1 Tiér 1:3 - Ohiatonhseratokénti

³ Ánion tetsitewanonweráton ne Rawenni꞉io ó꞉ni rahónha Roiénha ne Sonkwaiáner Ié꞉sos Kerístos! Tsioríhwa tsi nikowánen ne rahoténrat thesonkwáwi náse atón꞉nhets neh tsi shokʼhétskwen ne Ié꞉sos Kerístos ne kenheiátne. Neh kí꞉ken kananónk꞉tha ne tewaiéronke ne ionnheʼónwe ahraráhtsera,

1 Tiér 1:3 ပူးပေါင်းရင်းမြစ်များ

1 Kings 8:15

Wahénron, “Tehonwanonhweráton ne Roiá꞉ner Sakoní꞉io Nisraerʼró꞉nonhke! Rotienawáston tsi nihorahratsʼténhni ne rakenikénhen Táwit, nó꞉nen sahoróri,

1 Chronicles 29:20

Ethó꞉ne ne Táwit washakothárahse nonkweʼshón꞉as, “Tetsisewanonweráton ne Roiá꞉ner Sewaní꞉io í꞉ken!” Tánon kíʼ kwáh kanenhrahkwé꞉kon ne iakotsataró꞉ron watonhwanonweráhton ne Roiá꞉ner, né Sakoní꞉ioʼkwe ne sakotisotʼtonhkonhkénʼen, tánon kwáh ehtáke tsi wathontʼtsákete tánon tahónhion ne kakwenienstátshera ne Roiá꞉ner ó꞉ni ne ronnontí꞉io.

2 Chronicles 31:8

Nó꞉nenh ne Ronnontí꞉io Hezekiah tánon ne rahonkwetashón꞉as wahontkátho tsi niʼwé꞉so tahonwénhnon, waʼthonwanonhweráton ne Roiá꞉ner tánon waʼthonwatinonhweráton né rahonkweʼtaʼshón꞉as Nisraeʼró꞉nonke.

Psalms 41:13

Tehonwaʼnonweráton ne Roiá꞉ner, né꞉ne Raotiʼní꞉io í꞉ken NʼIsraerʼró꞉non, né꞉ne tsi nénhwe enkénhake. Éhʼtho Naʼiáwenhne.

Psalms 86:15

Ók í꞉se, Ó Sewenní꞉io, né꞉ne sanithenráts꞉kon tánon thiʼsarihwaiéri, iáh tesenakwastó꞉re tánon titkahé꞉re ne iorihwaʼtó꞉ken kanoronkwáhtshera tánon karihwaʼtokentítshera.

Psalms 86:5

Asèken ní꞉se, O Saiá꞉ner, thiʼsarihwaʼiéri tánon sehseténhras, kwáh enhiakoiénhtaʼne ne kanáh꞉non iorihwaʼtó꞉ken kanoronkwáhtsera tsi niʼiákon ní꞉seke iehionterénhnaien.

Exodus 34:6

Ethóne ne Roiá꞉ner rahohénton wahatohétsthe tánon iahanáton, “Í꞉i, ne Watiá꞉ner, kení꞉io titkáhere wá꞉tien ne kenténrat ó꞉ni nathaniténron, iáh tewatiésen nahonkenákwen tánon kenéstha ne kanoronkwáhtsera ó꞉ni kariwatokéntshera.

Isaiah 26:19

Ne iesenhé꞉iaseh kwáh kíʼ entionhthonʼnhete, ne raoʼnonheióntas kwáh kíʼ tentewatʼkétsko. Ó nokenhràke sewaná꞉kere, sewá꞉ie tánon tesewarí꞉wak natsenhnonhniátshera! Asèken ne sahaweiásera kwáh teiostarát꞉te tsi iohá꞉weien, tánon ne tsi ionwenhtsá꞉te kwáh entsaʼkahónnhete ne wahónhnise tsi ná꞉he thonenʼhéion.

Jonah 4:2

Sók ki Roiá꞉ner iahorihwakà꞉tatshe, “Iáh ken tewá꞉ken ne ohén꞉ton shontakahtén꞉ti tsi kwáh kiʼ eʼtho nénhshiere, Saiá꞉ner, ne waʼkarihón꞉ni Spain nón꞉we iaʼkateʼkwáshen! Wakaterién꞉tarahkwe tsi sá꞉ien ne kanoronhkhwáhtshera ó꞉ni satanitén꞉ron Sewenní꞉io, saiaʼtakenhé꞉ion ne aesanà꞉khwen ó꞉ni kanáhnon ne iáh teiorihwanó꞉ronʼs kanoronhkhwáhtshera. Wakaterién꞉tarahkwe tsi niwatié꞉sen ne taonsahstá꞉ton ne sarihwaʼshón꞉ʼa ne tóhsa ahsheiá꞉tonʼte kí꞉ken onkweʼshón꞉ʼa.

