1 Sawátis 3:16 - Ohiatonhseratokénti

¹⁶ Kén níʼ ní꞉ioht tsi ionkwateriéntare nahóten nèn꞉ne ne kanoronkwátshera: Kerístos tesonkwáwi tsi rónnhe. Í꞉i kíʼ ó꞉ni ahontaietʼthíʼion ne tsi tiónnhe nakorénson!

1 Sawátis 3:16 ပူးပေါင်းရင်းမြစ်များ

Matthew 20:28

Tsi ki niiot, nʼOnkȣe Roienha, iah neh tehaniente nahonȣakonnienste; asakokonnienste tanon, nok oni kentiokoȣanen asakaȣenheiase.

John 10:11

Ii ne ranonnhatseriio: ranonnhatseriio sakoȣis ne rahotsenenhokon tsi ronnhe.

John 10:15

Tsi kiniiot tsi rakienteri ne Rakeniha eh oni nʼii nihiienteri ne Rakeniha. Nok aketsenenhokon keiaȣis tsi konnhe.

John 13:34

Tsioriȣat noriȣase ȣakȣatenienthase; nehne, taeseȣatatenoronkȣake tsi ki nʼii nikȣanoronkȣa eh nataeseȣatatenoronkȣake.

John 3:16

Aseken ne Niio tsini sakohnoronkȣahon nonkȣe, iah tatesakohnonhianiheki nʼenskat ok roȣiraien, asakaon tosa aiahiheie tsini iakon tiakaȣetakon raonhake, ok eken tanon neh aiakoientake ne raonhake aietsenri atsennonniat.

Acts 20:28

Kwáh káti sewatatennikonráren ó꞉ni kwáh kanenrakwékon tsi nitsisewatakweʼniaʼiénni ne Ronikonratokénti. Thóh nihiotónhak tsi sewatennikonráren ne Rawenni꞉io rahononsatokénti tsi ní꞉ioht tsi sakothinikónrare ne teiotinakarontón꞉a sakotinikónraʼre, tsi raónha rahówenk iotónʼon tsi ronekwáhon ne Roiénha.

Romans 16:4

Ehkenonnhárakwe ní꞉i akeriwáke. Éso tsi tekenonwerátons—iáh tewakonwáʼkok, nók akwékon ne tsi ronterennaientákwas ne iáh tehatishitaeronons.

Romans 5:8

Nók Rawenni꞉io rawenéston tsi nishonkwanorónkwa—kwáh sékon sihionkwariwáneren neh Kerístos shasonkwenʼhéiaʼse!

2 Corinthians 4:12

Ne káti kí꞉ken kén꞉tons ne kenhé꞉ion tsi tiótkon ionkwahnhonteráties, nok natónhnhets isè꞉ke nón꞉we niioioʼtáties.

Ephesians 5:2

Tsi sónnhe ónenk tsi kanoronkwátshera entioniarótarohke, kwáh tsi nisonkwanoronkwáʼon ne Kerístos ó꞉ni tesonkwáwi tsi rónnhe tsi síken ní꞉ioht ne kwáh tehiotsikhétare tsi niwenserákon tánon ó꞉ni tahionréniaʼte tsi nitánonwes ne Rawenni꞉io.

Ephesians 5:25

Ne sewaskenrakéte ne sewaniátkons ietʼtsinorónkwak ne tesewénterons, thóh nahiotónhake, kwá tsi nihanoronkwáʼon nononsatokénti ne Kerístos, ó꞉ni tháwih tsi rónʼnhe.

Philippians 2:17

Tsi thisetákwen tsi nòkwa ne Roiá꞉ner tanon tsi ní꞉ioht tsi teseriwhaʼiérits ne teskaieróntare tsi ní꞉ioht nasatsienkwarónniate ne rahohénton. Tánon nakenekwénsa tòka nónwa ónen tsi neskátne entewahʼwéronke ne iontsienkwaronʼniathákwa. Tóhka káthiʼki ehʼneniáwen꞉ne, Enkatsennónʼni ó꞉ni skátne entewathonʼnáren.

