1 Sawátis 3:12 - Ohiatonhseratokénti

¹² Iáh tateiothonwentióʼon nahonsatsitewaiéren ne Cain; neh꞉ne ranikonráksen rahonkwéta kèn꞉ne tánon wahoséh꞉te ne kwá rahónha iatatekénha Abel. Onʼnihiotiéren ne Cain tsi wahoséh꞉te? Neh tsi nihotieránion tánon tsi natehoterientawénrie, nók ne iatatekénha tkariwaiéri ne tsi nihotiéren.

1 Sawátis 3:12 ပူးပေါင်းရင်းမြစ်များ

Genesis 4:25

Ne Á꞉ton shé꞉kon nisakoienté꞉ri ne Ró꞉ne, tánon wahonákeratste ne roièn꞉ha Seth ronwaiats, asèken waʼké꞉nron, “Rawenni꞉io roiatarakwen nakerihwá꞉ke ó꞉ia raksáha ne taonsahonaktákwen ne Abel, tsioríhwa ne Cain rononhwarhiakon.”

2 Samuel 13:22

Ók ne Absalom wahowenhnáraʼne ne Ammon ahontakariwaiérike khéhs nahonhetkéntake; asèken ne Absalom róshonskwe ne Amnon, tsioríhwa tsi thontashakonóntonhse ne iatenosénha Tamar.

Psalms 37:12

Ne ronhnonkwetahétkens tesakonaskotánis ne tionkwetaiéri, tánon kwáh tenhonnokaraniéhon tsi nisakotíshons

Psalms 38:20

Tsi ní꞉ioht ne ioiánere tsi nahionkatiérase karihwahetkénsera tionkátsenhse; hionkát꞉konte tsioríhwa tsi kateniént꞉tha ne tkarihwaiéri tsi nakátiere.

Proverbs 27:4

Kanaʼkhwénhsera iakokarón꞉nis tánon enkahwatsirahríhsi iáh kiʼ ne thaʼtáhseren ne ateʼkehfáhtsera.

Proverbs 29:10

Nón꞉kwe ne ronteriiohseranón꞉we shakotíhswenhs nónhka iakorihwakwaríhshion, nok ne tionkweʼtaié꞉ri enhshakotiiaʼtanónhstate ne iakorihwakwaríhshion.

Proverbs 29:27

Ne rotirihwakwaríhshion shakotíhswenhs ne iáh tetionkweʼtaié꞉ri, tánon ne iáh tetionkweʼtaié꞉ri shakotíhswenhs ne thotirihwaié꞉ri.

Matthew 13:19

Ne tsi rotaonsate ne ronkȣe ne Niio raoȣenna, nok iah tehonikonraientas, Ranikonraksen tare nok ȣahanensko tsinikon kaienthonne raȣeriane: neh ȣahi neneh roton, nohahakta ionatsiakerontaon.

Matthew 13:38

Nok ne kaehta neh tsi ionȣentsiate; kanenhiio Niio sakoienhokonha, kanenhaksen otkon sakoienhokonha.

Matthew 23:35

Naeseȣateriȣaketate tsinikon ionekiren nonȣentsia ne kanekȣensanoron, tiotasaȣe tsi thonȣario nʼAbel, tsiniiore ne Zakari Barachi roienkenha, akta tsi ietsienharakȣa hetsiseȣario.

Matthew 27:23

Akȣekon ok tontahotihenrete: Tehaientannharak, Tontahenron ne rakora: oh nekenh nahoten shoteriȣateȣaton? Ok ehken tahonkȣisron ronton tehaientannharak.

Matthew 5:37

Neok tanon kenhak ne saȣenna: enh, enh, iah, iah; aseken nisinonh kariȣaksen.

Luke 11:51

Abel raonekȣensa enteȣatasaȣen tsiniiore ne Zakari raonekȣensa, neh nakȣa akta tsi iontienkȣaronniatakȣa ononsatokentike ronȣario: Tokenske tsi kȣaroris tsi rononha enhonteriȣaketate nonȣa kenh kaȣatsirate.