John 1:13

Nehne iah Onekȣensake tetiakoientakon, iah oni onkȣe tehotennikonra; akȣa tanon Niione tiakoientakon.

Romans 12:12

Sewaskanektserákon non nahisewathonnárake, sewanikonkástek tsi tesewanikónrahre, tánon tiókonte tsi sewaterenʼnaiéntat.

Romans 15:13

Rinekénnis ne Rawenni꞉io, tsi nikáien tesonkwáwis naskanéktseras, ahiaiatánaʼne natʼtsennonniátseras tánon ne skénnen neh tsi nitseniahésen, neh káti ne iakakontákwen nahontehiáron ne saskanéktsera neh akenikwékon ne rahosatsʼténsera ne Ronikonriʼióston.

Romans 4:25

Ónhkwa riwaneraháktsera iorihonʼni꞉on iehonwatiakwarísion nahrénheie, tánon ó꞉ni shonʼionnhéton ne thoʼnahontáwe aonsaionkwaianeráke rahohénton ne Rawenni꞉io.

Romans 5:10

Tsi tewásonskwe ne Rawenni꞉io, nók washontiónʼnien ne raónha nonkwatéro ahitewáton thoʼnahontáwe ne tsi raweheión꞉ne ne Roiénha. Nónwa neh tsi ónen Rawenni꞉io onkwaténro ionkwatónʼon, tohsékon níkon entionkinónstate ne Kerístos rahothónʼnhets akarihón꞉ni!

Romans 8:11

Tóhka ne Rahonikónra ne Rawenni꞉io, tsi raónha shokhétskwen ne Ié꞉sos ne kenheiátʼne, seh nikwékon, éhʼtho káti tsi nikáien shokhétskwen ne Kerístos ne kenheiátʼne, neh káti ó꞉ni enrónʼnhete tsi nihiotsihióha sewaieróntas ne tsi niwéhne tsi sehwakwékon ne rahonikónra.

Romans 8:24

Asèken askanektserákon non nitsiawénon tsi tionkwaniakénʼen; nók tòhka aitewatkátho tsi nahóten tewaskáneks, kwáh káti iáh thènen askanéktsera tahonsakénhake, Asèken ónhka tsi nítsion tsi tewasʼkáneks nónen thènen iokwatʼkáton?

1 Corinthians 13:13

Ók kí꞉ken ásen nihioriwáke né kwáh konʼthiriwakwení꞉ios né꞉ne: Tewetákwen, Askenéktshera, tanon Kanoronkwátshera; nók ki né kwák tioʼrihowánen né꞉ne Kanronkwátshera.

1 Corinthians 15:20

Ónk ne kwáh oriwiʼiohónwe né꞉ne tsi shonwahkétskwen ne Kerístos ne kenheiátne, né kahriwahnírats tsi nihiákon ne iakótas ne kenheiátne tsi entiontʼkétsko.

2 Corinthians 1:3

Ahonwahsén꞉naien Rawenni꞉io, ne roién꞉ʼa ne Shonkwaiá꞉ner Ié꞉sos Kerístos! Ne Kaʼníhsera kwáh se rotennitenrátskon ne Rawenni꞉io, tsi niká꞉ien tió꞉konte tehshonkwá꞉wis ne kaʼnikonhraʼniráhthsera.

Galatians 6:16

Nók tsi niháti ne neh rathíʼsere kí꞉ken nakaianerenseróten ne tsi ronónnhe, aiáwens ne skénnen ó꞉ni nataniténron ahathikwekónhake—skátʼke rathikwekónhak ne Rawenni꞉io rahonkwetaʼsónha!

Ephesians 1:17

ó꞉ni rihriwanonthónnis ne Rahoní꞉io ne Sonkwaiáner Ié꞉sos Kerístos, ne rohiathanerákwat Kaníhsera, nahontatsítion ne kanikonraienthátsera, rahónha entsitsiónnien nahisewatʼthókʼkhake ó꞉ni natsisewarihotáshiase ne Rawenni꞉io rahoriwasónha, ehnahontáwe naʼtsisewaientérahne

Ephesians 1:3

Ánion thetsitewanonweráton ne Rawení꞉io ó꞉ni rahónha ne kanísera ne sonkwaiáner Ié꞉sos Kerístos! Ne tsi tehionkwateriwasóntere ne Kerístos sonkwahiatateríston neh tsi nitesonkwáʼwi noriwakwékon ne kariwiʼiostóntsera ahohiataterítsera ne karonhiáke tiohontsáte.

