1 Sawátis 4:1 - Ohiatonhseratokénti

¹ Tekanórons tewatenrosónhas, tóhsa tasewétak nónka íhienre iakoriwiʼióston, nók ietʼtsiʼiateniénten tóhkaʼ kén ni꞉ióʼne nón nitsawénon tsi iakoriwiʼióston. Asèken ronatiokowánen ne rohthitokentseseráksens tsík nonwéson nón nienhonenónseron.

1 Sawátis 4:1 ပူးပေါင်းရင်းမြစ်များ

1 Kings 13:18

Ethòne né rosthénha ne Bethel nithawénon wahawénhase, “Íh, ó꞉ni, wakʼthókense kwáh tsi ní꞉ioht níse, tánon tsi nahathénhnhaʼne ne Roiá꞉ner ne raronhiakeró꞉non wahatróri nahonsétene tánon akonhiateweiénhton tsi enkonhnakthóthaʼse.” Ók né rosthénha wahanówenhthe.

Proverbs 14:15

Rononhwaró꞉ri tsik nahò꞉ten entréhtahkwe; nok ne tehotiʼnikonhráthe ratiʼnikón꞉rare tsi niahonenonhátie.

Jeremiah 14:14

Nonk ne Roiá꞉ner wathariwahsehráko, “Ne rothitó꞉kense akʼsénnakon tsi ronnhowenhtánions; iáh tiekehiateniéton, iáh ó꞉ni thènen tetetkhehiáwi nakhenáhonke, iáh ó꞉ni ne tiowénhna thènen tetkheró꞉ri. Tsi nihonatkháton naʼtettsensehrákon tsi nihatitharáhkwah iáh akonháke nónh tetiawéhnon; tsi nihontró꞉ris kwáh iáh othènen tekariwástha tsi nihonahʼnonhthonniónhon.

Jeremiah 23:16

Ne Roiá꞉ner Roshastsʼtenserowáhnen wahshaʼkawénhase ne Jerusalemró꞉nons, “Tó꞉sa sewatahónshatat tsi nihónton ne rotitokénhse; né thitʼthatiráhtha ne tionháke ne iáh othènen tehioríhonte kararáh꞉tshera. Né ietʼtsirhorhiátha tsi nihonahnonhthonniónhon ók iáh nenhné tsi nahó꞉ten wáhken.

Jeremiah 5:31

tsi rontáhtis ne rotitó꞉kense nék khók nohnhówenhs; ne rothikháres enhatísehre tsi nenhthontáti ne rothitó꞉kense, tánon nahkonhkwetaʼshón꞉a iáh thahóten tehathirihwáhiaks. Ók káti nenhatí꞉iere nónenh ienhónnewe tsi iehiótokte?”

St. Mark 13:21

Ethone oni enhiesarori nenhiaihron; Kentho renteron ne Keristos; ok ne ens kentho itres; tosa tasetak.

Luke 12:57

Oh oni nahoten ahoriȣa tsi iah teseȣariȣaienteres ne tsionhake tsinitkariȣaieri?

Luke 21:8

Nok tontahenron: seȣanikonrarak tosa iestsinikonrakarhatho: aseken ronentiokoȣanen enthonne enhionksennenhaȣi, enhontonne; ii ne Keristos, onen oni thoha iakaheȣe; tosa kati iestsiser.

Acts 17:11

Neh nónwe, nonkwesónhas sénha ne rontenikonrakthókhas tsi ní꞉ioht ne Thessalonica. Kwáh thoʼthinikonrakontákwen tsi rontahónsahtats nateriwanothátsera, tánon kwáh niaʼtewenniseráke tsi ronteweiénstha noiatonseratokénti neh nahothithókenʼse tóhka kén thóʼkenske tsi nahóten ráton ne Kór.

Acts 20:29

Wakateriéntare nónen ensewakaténtsion, ne kwáh tehonatenonhianíton nokwáho enietʼtsihiatórenʼne, iáh ó꞉ni tasakothinónstaʼte ne kentiókwa.

1 Corinthians 12:10

Ne Ronikonratokénti tionkwéta enteshahʼkáwen ne kashatsʼténsera ahiakoióten ne ioriwahnerákwa; nó꞉ia, nahtathawítshera né꞉ne ahionteriwahnóten ne Rawenni꞉io raoteriwahnothátshera; tánon shé꞉kon nó꞉ia, nahiekwéni nahiontróri tsi naʼtetsatʼtíhen nahtatawítshera ne Rawenní꞉ioke nitewéhtha tánon né iáh thóh nónwe tethewétha. Ne tiehiáta teshakówis naiekwéni ne thiʼwenhnásathe ahiontáti, tánon ne tiehiáta naiekwéni nahienikonrahiéntathe tsi nahóten wahton.

