1 Sawátis 5:13 - Ohiatonhseratokénti

¹³ Í꞉se kíʼ iakwahiátonse neh꞉ne aihsewateriéntarake tsi sewáien ne ionnheʼónwe atónnhets—tsi nítsion ne tetsisewetákwen ne Rawenni꞉io Roiénha.

1 Sawátis 5:13 ပူးပေါင်းရင်းမြစ်များ

John 1:12

Nok tsiniiakon tehonȣarhoton, sakoȣi ne Niio sakoienhokonha aionton. Nehne tsiniiakon tiakaȣetakon ne raosennakon.

John 2:23

Tsinikariȣes Jerusalem ihres, kentiokoȣanen taonȣetakȣe, netsi iontkathos ioriȣanerakȣatenions tsini haierhakȣe.

John 20:31

Nok tsi kaiaton ne kenh kaien, neh ki naonteseȣetakȣe tsi Keristos ne Iesos, Niio Roienha, nok tsi entihseȣetakȣe ne raosennakon enseȣaientane naetsionnheke onȣe.

John 21:24

Ne thohiken roiaton kehiken nikarihotens oni ratrori, nok ionkȣaterientare tsi ioteriȣakȣarision ne raotroriat.

John 3:18

Iah nonȣenton tiiahatkaronni ne thaȣetakon raonha raosennakon, nok tanon neiah tethaȣetakon, onen ok neneh rotkaronnihon: aseken iah ki tethaȣetakon ne Raosennakon tsi neok enskat Niio Roienha.

John 5:24

Oriȣiio akȣa oriȣiio tsi kȣarori, onka kiok enhataonsatate nakeȣenna entretakȣe oni raosennakon ne thakatorion, roien naronnheke onȣe, iah oni tahorane ne kareȣatatsera, onen ok tanon tehotohestston ne kenheiatne tsinonkȣati tsi iensronnheke onȣe.

Acts 3:16

Nehʼne ahosatsténsera ne raosénʼna taháwen ne kasatsʼténsera kí꞉ken rónkwe ne rohiatakenheiónʼne. Tsi nahóten sewatʼkáthos ó꞉ni sewateriéntare thóh naháwenʼne neh tsi tewethákwen ne raosénʼnakon; ne Ié꞉sos neh sahótsien꞉te, tsi nisewatʼkáthos ne sewakwékon.

Acts 4:12

Ne kaʼiatakeʼnhátsera raonháke khók non nen kahtsénrion; kwa tsi nihiohóntsia kwáh iáh ónka nakóren ne Rawení꞉io tethesakówi naʼiekwéni ahonsahionʼkhiniákente.”

2 Corinthians 5:1

Kí꞉ken tewaieròn꞉ke ne teskaierón꞉tare tsi ní꞉ioht ne waʼtohseró꞉ton tsi kén꞉ʼen tewanákere tsi ionhontsá꞉te. Nok kí꞉ken ne aʼtóhsera nó꞉nen enkarihwahtón꞉ton, ionkwaterién꞉tare ne Rawenni꞉io kwáh tsi tewaiáʼtátson ó꞉ia ensehshonkwanákton tsi nón꞉we ientsitiónhnheke. Tho iontientáhkhwa iáh tho tekanonhsò꞉tens tsi shí꞉ken ní꞉ioht ne ónhkak aiakononhsisonʼónhake, nok karonhià꞉ke nón꞉we tkakè꞉ron iáh nen né꞉ʼe nonwén꞉ton thiakarihwén꞉taʼne.

Galatians 4:6

Nawenéston tsi rahónha sonkwaienokónhas, Rawenni꞉io tahathéniethe ne Rahonikonratokénti ne Roiénha nahionkwatsiénhase nonkwerianésons, Nonikonratokénti rahónha ratátis, “Rákeni, Tatsiénha.”

1 Tiér 5:12

Iakonhiátonse kí꞉ken nikaiatonseréssa neh꞉ne Silas wahaksniénon, neh tsi rahónha riniáhese nahoriwiʼiosthóntake. Tewakatonwentió꞉ni nakonretiáron ó꞉ni nakeriwanírate neh kí꞉ken ne kwáh oriwiʼioʼónwe Rawenni꞉io rahoténrat. Thoʼnónwe nasariwanirónhak.

1 Sawátis 1:4

Ne aoríhwa kíʼ wahakwahiáton ehnahóntawe nonkwatsennónniat niakaiérike.

1 Sawátis 2:1

Neh kíʼ ne iakwaiáthonse, kwaienʼokónha, nekáti ne tóhsa aihsewariwánerake; nók kíʼ thóka ónkak aieriwánerake, ionkwáien nónkak ronwaniténtase ne kanísera nonkwariwáke—neh꞉ne Ié꞉sos Kerístos, neh꞉ne rotokénti.

1 Sawátis 2:21

Ne káti aoríwa iakwahiátonse, iáh tokàken iáh taihsewateriéntarake noriwiʼiohónwe; nók, néki tsi sewateriéntare, tánon kíʼ ó꞉ni sewateriéntare nohnówen iáh nonwénton thóh nón thetionénon tsi nón ne oriwiʼiohónwe.

1 Sawátis 2:25

Kén káti ní꞉ioht tsi sonkwararasténni ne kwá rahónha ne Kerístos entesóntion ne ionnheónwe.

1 Sawátis 2:26

Í꞉se kíʼ iakwahiátonse neh tioríwa tsi niháti ronhtheniéntha naietʼtsinikonráten.

1 Sawátis 3:23

Nahóten rariwanóntons neh꞉ne ahontatsitewétakwe ne Roiénha Ié꞉sos Kerístos tánon taihtewatatenorónkwake, kwá tsi nisonkwariwanonthónnis ne Kerístos.

1 Sawátis 4:9

Tánon ne Rawenni꞉io sonkwanathónni ne rahonoronkwátsera tsi thoteniénton ne énskat khók Roiénha tsi ionwentsiáte, neh꞉ne ahionkwaiéntaʼne ne ionnheʼónwe ne rahonháke nón nahontáwe.

1 Sawátis 5:10

Ne káti tsi niʼiákon thonwetákwen ne Rawenni꞉io Roiénha rathíhawe kíʼ atroriátsera ne raonerianéson; nók tsi niʼiákon ne iáh tethonwetákwen ne Rawenni꞉io, ahonwanowentónni꞉kíʼ, Asèken iáh tethonetákwen tsi nahóten ne Rawenni꞉io ráwen tsi nòkwa ne Roiénha.

1 Sawátis 5:11

Ne kíʼ ne kariwanirátʼtsera: Rawenni꞉io tesonkwáwi ne ionnheʼónwe atónnhets, tánon kíʼ natónnhets neh꞉ne ahoʼiatakweniʼiótsera ne Roiénha.

1 Sawátis 5:20

Ionkwateriéntare ne Rawenni꞉io Roiénha tsi thawénon ó꞉ni teshonkwáwi ne kanikonraienthátsera, neh꞉ne ahtsitewaientérahʼne ne kwá tókenske nʼoriwí꞉io Rawenni꞉io. Thóhnon nitión꞉ne tsi tehionkwateriwasóntere ne kwá tókenske Rawenni꞉io—ne ó꞉ni tehionkwateriwashóntere ne Roiénha Ié꞉sos Kerístos. Neh kí꞉ken ne kwá tókenske Rawenni꞉io, ó꞉ni ne kí꞉ken ne ionnheʼónwe natónnhets.