1 Tiér 3:3 - Ohiatonhseratokénti

³ Iáh tesateriwaiénni ne niatekonsónhas ásaste nasatonkweʼtíʼioste, neh tsi ní꞉ioht tsi askwatáko ne sanónkwis, tóhkaʼ ó꞉ni tsi nisásta nowistanórons, tóhkaʼ ó꞉ni tsi ní꞉ioht tsi sastserónnis.

1 Tiér 3:3 ပူးပေါင်းရင်းမြစ်များ

Genesis 24:22

Nó꞉nen ne iotiniaʼkwáhere wakontihnekakhwèn꞉tane, né rón꞉kwe wahatáko kaiá꞉rakon ne kwáh tkanó꞉ron ohwistanó꞉ron ne ieʼnionhsà꞉ke teionteʼwahsharáhkwa ahsén꞉non ne skaiènhta niiókste ó꞉ni tékeni né kwáh kowá꞉nens ohwistanó꞉rons atenentsháhnhaʼs oié꞉riʼ ne nikaiènhtake niiókststeʼs,

Genesis 24:47

Eʼthó꞉ne waʼkheriʼwanón꞉tonhse, ‘Ónhka ní꞉se iesaièn꞉ʼa?’ Tánon waʼtierihwaʼserá꞉ko, ‘Ne rakeʼníha ne ne Bethuel ne ne Nahor roièn꞉ʼa í꞉ken tánon ne ne Milcah rawennakerátston.’ Eʼthó꞉ne ó꞉nen waʼtekheʼwahshá꞉ren ne ieʼnionhsà꞉ke tánon waʼtekhenentsháhnhake natenentsháhnha.

Genesis 24:53

Tánon ne rahnhá꞉tshera wahrotahshión꞉ko nohwistanoronʼshón꞉a ne kawistarà꞉kens ó꞉ni nohwistanoronʼshón꞉ʼa, tánon natsheronniáhtsheraʼs, tánon Rebekah wahshaká꞉on. Tánon ó꞉ni kanorón꞉shonʼs wahshakowíʼhon ne ronwahtsí꞉ʼa tánon ne ontatenisténha.

2 Kings 9:30

Né Jehu Jezreel nón꞉we iaháraʼwe. Né Jezebel wakarihwáronhke tsi nahá꞉wenhne, watewatenawashóʼkaʼwe, sontʼkhotsaʼserónhni, tánon thóh nón꞉we natʼkátaʼne tsi iononsthonkwahkáronte ne kanontiʼiotserákon kanónskon.

Esther 5:1

Ahsénhaton shiwenhniserà꞉te tsi iakaontontiéhton Esther ne wá꞉ʼontste tsi niwahkwenió꞉ten ne iakonontiioʼnéha tánon eʼthó iaʼtié꞉taʼne raoteʼèn꞉rakon ohén꞉ton ne tsi ieiontaweiaʼtáhkhwa tsi nón꞉we naʼtehontatkénʼs nonkwehshón꞉ʼa ne ronontí꞉io. Ronontí꞉io thentskwáhere raonitskwahráhne ohén꞉ton tsi ieiontaweiaʼtáhkhwa.

Psalms 45:9

né ken nitsiotihiónsas ne rontinontí꞉ios sakotiʼiohokónhas né tesateténhronte né꞉ne kwáh sawistanoronsónhas tsi tesehkáneres; tánon ne sehseweientethákwen nonhnitskwaratseráte thóh í꞉kate ne ionontí꞉io né꞉ne kwáh tkawistanorontserí꞉ios iosthánion.

Exodus 3:22

Kwáh káti tsi niatekónhti ne lsraeró꞉nons tsi tekonhnonsanéken ne Egyptró꞉nons nienkónhne tánon nonhka ne Egyptró꞉non iónhkwe enkenterónhtake nahonónskon tánon nenkonhwatiʼriwahnónhtonʼse aktserónhniat tánon nowistanó꞉rons ó꞉ni ne kawistaráhkens owistanoronhsónhas. Ne lsraeró꞉nons enthonwénhnon kí꞉ken nahorihoténsons ne sakotihiohokónhas tánon iehatíhawe ne Egyptró꞉nons raonatʼtsokowáhtsheras.”

Exodus 32:2

Aaron wasakawénhase, “Sewaríhsi nowistanó꞉rons ne watstánions atewáshares ne kontihontaʼkéhsons tsi nikáien ne sewaniákʼkonhs, ietʼtshiienhokónhas ionasthánions, tánon Í꞉i tástsion.”