John 10:32

Iesos tontasakoȣennaȣeron nok ȣahenron: Eso ioriȣake ȣakȣanatonhase ne tkariȣaieri neneh Rakenineha teȣakha: kah kati nonȣa nikaien takȣanenhiohiahaktane?

John 8:40

Kenh tanon nonȣa seȣariȣaiote naskȣario, ii enskat ne konkȣe neok kȣarori noriȣiio neh nakȣa Niiohne teȣakaronken: iah naha eh tehoieren nʼAbraham.

John 8:41

Neh ki hetsiseȣaȣeiennasere ne etsiseȣaniha. Tontahonniron: iah se ok tiionkhiiateȣeton: enskat ionkȣanisen, neh nakȣa nehne Niio.

Acts 7:52

Ónhka onhtèken ne sewasótʼtseras neh iáh tahonwatironhiakénton ne roʼnatiatatkonkwe? Ronwatinonwáriakon ne Rawenni꞉io rahonkwetaʼsónhasʼkwe ne ronteriwanótha, raónha ne wahónʼnise tsi náhe thoriowanáton tsi ént꞉re ne tronkwetaiéri rahonátsera. Tánon kíʼ nónwa ónen etʼtsisewatennínon ó꞉ni wahtsisewáseh꞉the.

1 Thessalonians 2:14

Tewatenroʼshón꞉a, kwáh ne saoríhwa tsi nesewahiátawen tsi nihotihiatawén꞉en ne thonwetákwen ne Rawenni꞉io ne Judea, nonkweshonhas neh nonwe tsi niháti ne Keristos rahonkwetashonhas. Tsi nesewaronhiaken kwahn ne saoriwak tsi naitsisronhiakente ne akatne sewanakere tsi ne nahonwatironhiakente ne Sitaeró꞉nons.

Hebrews 11:4

Tewehtákwenh seh waʼhahón꞉nien ne Abel nahotát꞉tshe ne Rawenni꞉io sénha iohiánereh ne iontienkwahronniatáhkwa tsi ní꞉ioht ne Cain. Rawehtakwénhtshera nonʼnontáwe tsi wahaiéna ne Rawenni꞉io raorihwahnirátʼtshera tsi tronkwetaiéri, tioríhwah tsi kwáh rahónha ne Rawenni꞉io waharihwahnírathe ne raotathawíhtshera. Tsi nikéntons ne rawehtakwáhtshera ne Abel shékon nihatátis, iawehrohátien tsi ónen rawenhéion.

Hebrews 12:24

Rahonháke ne Ié꞉sos nontáh꞉se, rahónha shokwahtákwen náse aterihwahseronniátshera, tánon tsi tekanekwenhsentónʼon ne warahrátstha sénha ioiáneres tsi ní꞉ioht ne Abel raonekwénsa.

1 Tiér 4:4

Tánon nónwah ne iáh tehotiriwiʼióston tsi nenhotineráko nónen níse iáh taseiatiátarase skátne tsi nihotinonwaróri tsi tseiawén꞉en tsi rohnònnhe, tánon sók kíʼ entsesakenrenserónni.

1 Sawátis 3:8

Ónka ieniontasónteren naieriwánerake ranesonrónon rahonkwéta, asèken ne ranesonrónon kwá tsitiotásawe thoriwáneren. Ne neh kwá ne aoriwáke tsi tawénon ne Rawenni꞉io Roiénha, ne nahariwáthonte tsi nihoiéren ne ranesonrónon.

Jude 1:11

Tsi natehonaterientawenréhʼon! Ne wahathisere tsi nihoiéren ne Cain. Owísta wakarihón꞉ni tsi thóh nokwáh niahonʼne tsi natehoterientawenrhéon ne Balaam. Wathatirihoróke tsi ní꞉ioht tsi tehorihóron ne Korah, tánon tsi nioiatawénhen wahonwanáthonte.

Revelation 17:6

Tánon wák꞉ken né꞉tho iónkwe tsi ne iononwarathónton ne raotinekwénhsas ne rotiiatatokéntis ó꞉ni raotinekwénhsas ne rotiriwatokénʼne rahonhà꞉ke ne Ié꞉sos. Nó꞉nen sák꞉ken, ní꞉i teiotenonhiá꞉niton tsi onkeriwanerá꞉ko.