1 Sawátis 5:16 - Ohiatonhseratokénti

¹⁶ Tóhkaʼ entsisewáken ne tawetákwen nahariwánerake nók iáh tahóriote, sateriwaiénni nasaterénnaien rahonháke ne Rawenni꞉io, tsi rahónha entháwen nètho rónkwe natónnhets. Neh kíʼ kéntons tsi niʼiákon ne iáh taiakóriohte. Nók káien ne kariwáneren ne iakorióhtha, nók iáh neh tekíʼtons ne naihsewaterennaienthákwen rahonháke ne Ní꞉io nètho aorihónʼniat.

1 Sawátis 5:16 ပူးပေါင်းရင်းမြစ်များ

Genesis 20:17

Eʼthó꞉ne ne Abraham Rawenniió꞉ke iahaterén꞉naien; tánon ne Rawenni꞉io sahótsenʼte ne Abimelech, tánon ó꞉ni sahátsenʼte ne ró꞉ne tánon ne tsonathonwí꞉senʼs ne ráonha shakonahskón꞉niʼskwe né naón꞉ton naiotiwiraién꞉taʼne.

Genesis 20:7

Ó꞉nen ká꞉ti, ionsasató꞉ri né rón꞉kwe ró꞉ne; asèken rotokénhse nahaiaʼtó꞉ten, tánon ká꞉ti enhiaterennaién꞉hahse tánon kíʼ enhsónhnheke. Ók kíʼ tóka iáh tshiaonsahsató꞉ri, kwáh kíʼ saterién꞉tarak kwáh orihwiioʼón꞉we tsi enhsíheie, ní꞉se tánon kwáh swatsirakwé꞉kon tsi ensewénheie.”

Psalms 106:23

Né káti aoríhwa wahén꞉ron kwáh kíʼ ensakótonʼte— tó꞉ka iáh ne Mahís, ne roiatará꞉kwen, thaʼtahontahotáhon né tahotiʼtharáhon ne Rawenni꞉io tánon nahó꞉re, ne tahonsahakarahténi ne raonakwátshera ne tó꞉sa asakononwaʼrhiákon.

Exodus 34:9

Wahénron, “Saiá꞉ner, tó꞉ka kwáh tókenske serientí꞉ios nakonhàke, Konriwanonhtónhnis nahitewaʼteró꞉shen. Kíʼ onkweshón꞉a ne rotinonhtsistanírons, ók shaʼsanikónhren nonhkwariwahetkénsera tánon nonhkwahriwanerenháktshera, tánon takwahiéna tsi í꞉se shonkwéta akénhake.”

Jeremiah 11:14

Jeremiah, tó꞉sa saterénnaien nakonháke tó꞉ka ó꞉ni askaniténthaʼse ne ronónha rahotirihwáke. Ne nónen tehonanikónrhare tánon entionkenáton nakheiénahwaʼse, kwáh iáh tahkhehiatahónsahthaʼte.”

Jeremiah 14:11

Ne Roiá꞉ner wahakénhase, “Tó꞉sa tahkeriwahnónhtons natkhesniénonh kí꞉ken onhkweshón꞉a.

Jeremiah 7:16

Ne Roiá꞉ner wahénron, “Jeremiah, tó꞉sa sheʼhiaterennaiénhas kíʼ onhkweshón꞉a. Tó꞉sa teshaséntho ne ronónha rahothiríwahke, tó꞉sa tahkahnítenthe, asèken iáh tahkonhiathahónsahthaʼte.

Ezekiel 22:30

Wahihiatíshake nónhkak nahónton ahasonhtónhni, ónhka nahakwéni ne thóh nónhwe natahátahne tsi nónhwe nihioshontsenénhen tánon nahontahá꞉ne nonhwénhtsa nónenh nakenahkwáhtshera thóhwa ahkariwénhtho, ók iáh kíʼ ónhka tehihiatatʼtsénhrion.

Numbers 12:13

Sók kíʼ ne Mahís hiataʼséntʼtho rahonháke ne Roiá꞉ner, “O Sewenní꞉io, séhtsent!”

Numbers 15:30

Ók nónhka ne kwáh iakonikonhrónhni tsi aierihwánerake, né꞉ne tó꞉ka kén ienakerehónhwe khès ne tihiakahontsátes, rotiníkon tsi nihonwaiérase ne Roiá꞉ner tsi ronhwakenrónhni, tánon kíʼ ónenk kíʼ tsi enhonwatinonhwariákon,

Luke 12:10

Onkakiok enhokenrenseronni nonkȣe Roienha, enȣaton nenshonȣanikonrhense; kenhkaien nenhonȣasennaiesate ne Ronikonriioston iah nehne nonȣenton tihiahonsaonȣanikonrhense.

John 17:9

Kheiaterennaiennis; iah onkȣeokon tekheiaterennaiennis; ne tanon ne tsinihati takonkȣetaȣi, aseken iseki oni sonkȣeta.

2 Timothy 4:14

Alexander ne raristakerónon kwáh wéso tsi ratʼkaronníʼon; ne Roiá꞉ner tehorihwaserákwase tsi nihotiéren.

1 Sawátis 5:17

Akwékon nahoténshons naterientawenriétseras tsi kariwáneren, nók káien ne kariwáneren ne iáh teiakorióhtha.

1 Samuel 12:19

Onkwetakwé꞉kon wahonwénhaʼse ne Samuel, “Iasaterénnaien rahonhá꞉ke ne Roiá꞉ner Saní꞉io ne ne sanhatseraókons raotirihwáke, ne káti ne tó꞉sa ahitewénheʼie; asèken iehionkwaiéston nonkwarihwaneraháktsheras ne iorihwatsáni tsi ionkwarihwanónton nahionkwanontiʼiotseraién꞉tane niatetewaiá꞉ti.”

1 Samuel 2:25

Tó꞉ka ónkak aiontateriwánerakse naʼkó꞉ren, Ní꞉io enhakwéni nenhteshá꞉kone tsi niká꞉ien waʼtionterenhtáwenhreh; ók ónka aiekwé꞉ni nahontaʼiontáteʼne nón꞉kak aieriwáneraʼke tsi nó꞉kwah ne Roiá꞉ner?” Ók iáh teiakotahonsatháton ne raowenhnaókons ne ronwaníha; asèken thóh nihotenikonrón꞉ni ne Roiá꞉ner naʼsakononwarhiá꞉khon.