Ephesians 1:7

Neh꞉ne rahonekwénsa ne Kerístos tsi nihoronhiakénton tsi rahwenhéion ne Kerístos tionkwatatewenʼnihióʼon, ne ken ton skanikonrénhen nonkwariwaneraháktsera. Tsi nikowánen ne Rawenni꞉io rahoténrat,

Ephesians 2:4

Nók kíʼ ne Rawenni꞉io rahoténrat tsi nikowánen, tánon tsi naʼtehiotenonhianíton sonkwanorónkwa,

Ephesians 3:20

Rahonháke nónwe nitewètha ne kasatsʼténsera tsi hionkwakwenionhátie tsi niwéso hionkwahiotátie iáh sénha tahitewakwéni nísiʼnon nahitewariwanónton, tóhkaʼ ó꞉ni sénha wéso ahitewanonthónnionwe.

Colossians 1:23

Ní꞉se ó꞉nenk, tsi kwáh, iensatashonthéren thóh non naisariwahtokénhake tsi nónh꞉ne ioriwahní꞉ron ó꞉ni orihwí꞉io tsi tekensténrote, tánon tóhsa saʼthóntat ne taisanikonratokén꞉ne tsi nokwáh narahratʼtsera satiestén꞉ni nó꞉nen sesatʼthón꞉tene ne oriwahtokénti. Ne sekí꞉ken oriwahtokénti ne I꞉i, Kór, wahkatenatserónni—kí꞉ken oriwahtokénti tsi nihonwahnateriwanotáni nohontsakwé꞉kon.

Colossians 1:27

Tsi nihotenikonrónni ne Rawenni꞉io né꞉ne asakoronkáten ne rahonkweʼtashónha tsi nihoriwahshéton, kí꞉ken kakwákston ó꞉ni ioriwahnerákwak kariwahshéton neh nonkweʼtakwé꞉kon akoriwáke. Tánon ne kariwahshéton né꞉tho Kerístos tsi senikwé꞉kon, ne kéntons tsi ensatiatáren thóh rahohiatanerakwatserá꞉kon ne Ní꞉io.

1 Thessalonians 1:3

Asèken rahohénton ne Sonkwaní꞉io ó꞉ni ne Kanisera tsi iakwehiare tsi nisewahioténston tsi nitisewetákwen, tsi nitsionniénni ne sewanoronkwátsera iahisewátrehke tsi wesewahióten, tánon ó꞉ni ne sewaskanéktsera tsi nihioriwahníron thóh rahonháke ne Sonkwaiáner Ié꞉sos Kerístos.

1 Thessalonians 4:13

Tewatenroʼshón꞉a, tehionkwahtonhontió꞉ni naisewahteriéntarahne norihwiʼioʼónwe tsi niháti ne rohnenhéion, nekáti ne tóhsa aisewahnikonrákʼsen, tsi nihotihiátawens ne iáh thènen tehotirahratsheráien.

2 Thessalonians 2:16

Aiáwens ne Sonkwahiáner Ié꞉sos Kerístos ó꞉ni ne Ní꞉io Sonkwahníha, tsi nikaíren ne sonkwahnorónkwahon tánon ó꞉ni ne raotenretserákon teshonkwáwi ne iáh tehionéronse kanikonrahnirátʼtshera tánon ne ioriwahníron arahrátʼtshera,

1 Timothy 1:14

Tánon ne Sonkwaiáner iawehtatʼtsáni tahákon ne kenténrat ó꞉ni tahákon ne tewehtákwen ó꞉ni neh kanoronkwátsera tsi í꞉i onhkwáwenk ne tsi tehionkwateriwahsóntere ne Kerístos Ié꞉sos.

Titus 2:13

tsi nihionkwárahre nètho iawenniserahnerákwak ionkwarahratsʼténni, nónen ne rahohiatanerahkwátshera ne rosastenserowáhnen Ní꞉io ó꞉ni ne Sonkwaiatákwen Ié꞉sos Kerístos entathathénesthe.

Hebrews 3:6

Nók ne Kerístos rorihwahtóken tsi nòkwah ne roʼníha tsi rohteriwahtentiáton ne Rawenni꞉io rahonón꞉sha. Í꞉i ne rahonónsha íken tóka ientewahtashónteren nonkwáh nikonranirátʼtshera ó꞉ni tsi tionkwetákwen nahóten tewaskáneks.

Ne꞉ne Sák Rohiaton 1:18

Ne tsi kwáh raónha ehnihonikonrhótenʼne thóʼnon nashontiónnhete noriwihioʼónwe nowénna, né꞉ne hiathetewahiáti ohénton ahkénhake tsi niatheʼháti ne sakohiathísons.

