1 Sawátis 2:5 - Ohiatonhseratokénti

⁵ Nók kíʼ tóhkaʼ entewatewénnaraʼkwe ne rahowennahókon, ontionhá꞉a khók ne kwá ehtsitewanorónkwa ne Rawenni꞉io neh꞉ne kwá oriwí꞉io íken. Nek khók kí꞉ken enkakwéni naionkwaterientarane tsi tehionkwateriwasóntere ne Rawenni꞉io:

1 Sawátis 2:5 ပူးပေါင်းရင်းမြစ်များ

Psalms 105:45

né káti nahontewénhnarakwe ne raoianerénhseras tánon akwé꞉kon ahatíhawaʼke ne raorihwatátʼtseras. Tehonwaʼnonweráton ne Roiá꞉ner!

Psalms 106:3

Iakotáskats tsi niʼiákon ne tkarihwaʼiéri tsi niʼionhtséra, tiókonte né꞉ne karihwaʼkwahrishiontsherákon tsi nihiontséra.

Psalms 119:146

Iakonnáhton; tatiatanónstat, tánon kwáh enkatsénahwaste ne saianerénhseras.

Psalms 119:2

Iakotaskáts tsi niʼiákon ne iontewénhnaraʼkwe tsi nihorihwawahtáton, tánon tsiakaweriahsakontákwen tsi ronwahiatísaks,

Psalms 119:4

Saiá꞉ner teskwatkawénhni ne saianerénhseras tánon ahionkwatsteniáronhke tsi ahionkwatienawastónhake.

Proverbs 28:7

Kenʼnithotiién꞉sa tókaʼ rontewennaráhkhwa ne kaianerénhsera, tehotiʼnikonhráthe kiʼ. Tókaʼ rontenroʼserón꞉nis ne iáh tehonatonkweʼtatkwénienʼs enhshakonatéhaʼte ne ronwatiienʼokón꞉ʼa.

Proverbs 8:32

Ó꞉nen ká꞉ti, ne kenʼnitisewaién꞉ʼa takwatahónhsatat, tho naʼsewá꞉iehr nahò꞉ten enkí꞉ron tánon ensewatonhnhá꞉ren.

Ecclesiastes 8:5

Tsi nióre ensatewénhnarahkwe ne raoriwahtátʼtsheras, sahtathanonhstátonh kíʼ, tánon ne ratenikonhratʼthókha roteriéntare kíʼ onhʼní꞉ioht tánon nóhnen thóh nenháiere.

Ezekiel 36:27

Kwáh shonháke éntien nakenikónhra tánon enkatenhnikonhráhren ná꞉tshere natianerénsehra tánon nashatiénawasthe nakeriwahtátʼtsheras né tkonhiáwi.

Luke 11:28

Tontahenron: neh tanon naha iakotaskasts niakotaonsate ne Niio raoȣenna nok ronȣaȣennarakȣa.

John 14:21

Onka enhateȣeienton nakeriȣasonha enhariȣaierite oni, neh tohiken rakenoronkȣa; nok ne rakenoronkȣa, enhonoronkȣe ne Rakeniha, enhinoronkȣe oni nii, nok ȣene enhiiatonnien.

John 14:23

Tontahoȣennaȣeron ne Iesos, nok ȣahenron: nonka rakenoronkȣa enhateȣeienton nakeȣenna, neh enhonoronkȣe ne Rakeniha; nok nii entsiteȣaiatorenne nok raonhake ienteȣatien.

John 15:5

Ii ne kanenharakȣeniio, nok ise nʼonnhatasonha. Eso enhotonnien nenhiakenikȣekon, aseken nʼehren nonȣe iah othenon taeseȣateiaronhase.

John 6:56

Onka enhaȣarake nakeȣaronk oni enhanekira nakenekȣensa nehtohiken tenhiakenikȣekhene.

Romans 8:1

Iáh ónen thènen teskarewathatseráien tsi niʼiákon neh thóhʼnon niʼiakonʼnhétie skát꞉ne íken ne Kerístos Ié꞉sos.

1 Corinthians 1:30

Nók Rawenni꞉io tahiaiaténhawe ne taitiateriwahshónteren ne Kerístos Ié꞉sos, tánon Rawenni꞉io wahahónnien ne Kerístos rahónha nonkwahnikonrowahnhátshera akénhake. Rahónha shaʼshonkwarihwahserónnien tsi natetewáhtere ne Rawenni꞉io; Rawenni꞉io rahonkwetatókenti weteʼwáhton ó꞉ni setewahtatewenhní꞉ioʼne.