Exodus 33:4

Nónen nonhkweshón꞉ʼa sahakokʼthóntene kí꞉ken, tahonthásawen wathonséntho tánon iáh shé꞉kon teshonátston nowistanoronsónha.

Exodus 35:22

Ratikwékon né ronhskánekʼskwe, né꞉ne ronhnónhkwe ó꞉ni ne konhnónhkwe, tahatiháseron ne tekaieronhnionháton tewathotároks, ateʼwáhshares, anihsnónhsawis, ionhnitsiákstha, tánon niatekónhson ne owistanoronhsónhas tánon Roiá꞉ner wahonwahiathaʼkweníiosthe.

Exodus 38:8

Tehiotwístaron notsínekwar karísthatsi wahakʼshónniate ne ionhtsoharetákwa ó꞉ni tsi tkárathe né꞉ne atátken kènhne né꞉ne tsonatʼthonwísenh ahonawenhkénʼen né iothihiótenskwe ne tsi iehiontawehiatákwa natóhsehra né꞉ne tsi nónhwe nihénteron ne Roiá꞉ner.

Isaiah 52:1

Í꞉i tie, I꞉i tie, né í꞉sast ne shashatsʼténsera, Ó Zion! Né saʼtserónhniat ne kwáh sakweʼní꞉ios, Ó Jerusalem, ne ionatatokénti í꞉ken; né iáh tehonwatiwarakwétaron tánon ne iáh teonatʼkwéniens iáh shé꞉kon tahonsaʼiesataweiáten.

Isaiah 61:10

Kwáh í꞉ken tsi kowá꞉nen enkatonnháren rahonháke ne Roiá꞉ner, kwáh akatonnhetsherakwékon iaʼtetsokétoʼte tsi enwatonnháren rahonháke nakeʼNí꞉io; asèken né ratseronhniáton naoʼtsherónh꞉niat ne kaienawaséhtshera, né rakerorókston né wakóses atiátawi ne aterihwakwahrihshón꞉tsheras í꞉ken, tsi ní꞉ioht né roniák꞉khe waharáseste wahatʼtatsitsaráh꞉raʼke, tánon tsi ní꞉ioht ne ioniát꞉khe wakará꞉seste né ionsthá꞉nion naowistanoroshónhas.

Jeremiah 2:32

Ne iónkwe kén nitiohiónha ionikónhres kén ne ahowistahnorohsónhas, khés ne ioniáhkhe nahotierónniat ne enhióniaskte ne iakoniasta natseronniat? Ók nahiothónʼon nahonsehtonke nakonhkwetahshón꞉ʼa sénha wéso wenhnisehráhke ionkenikonhrénʼen.

Jeremiah 4:30

Jerusalem, iesharehwáhthon! Nonhtiéren tsi onekwéntahra satʼtieronniáthon? Onhʼniʼiohtiʼeren tsi owisthanoronsónhas sátʼthons tánon teshatenahwahsóhken? Séh wahtierenkówah tsi shaʼthathonkweʼtiʼióston! Ne saskarehókons waheshakénron ó꞉ni rónnereh ahieshanonhwarhiákhon.

Ezekiel 23:40

“Shé꞉kon éhtho nonhsakeníhiere iahakonahténienthe ratirihwakarénies nahsakotihónkaron ne ronhnónhkwe ne ahinónhson nióre nahontahónʼne, tánon ne ronhnónhkwe tahónhne. Ne tekenihtsáron tiathatekenhénha entiatáwenh tánon tentiatenahwahsóhkafʼwe tánon owistanoronhsónhas éntiasthe.

Romans 12:2

Tóhsa senakéren tsi nihiotirenʼnáhons ne tsi ionwentisáte, nók tsi sewaríhon ne Rawenni꞉io tahonshatsiseweriasaténi ne kwáh iahiotkontákwen tahonshatsisewanikonraténi. Ehʼthóhʼne ensewakwéni nahisewanikonraiéntaʼne tsi nihoskanektseróten ne Rawenni꞉io—nehʼne nahiaiéron, nètho kénthons nahontahonwanikonraiériʼte tánon kwáh tsi naiothónhon.

1 Tiér 3:2

tsioríhwa tsi enhontkáto tsi kwáh oriwí꞉io íken ne saweiénna.