1 Corinthians 14:29

Tenihiáse tóhkaʼ ó꞉ni ásen niháti ne thonwahnáhwi ne Rawenni꞉io rahoteriwahnotátshera ahówenk nahontáti, ónk ne ronáhtiakes tenhatihiatórethe tsi nahóten ronthónton.

1 Thessalonians 5:20

tóhsa skénron ne aterihwahnotátshera.

1 Thessalonians 5:21

Orihwakwé꞉kon sát꞉kens: sateweiénton nahóten neioiánere

2 Thessalonians 2:2

Né꞉ne tóh꞉sa thóh nahontsesénhake ne taisewahnitónnien tsi nisewahnontónnions tóhka ó꞉ni ahontesewahnikónrenne tsi ne sewáhronke ne Roiá꞉ner rawenhnísera tsi ónhwe. Tóhka nónwah tsi iakonontonniónʼon né aiònkwenh tsi nikaríwes iehiakwahriwákens tóhka ó꞉ni tsi ionkwahteriwahnóthe, tóhka ó꞉ni kahiatonseráke ahionkwahiátonke.

1 Timothy 4:1

Ne Ronikonratokénti kwáh teioswátʼthe ráton ótiakes nonkwesónha enhiontewéntehʼte ne tewetákwen ne kén enhiotséthe; neh enhonwathiwénnaraʼkwe ne rohthinówens ótkons ó꞉ni enhathísere ne rahothirihonniennítsheras ne rathinesonrónons.

2 Timothy 3:13

tánon ne ionkwetahétken tánon ne tesakhorenkénnies kwáh sénha enhotihetkénten, sakotinikonraténnis nakorénsons tánon ó꞉ni ronwahtinikonraténnis nón꞉ne ne ronónha.

2 Tiér 2:1

Ronteriwanotatsherátsens wahonthotashiónko nonkwé꞉ne tsi nitsawénon, tánon kwá ne sáka tsi enhonthotashiónko ne rohtinówens sakotirihonniénʼnis ne sewentiókwakon. Ne kíʼ enkaionte naisewakarónniathe, nonówen ateriwanothátsheras, tánon enhonwatonníhase ne Kerístos tsi nikáien sehsakoniakénton, tánon kíʼ kwá ienhontátkwase tahontaiawénstsi ahonníheie.

1 Sawátis 2:18

Kwáʼienokonha, ákta íwes ne tsi ieiótokʼte! Ietʼtsiróri ne rósons ne Kerístos éntʼtre; tánon ónenk ronatiokowánen ne ronwásons ne Kerístos ronatotáshon, neh káti aoríwa ionkwateriéntare ne tsi ieʼiótokʼte ákta íwes.

1 Sawátis 2:7

Tekanórons tewatenrosónhas, kíʼ atewennarakwátshera ne iakwahiátonse iáh oríwase tèken, neh꞉ne akáion naʼtewennarakwátshera, tsi nikáien ne sewarónken ne kwá tsi tiotásawe. Nakáion atewennarakwátshera tánon naʼoteriwanotátshera onèn꞉ne sewarónken.

2 Sawátis 1:7

Ronatiohkowá꞉nen ne rathinikonrátha tehonarénion tsi ionwentsiáte, ónka ne iontonhniha ne Ié꞉sos Kerístos thóh niʼioht tsi tawé꞉non tsi ní꞉ioht nónkwe. Ne nihionkwethóten kwáh ienikonrátha tánon ronwatkónte ne Kerístos.

3 Sawátis 1:11

Tekanó꞉ron ontiaténro, tóhsa senakéren nahóten ne wahétken, nok neh sehnakéren ne ioiánere. Ónhka ne ioiánere tsi neniéhiere neh tsi Rawenni꞉io rahonkwéta íken; ónhka ne ken nieniehiére ne wahétken neh kih tsi iáh tehonwáken ne Rawenni꞉io.

Revelation 2:2

“Wakaterièn꞉tare tsi nisahioʼtenhseró꞉tens, tánon satakátstaton niatasotʼten. Wakaterièn꞉tare tsi iáh thasehiathakátsthate ne wahét꞉ken tsi nihontié꞉ra; ní꞉se waseiatenientén tsi niiá꞉kon né꞉ne ionthatenatónhkwa ionteriwanhótha ók iáh kíʼ neh tè꞉ken, tánon wahonwatiiaʼtatshén꞉ri rotinó꞉wenhs.