1 Sawátis 5:14 - Ohiatonhseratokénti

¹⁴ Ionkwanikonrahníron rahohénton ne Rawenní꞉io, neh tsi oriwí꞉io iontiónni tsi sonkwátʼthonte nónen thènen entsitewariwanóntonse ne tsi nithanónwes.

1 Sawátis 5:14 ပူးပေါင်းရင်းမြစ်များ

1 Kings 3:12

kwáh kíʼ thóh nénhtiere tsi nasehrihwanónhton. Kwáh sénha iawethowánen nathokhátsera entkónhion tánon ne kanikonhraienthátsera tsi ní꞉ioht nónhka akóren tsi nitsawénon tánon iáh shé꞉kon nónhka nakóren thóh tahonhsahiothónhake.

Job Tánon ne Raoronhiakensera 34:28

káti ne wahatirihon꞉ni tsi nateionsénhthos ne iakó꞉ten niá꞉ien raonhà꞉ke, tánon waothón꞉teʼne tsi teionsénhthos ne iakoroniá꞉ken—

Psalms 145:19

Raná꞉nons tsi nihionskáneks tsi nihiákon ne ronhwakweniénstha; kwáh ó꞉ni rothónhtes tsi natehionsénhtʼthos, tánon sehsakonónstats.

Psalms 31:22

Wátʼteronskwe tánon waʼnanonhtón꞉hnionwe, “Waʼhakónhnien nahí꞉nonh nió꞉re niáke tsi nón꞉we níres.” Ók wesatʼthónhtene nakaterénhnaien nó꞉nen shonháke iathenkaséntʼtho nastiénawase.

Psalms 34:17

Nó꞉nen ne tionkwetaiéri tenhionʼsén꞉tho nasakoiénawase ne Roiá꞉ner, roʼthóntes, tánon sehsakohiatotaríhshions akwékon tsi natehonanikónhrahre.

Psalms 69:33

Asèken ne Roiá꞉ner sakokʼthón꞉te ne iakonoronsthénhnis, tánon iáh kíʼ tesakohiatanikónrens ne rahonkwetaʼshónhas ne ratinhó꞉tons.

Proverbs 10:24

Ne tionkweʼtaié꞉ris ratiié꞉nas nahò꞉ten ronhská꞉neks. Nok ne iáh tetionkweʼtaié꞉ris ne enhatiié꞉na nahò꞉ten kwáh aonhá꞉ʼa thatitshá꞉nis.

Proverbs 15:29

Nó꞉nen nón꞉kwe tiakorihwaié꞉ri enionterén꞉naien, Roiá꞉ner rotahónhsate, nónhka iáh tetiakorihwaié꞉ri iáh thahshakotahónhsatate.

Jeremiah 33:3

“Taskenáhthon, tánon tenkonrihwahsehrákwahse; kwáh enkonriorhiánion ne ionerahkwahténions ó꞉ni ne iorihwahnerahkwahténions nètho ne kwáh iáh othènen tesehriwahientéri.

Matthew 21:22

Tsiok nahoten entsiseȣaneken ne Niio Kaȣenniioki neok nʼakȣa teȣetakon, akȣekon entsitsion.

John 11:42

Ok se sane siȣakaterientare tsi takeȣennarakȣa; neki ne teionkatiataton raotiriȣa tsi nahoten katon, toka naha eh naontaȣe ahonthontate tsi ise teskatennieton.

John 14:13

Nok tsi ok nahoten enseȣariȣanonton nʼii aksennakon eh se nenkiere; eh naontaȣe Roienha aharihonni ahonȣasennoȣanate ne Roniha.

John 15:7

Ne toka enteȣakȣekonhake nok enseȣahaȣake nakeȣenna, tsi ok nahoten seȣariȣanonton eh se nenhiaȣenne.

John 16:24

Tsiniiore nonȣa, areko othenon teseȣariȣanonton naksennakon; seȣariȣanonton nok enseȣarane, naeseȣatsennonniatseriiohake.

John 9:31

Ionkȣaterientare ȣahi tsi iah tesakoȣennarakȣa ne Niio nʼionkȣetaksen, nok tanon ne Niio raonkȣeta oni ronȣaȣennarakȣa neh sakoȣennarakȣa.

Ephesians 3:12

Tsi tehionkwateriwasóntere ne Kerístos ó꞉ni teiahonkóton nonkwetakwéntsera rahonháke non nihionkwanikonratʼtsáni ne tsi hiahítewe ne rahohénton ne Rawenni꞉io tseʼwakwékon ne tewetákwen.

Hebrews 10:35

Tósa sewahnikonrokten, ne káti, tioríhwa né entʼkáhawe ne kowahnen teshewahteriwahserakwáh꞉se.

Hebrews 3:14

Asèken tewahkwékon teionkwahienawáhkon ne Kerístos tóhka enionkwahriwahníronke kwáh tsi nióre tsi ieiohtókʼte tsi nitionkweʼtakwenʼne tsi niʼtiotáh꞉sawen.

Hebrews 3:6

Nók ne Kerístos rorihwahtóken tsi nòkwah ne roʼníha tsi rohteriwahtentiáton ne Rawenni꞉io rahonón꞉sha. Í꞉i ne rahonónsha íken tóka ientewahtashónteren nonkwáh nikonranirátʼtshera ó꞉ni tsi tionkwetákwen nahóten tewaskáneks.

Ne꞉ne Sák Rohiaton 4:3

Tánon nónen enseriwanónton, tánon iáh tashéna, né kíʼ tsi niwahétken ne sariwasónhas; ne seriwanóntons tsi nahoténsons ne iatesháh꞉ti ahsatenikonrórhiate.

Ne꞉ne Sák Rohiaton 5:16

Ne káti, tesewatatróri tsi nisewariwáneren tsi natesewáterhe ó꞉ni sewataterenʼnaiénhas tsi natesewáterhe, né꞉ne ahonsehsewakʼkwatáko. Ne rahoterénʼnaient ne tronkwetaiéri kwáh íken tsi kasátsʼte.

1 Sawátis 2:28

Hén, kwá ienokónha, rahónhak khók tetiateriwasónterak, nekáti nónen entathaténeste kwá aionkwanikonraníronke iáh tatahionthonwentióhake natsitewataséten tsi nahionkwatehén꞉en neh nón tewenniserónte nónen tèntre.