Philippians 2:30

Serèka ahawehéion tsi Kerístos rohiótense, tánon ehʼronnárakwe tsi nahatsniénon neh tsi nahóten ne iáh tesewakwénion nahontaskwawike.

1 Thessalonians 2:8

Tioríwa ne tsi nikwahnorónkwah ionkwahtateweienʼnentahónk taitewahiéna iáh nek tèken ne kariwí꞉ios tsi nitsiawenón ne Ni꞉ióʼne ónk tsi iatiónnhe ó꞉ni. Tsi nióʼre tsi kwahnorónkwahkwe!

Titus 2:13

tsi nihionkwárahre nètho iawenniserahnerákwak ionkwarahratsʼténni, nónen ne rahohiatanerahkwátshera ne rosastenserowáhnen Ní꞉io ó꞉ni ne Sonkwaiatákwen Ié꞉sos Kerístos entathathénesthe.

1 Tiér 1:18

Asèken sateriéntare tsi nahóten kahkariák꞉ton tsi tsiʼsatatewenniʼió꞉on tsi ní꞉iáh thènen tekásthakwe tsi niʼiotónne tsi iakónnhekwe ne tsi nitiesáwi ne sehsotʼtonhonkonkén꞉en. Iáh neh tèken nahónton akariwathónton, kwáh neh satetionátʼthe ne kawistaráken tánon ne owistanóron;

1 Tiér 2:24

Rahonhatsíwa ne Kerístos rotketáthon nonkwariwanerahákʼtseras tsi tetkaiásonte, neh nahónton naitewenhéiate ne kariwáneren tánon neh nónwe naisetiónnheke ne tkariwaiéri. Neh tsi nihotʼkarewatánion neh tsiʼsatiénton.

1 Tiér 3:18

Asèken Kerístos rawenhéion nénskat ieioterástston neh iorihonníʼon nakorénson akoriwaneraháktseras, thoʼriwaiéri rónkwe nehne iakoriwáneren akoriwáke, neh nahónton Niió꞉ne niahiahentése. Tsi iehawenhéion ónhkwe kènne, nók tsi sonionnhéton sronneʼónwe,

1 Sawátis 2:6

tóhka entewénron thónon nihionkwataténron tsi teionkwateriwasóntere ne Rawenni꞉io, ne kíʼ teiontonʼontióhon thoʼní꞉ioht tsi aihtiónnheke tsi ní꞉ioht tsi rónnhekwe ne Ié꞉sos Kerístos.

1 Sawátis 2:9

Tóhka entewénron tsi teioswátʼte nón nítewes, tánon iethísons nakorénsons, kwá asátakon nón nihionkwatáteron ne kén tsi iowistaehhátie.

Revelation 1:5

tánon thóh nénhtewe raonhà꞉ke ne Ié꞉sos Kerístos, ne ne roriwahtó꞉ken rariwaní꞉rats, ne ne thotierénhton sawenhnakerá꞉ton tsi nokwáh ne kenheiátne, tánon raónha teshakoniarotá꞉ron ne rotinontí꞉ios ne tsi ionwenhtsá꞉te. Raónha ne shonkwahnorónhkwa tánon sheshonkwahiatotarí꞉shions tsi nokwáh ne onkwahriwaneraháktseras thóh nitsawé꞉non raonekwénhsake,

Revelation 5:9

Orénhnase wathatirihwákwe: “Í꞉se ne sarí꞉onte nasatháwa ne kahorotakwenón꞉ni tánon ne tasnhetsiá꞉ke, asè꞉ken í꞉se ne iesanonwarhià꞉kon tánon né꞉ne sanekwénhsa seskarhiaténhni ne Ní꞉io raonkweʼtashón꞉as rotiiatatokéntis né꞉ne kwáh tsi niateiakotsokwáhkes tánon tsi niateionronkhatserá꞉ke ó꞉ni nonhkweó꞉kon tánon ne ronhnonhontsakeró꞉nons;