1 Sawátis 4:12 - Ohiatonhseratokénti

¹² Iáh nonwénton ónka tehonwáken ne Ní꞉io; nók kíʼ tóhka tentewatatenóronkwe, ne ronnheʼónwe Rawenni꞉io tsi tenhionkwateriwasónterake, tánon ne rahononronkwátsera kwá ieʼiokontákwen nontionhakéson.

1 Sawátis 4:12 ပူးပေါင်းရင်းမြစ်များ

Genesis 32:30

Katí ne Jacob neh watená꞉taien Peniel wahaná꞉tonhkwe, ratónnions, “Aseʼkénh Wahí꞉ken ne Rawenni꞉io ó꞉ni kwáh waʼtiatiatatkonhsatká꞉neren, ók kíʼ shé꞉kon neʼ tsi kónhnhe kanonhstá꞉ton.”

Exodus 33:20

Iáh takonhríhon nasatʼkátho ne konhtsàke, tsioríwa tsi iáh ónhka tahiekwéni nahióntken tánon nahiaʼkónhnheke,

Numbers 12:8

Káti ne tenhiakenithá꞉ren kwáh kíʼ tehiatsiaʼtatkonhsakánere, tshiehióken tánon iáh tekarihwaséhton; kwáh ó꞉ni rotʼkháton tsi nitieronhtó꞉ten! Tsi nishaʼnikonhraʼtsháni tsi nitsiatkónte nakenáhtsera Mahís!”

John 1:18

Iah nonȣenton onka tehonȣaken ne Niio; neh nakȣa Ronineha tsioiakenhon neh oni nenskat ok Roienha sonkȣarori neh nikarihoten.

1 Corinthians 13:13

Ók kí꞉ken ásen nihioriwáke né kwáh konʼthiriwakwení꞉ios né꞉ne: Tewetákwen, Askenéktshera, tanon Kanoronkwátshera; nók ki né kwák tioʼrihowánen né꞉ne Kanronkwátshera.

1 Timothy 1:17

Raonháke ne ronnheʼónwe Ronontí꞉io, tsi nénwe tánon iáh tehohiatáken, raonhatsíwa ne Ní꞉io—raónha tahonwarénsaron ó꞉ni kahiatanerakwátsera tsi nenwe! Éhthoh naiáwen꞉ne.

1 Timothy 6:16

Kwáh rahonhatsíwa khók ne ronnhehónwe; kaskwatʼthetserákon nónwe nihénteron ne꞉ne iáh ónhka taiekwéni ne aktahaiénthe; Kwáh iáh nonwénton ónhka tehonwáken; tánon iáh ó꞉ni nonwénton tahónton nónka ahonwáken. Rahónha tahonwarénsaron ó꞉ni tsi ionnheʼónwe ne kashatsʼténsera! Éhʼtho naiáwenʼne.

Hebrews 11:27

Tewehtákwen seh wahahónnien ne Mahís nahonsahanakeráko ne Egypt kwáh tósa thènen ahoteronníhake ne Ronontí꞉io rahonakwáhtshera. Tsi síken ní꞉ioht ne wahóken ne iáh theohiatáken Rawenni꞉io, iáh theothontáton nahosahókton.

1 Sawátis 2:5

Nók kíʼ tóhkaʼ entewatewénnaraʼkwe ne rahowennahókon, ontionhá꞉a khók ne kwá ehtsitewanorónkwa ne Rawenni꞉io neh꞉ne kwá oriwí꞉io íken. Nek khók kí꞉ken enkakwéni naionkwaterientarane tsi tehionkwateriwasóntere ne Rawenni꞉io:

1 Sawátis 3:24

Tsi niʼiákon ne iontewennarákwa tsi nihariwanóntons ne Rawenni꞉io thóh non nenʼiakonnhétie tsi tehonateriwasóntere ne Rawenni꞉io tánon ne Rawenni꞉io enhatikwekónhake ne ronnónha ne tsi rahónha tehonateriwasóntere. Tánon neh tsi nitesonkwáwi ne Rawenni꞉io nonikónra ionkwateriéntare ne Rawenni꞉io tsi tehionkwateriwasóntere.

1 Sawátis 4:16

Tánon ontionhákok ionkwateriéntare ó꞉ni tionkwetákwen tsi sonkwanorónkwa ne Rawenni꞉io. Kanoronkwátshera seh ne Rawenni꞉io, tánon tsi niʼiakon neh thóh nón niʼiakonnhétie ne kanoronkwatserákon thóh nón niʼiakónnhe ne tsi tehonateriwasóntere ne Rawenni꞉io ó꞉ni ne ronnheʼónwe Rawenni꞉io tehonateriwasóntere ne ronónha.

1 Sawátis 4:20

Tóhkaʼ entewénron tsi tewanorónkwa ne Rawenni꞉io, nók ietʼthísons nakorénsons, ionkwanówens kíʼ. Asèken iáh tahónton natsitewanóronkwe ne Rawenni꞉io, tsi nikáien ne iáh thetsitewáken, tóhkaʼ iáh teietʼthinorónkwa nakorénsons, tsi nikáien neh ietʼthíken.

1 Sawátis 4:6

Nók Ni꞉io ní꞉i rahonkwetaʼsónhas. Tsi niʼiákon ne iakoteriéntare neh ní꞉ioht sonkwatahónshatats ne Rawenni꞉io; ónka ne iáh Rawenni꞉io tehaʼonkwetasónha kwá iáh thènen teionkihʼiatahónsate. Kén káti ní꞉ioht tsi entewakwéni nahitewatróri tsi natetsatʼthíhen ne onikonróskon nʼoriwí꞉io tánon ne onikónra ne tewaterientawénrhie.