2 Corinthians 5:17

Ónhka ne Kerístos raonkwé꞉ta í꞉ken kwáh á꞉se shotón꞉ʼon. Nahò꞉ten ne iotohétston akwé꞉kon kaʼnikónhrenʼen, orihwakwé꞉kon á꞉se tsón꞉ni.

2 Corinthians 5:21

Kerístos iáh nowén꞉ton tehorihwanéren! Nok ne Rawenni꞉io eh nontahó꞉tate tsi shí꞉ken ní꞉ioht ne ahorihwanéren, eh naontá꞉we ne Kerístos ahshonkwariʼwawá꞉se ne Rawenni꞉io ahshonkwaié꞉na.

Ne꞉ne Sák Rohiaton 2:22

Iáh kén teskwénies nasatkáto? Tsi tawetákwen tánon ne rahoteweién꞉na skát꞉ne tsi iothihiótens, ne rawetakwátsera kwáh ionanónkthon tsi nihaweiennótens.

1 Sawátis 3:24

Tsi niʼiákon ne iontewennarákwa tsi nihariwanóntons ne Rawenni꞉io thóh non nenʼiakonnhétie tsi tehonateriwasóntere ne Rawenni꞉io tánon ne Rawenni꞉io enhatikwekónhake ne ronnónha ne tsi rahónha tehonateriwasóntere. Tánon neh tsi nitesonkwáwi ne Rawenni꞉io nonikónra ionkwateriéntare ne Rawenni꞉io tsi tehionkwateriwasóntere.

1 Sawátis 4:17

Kwá iehiosaháton ne kanoronkwátshera nontionhakéson ehnahontáwe nahionkwaiéntake ne kanikonranirátʼtshera tsi tewenniserónte nónen tehiontatiatórete; tánon ó꞉ni enhionkwaiéntake neh tsi tiónnhe ne kén ionwentsiáte kwá ne satèhiot tsi ní꞉ioht ne Kerístos.

1 Sawátis 4:18

Iáh tahóten tehiótʼteron tsi nòkwa ne kanoronkwátshera; ne kwá aóskon ne kanoronkwátshera ahéren kahawítha ne iótʼteron. Tóhkaʼ káti ne kanoronkwátshera iáh teiawenéʼon naóskon akénhake tsi niháti ne rathitʼtsánis, ne tsi tekeníneren ne karewathátsera tsi niʼiákon ne iakoteronkwénnis

1 Sawátis 5:2

Thóh kíʼ ní꞉ioht tsi ionkwateriéntare ietʼthinorónkwa ne Rawenni꞉io sakoienokónha: neh tsi tsitewanorónkwa ne Rawenni꞉io ó꞉ni tsi tewawennarákwa.

1 Sawátis 5:20

Ionkwateriéntare ne Rawenni꞉io Roiénha tsi thawénon ó꞉ni teshonkwáwi ne kanikonraienthátsera, neh꞉ne ahtsitewaientérahʼne ne kwá tókenske nʼoriwí꞉io Rawenni꞉io. Thóhnon nitión꞉ne tsi tehionkwateriwasóntere ne kwá tókenske Rawenni꞉io—ne ó꞉ni tehionkwateriwashóntere ne Roiénha Ié꞉sos Kerístos. Neh kí꞉ken ne kwá tókenske Rawenni꞉io, ó꞉ni ne kí꞉ken ne ionnheʼónwe natónnhets.

2 Sawátis 1:6

Kí꞉ken kanoronkwáhtsera wakʼtharákwen ne kén꞉tons ó꞉nenk tsi entewatewennárakwe ne Rawenni꞉io rahotiawenrátsera. Natsawenrátsera, tsi sewakwé꞉kon sewahthonteʼon tsi tiotáhsawe, kwáh ó꞉nenk tsi kanoronkwatserá꞉kon nó꞉nen tiónnheke.

Revelation 12:17

Eʼthó꞉ne ne rononwarontiétha wahanákwase ne iónkwe, tánon thóh niahá꞉re nasakoteriioserónhnien ne ronátiaʼkes ratitsaokónha, tsi nihá꞉ti ronatienawáston ne raoriwatátsheras ne Ní꞉io tánon ronatienawáston ne raotrorhiá꞉tshera ne Ié꞉sos.

Revelation 14:12

Kénen ne kén꞉tons tsi natehastiwishátste ne rotiiatatokéntis, né꞉ne tsi nihiá꞉kon iakotsenawáston ne raoriwatátshera ne Ní꞉io tánon iakotsenawáston ioriwató꞉ken ne tewetá꞉kwen raonhá꞉ke ne Ié꞉sos.