwaterennaién꞉ni. Wahsakwariwahnóntonse ne Rawenni꞉io neh ahtsisewahiatanáh꞉ne atthokhátshera tsi nih thóh nikonrihió꞉on, kwáh akwé꞉kon natenikonrowanhatsera ó꞉ni ne kanikonraientátsera tsi nitewetha ne rahosasténsera.

Colossians 3:3

Asè꞉ken senhé꞉ion, tánon ne satónhnhets wahshéton rahonháke ne Kerístos ne rahohén꞉ton ne Ní꞉io.

Colossians 4:12

Epaphras iatetsisewanonwerá꞉tons, ne nónhne ne sewentióhkwakon nón꞉we nihaiá꞉tare ó꞉ni rohiò꞉tense ne Kerístos Ié꞉sos. Tiotkonhón꞉we rokwísron tsi sewaterennaién꞉nis, rorihwanontón꞉nis ne Rawenni꞉io naisewarihwatokénhake, tsi kwáh tokén꞉en sewariwahienté꞉ri ó꞉ni kwáh iesewahkontákwen sewahriwiióston, kwáh iehiokontákwen tsi sewahwennaráh꞉kwa ne Rawenni꞉io.

1 Thessalonians 5:18

tesewahtenonweratónsek kwáhk tsík nahiorihoténhake. Thóh kíʼ natehotonwentsió꞉ni thóh náshiere ne Rawenni꞉io tsi nishón꞉ne ne tsi tetiaterihwahshón꞉tere ne Kerístos Ié꞉sos.

Ne꞉ne Sák Rohiaton 1:18

Ne tsi kwáh raónha ehnihonikonrhótenʼne thóʼnon nashontiónnhete noriwihioʼónwe nowénna, né꞉ne hiathetewahiáti ohénton ahkénhake tsi niatheʼháti ne sakohiathísons.

1 Tiér 1:14

Tsi sewawennarákwak ne Rawenni꞉io, tánon tóhsa sewatʼthóntat ne tsi tiónnhe ne aióhawe tsi nahoténsons sewaskánekskwe ne sékon iáh sisewateriéntarakwe.

1 Tiér 2:1

Sewatiakwarísi, káti, akwékon ne kariwákʼsen; tóhsa ónen sasewanowénhtak tóhsa ó꞉ni thaseiéron tóhsa ó꞉ni naisatekéfʼfen tóhsa ó꞉ni naisatewennátkonhake.

1 Sawátis 2:17

Tsi nahoténsons ne ónkwe hionskanékta tsi nihioteriwatiéren tsi ionwentsiáte kwá neh wathohestákwa; nók tsi niʼiákon nen thonwanikonraiérite ne Rawenni꞉io tsi neh nénwe eniakónnheke.