1 Sawátis 2:22 - Ohiatonhseratokénti

²² Ónka káti ne iakonówens? Ronnónha tsi nikáien ne rónthon ne Ié꞉sos iáh rahónha tèken ne Kerístos. Neh nihionkwetótens neh꞉ne ronwásons ne Kerístos—tetiáron ronwatiriwaswens ne Kanísera ó꞉ni ne Roiénha.

1 Sawátis 2:22 ပူးပေါင်းရင်းမြစ်များ

Matthew 24:24

Aseken enhatinakerenne nethone ne Keristos enhontatonni, Oni ne Rotitokense, ioriȣanerakȣatenion, teiotieronnionhaton oni tsi nenhatiieranion, aontonseke oni asakotinikonrotako ne iontatiatarakȣen.

Matthew 24:5

Aseken kentiokoȣanen enthonne nenhionksennenhaȣi rontonne: ii ne Keristos, nok kentiokoȣanen ensakotinikenrenhaȣe.

John 8:44

Neh nakȣa Ranesonronon ne etsiseȣaniha tsinonȣe oni tiseȣaientakon, neh kati oni iseȣere atsiseȣanikonraierite tsini hoskanektseroten ne etsiseȣaniha. Ok onkȣe shiraks tsi tiotasaȣe, iah oni tehokȣenion nahoriȣatokenhake, aseken iah tehoien ne tkariȣaieri. Ne hens nakȣa raȣerientakesson nahanoȣente; aseken ronoȣen, neh oni Ronȣaniha ne kohnoȣen.

1 Sawátis 1:6

Nók kí tóhka, entewénron tewakwékon ne rahónha, tánon sékon tsi tetiókaras nón nitionnhétie, ionkwanowenthonháties tetsarónkwen nowénnake ó꞉ni tsi nitewaweiennótens.

1 Sawátis 2:18

Kwáʼienokonha, ákta íwes ne tsi ieiótokʼte! Ietʼtsiróri ne rósons ne Kerístos éntʼtre; tánon ónenk ronatiokowánen ne ronwásons ne Kerístos ronatotáshon, neh káti aoríwa ionkwateriéntare ne tsi ieʼiótokʼte ákta íwes.

1 Sawátis 2:23

Ónka enhonwakénron ne Roiénha enhonwakénron kíʼ non꞉ne ne Kanisera, ónka enhonwatiénawaste ne Roiénha nikwekon kíʼ ne Kanísera.

1 Sawátis 2:4

Tóhka entewénron ehʼtsitewaientéri, tánon iáh tethewatewennarákwa ne rahotiawenrátsheras, ionkwanówens, tánon iáh tehionkwáien tkariwaiéri nontionhakéson.

1 Sawátis 4:20

Tóhkaʼ entewénron tsi tewanorónkwa ne Rawenni꞉io, nók ietʼthísons nakorénsons, ionkwanówens kíʼ. Asèken iáh tahónton natsitewanóronkwe ne Rawenni꞉io, tsi nikáien ne iáh thetsitewáken, tóhkaʼ iáh teietʼthinorónkwa nakorénsons, tsi nikáien neh ietʼthíken.

1 Sawátis 4:3

Nók ónkaki kén enhonwatenówente ne Ié꞉sos iáh teiéhawe nonikonratokénti ne Ni꞉ióʼne nahontaiawénon. Neh꞉ne Kerístos róhsons rahonikónra ráhawe; sarónken tsi éntewe neh nikanikonróten, tánon ónen kíʼ íʼhio neh nikanikonróten ne tsi ionwentsiáte.

1 Sawátis 5:1

Ónka nentiakétakwe ne Ié꞉sos rahónha ne Kerístos neh kíʼ tsi Rawenni꞉io sakoiénha; tánon ónka ronwanorónkwa ne kanísera iontatenorónkwa kíʼ nòn꞉ne ne sakoiénha.

2 Sawátis 1:7

Ronatiohkowá꞉nen ne rathinikonrátha tehonarénion tsi ionwentsiáte, ónka ne iontonhniha ne Ié꞉sos Kerístos thóh niʼioht tsi tawé꞉non tsi ní꞉ioht nónkwe. Ne nihionkwethóten kwáh ienikonrátha tánon ronwatkónte ne Kerístos.

Jude 1:4

Otsià꞉ke nonkweshónha ne iáh tehotiniioserá꞉ien tok thón tahón꞉ne nonkwanenrákon, tsi nihá꞉ti ne ronhnowénhtha nateriwanothátsera tsi nokwáh ne Rawenni꞉io rahoténrat ehnaʼontawe nahonthatiathotároh tsi nihathiweienʼnáksens, tánon ronwakenrón꞉ni ne Ié꞉sos Kerístos, kwáh raónha khók nónkwawenk Rahiatakweniio ó꞉ni Sonkwaiá꞉nere. Wahón꞉nise tsináhe tiotʼró꞉ri nohiathonseratokénti tsi nihothiienà꞉on ne karewathátsera.

Revelation 3:9

Ní꞉i kwáh enkeiónhnien tsi nihiá꞉kon ne thóh nón꞉we niiehiá꞉tare ne Ótkon raotióhkwakon tsi nihiá꞉kon né꞉ne iónton ratisitaheró꞉nons tánon iáh thóh tehatiiató꞉ten, ók ronhnowénhtha—ní꞉i kwáh enkheiónhnien ethò꞉ne tánon tenhontenʼtsó꞉ten sahén꞉ton ne shasità꞉ke, tánon enhatiweientè꞉thaʼne né꞉tho ní꞉i tsi konorónhkwa.