1 Tiér 1:13

Kwáh káti, ioianeréhak tsi sewanontonniónko tsi nensewátiere. Sewatateweiennentaónhak tánon ieiokontakwénhak thoʼnónwe nasewarárek neh kaiataterítsera tsi nentietsíʼion nónen ne Ié꞉sos Kerístos enʼonwéneste.

1 Tiér 1:21

Rahonháke nónwe nitiawénon tsi tatsisewétakwe ne Rawenni꞉io, tsi nikáien shokétskwen ne kenheiát꞉ne tánon taháwen ne kaiatanerakwátsera; tánon káti ne sewetakwéntsera ó꞉ni ne sewaskanéktsera thóʼnon nikahkwatákwen rahonháke ne Rawenni꞉io.

1 Tiér 1:23

Asèken kwáh áseh tsi satónʼon rahonhake ne Rawenni꞉io rahowénna, neh sonkwaienokónha ne ronnheʼónwe, iáh tarénheie. Tsi nénwe enkátake ne rahowénna ó꞉ni ionhnehónwe.

1 Tiér 2:2

Thóh nasewaiatoténhak tsi ní꞉ioht ne owiráha ónkwak khók iakawennakeráton, tiotkonʼónwe iakoniatátʼtens ne kwá aóskon ionnheʼónwe onónta, neh káti tsi ensnekírathe nahónton asateiáron ó꞉ni naseniákenne.

1 Tiér 3:15

Nók tsi sewasénnaien ne Kerístos ne seweriáne, tánon tsi sewakwéniens tsi Roiá꞉ner. Kwáh tiókonte tsi sewatateweiennentahónhak ne ónhka taientʼtsiriwaserákwaʼse tánon naietʼtsinikonraientáten tsi rahonháke nónwe nikáien ne sewarahrátʼtsera.

1 Tiér 3:21

Neh ioieronnítston iehiótsate naʼtenekwahestátsera, tsi neh ónen tsi sanónstats. Iáh nehne tsi ahonsashenóhare tsi taisahiatationtónhake, nók neh tsi ronwarahratsʼténni ne Rawenni꞉io tsi nihiakonikonrí꞉io. Tsi saniakéntha rahonháke ne Ié꞉sos Kerístos tsi shotonnhéton,

1 Tiér 3:5

Asèken ne iotiriwiʼióstonne konnónkwe ne tiothohétston nonónha Rawenniʼióke nónwe nikontiniahésenne iotirennáhonne nakontkatotserihióhake ne tsi ronwatiwennarákwakwe ne iotiniátʼkons.

1 Sawátis 2:29

Sateriéntare ne Kerístos tsi roiánere; ahówenk naihsateriéntarake, nekáti, tsi niʼiákon neh eniakohióten ne tkariwaiéri neh kíʼ tsi Rawenni꞉io rahoksátha íken.

1 Sawátis 3:3

Kwá tsi nihiákon neh thóh ní꞉ioht tsi ronwárahre ne Kerístos iontatenikónrare ne kwá aiehiatanánon, kwá kíʼ tsi ní꞉ioht ne Kerístos tsi rahiatanánon.

1 Sawátis 3:9

Tsi niʼiákon ne Rawenni꞉io sakohiohokónha iáh tiesontasóntera nahonsahatiriwánerake, ne Rawenni꞉io kwá sahoiérat tsi ratikwékon; tánon neh tsi Rawenni꞉io ronwaníha, iáh tahatikwéni niahontasónteren nahonsahatiriwánerake.

1 Sawátis 4:7

Tekanórons tewatenrosónhas, Ánion thetewathatenóronk, Asèken Ni꞉ióʼne nón nitewétha ne kanoronkwátsera. Ónka ne iakóien ne kanoronkwátsera Rawenni꞉io rahokʼsáta í꞉ken ó꞉ni ronwaientéri ne Rawenni꞉io.

1 Sawátis 5:1

Ónka nentiakétakwe ne Ié꞉sos rahónha ne Kerístos neh kíʼ tsi Rawenni꞉io sakoiénha; tánon ónka ronwanorónkwa ne kanísera iontatenorónkwa kíʼ nòn꞉ne ne sakoiénha.

1 Sawátis 5:18

Ionkwateriéntare iáh ónka ne Rawenni꞉io sakoienʼokónhas tsehontashóntera nahonsahatiriwánerake, Neh seh ne Rawenni꞉io Roiénha sakonónstats, tánon ne ranikonráksen iáh tahakwéni nasakokarónni.

1 Sawátis 5:4

Asèken kwá tsi niaʼtekaksátake ne Rawenni꞉io rowíraien rothikwénion nakonwasénni ne tsi ionwentsiáte. Tánon neh entewasénniete ne tsi ionwentsiáte nahosatsʼténsera tsi tionkwetákwen.