1 Sawátis 2:18 - Ohiatonhseratokénti

¹⁸ Kwáʼienokonha, ákta íwes ne tsi ieiótokʼte! Ietʼtsiróri ne rósons ne Kerístos éntʼtre; tánon ónenk ronatiokowánen ne ronwásons ne Kerístos ronatotáshon, neh káti aoríwa ionkwateriéntare ne tsi ieʼiótokʼte ákta íwes.

1 Sawátis 2:18 ပူးပေါင်းရင်းမြစ်များ

Matthew 24:11

Kentiokoȣanen oni ehnonȣe nenhotiketote ne Rotitokensetseraksen nok kentiokoȣanen ensakotinikonrakarhatho.

Matthew 24:24

Aseken enhatinakerenne nethone ne Keristos enhontatonni, Oni ne Rotitokense, ioriȣanerakȣatenion, teiotieronnionhaton oni tsi nenhatiieranion, aontonseke oni asakotinikonrotako ne iontatiatarakȣen.

Matthew 24:5

Aseken kentiokoȣanen enthonne nenhionksennenhaȣi rontonne: ii ne Keristos, nok kentiokoȣanen ensakotinikenrenhaȣe.

St. Mark 13:6

Aseken ronentiokoȣanen nentionksennenhaȣi, enhontonne: II ne Keristos, nok kentiokoȣanen ensakotinikonrakarhatho.

John 21:5

Nok ȣasakaȣenhase ne Iesos: kȣaienhokonha seȣentsiaien kenh ostonha naiehke? tontahonȣaȣennaȣeron, tahonniron: iah.

Romans 13:11

Tánon ken nahisewáiere, ne tsi sewateriéntare tsi niʼiowistáhe nónwa; ónen iakáhewe nahisewatʼkétsko tsi nisewéntaskwe. Asèken nenwenʼniseráteke nónen ne Rawenni꞉io enseshonkwaniákenʼte ónen sénha ákʼta íwas tsi ní꞉ioht ne kwáh shonthontiérenʼte shonthatsitewéthaʼkwe ne Ié꞉sos Kerístos.

Romans 13:12

Kwáh tsi shíken ní꞉ioht nashontʼténʼne íwere tahioswátʼtheʼne, tánon nennísera skanóronks áhonwe. Ánion ietewárek tsi nihioʼiontenseróhtens nashontenʼnékha. Ánion thetéwak ne ionteriʼiosthákwas naihtewateriʼiósthaʼkwe nentiékheʼne.

Hebrews 1:2

nók kíʼ nonakènkha tsi niwenniseraténions raonháke ne roiénha nónwe nishonkwataránis. Raonháke nónwe nitsawénon tsi kashahánion ne kwáh tsík nahoténson, tsi nikáien ne Rawenni꞉io rohiatarákwen ne oriwakwékon ahowenkónweke ne tsi iehiótokʼte.

1 Tiér 1:20

Rawenni꞉io roiatarákwen ne neh ohénton sontontonwentsiónni tánon onterihotashiónko kí꞉ken nonàken wenniseraténions níse sewariwá꞉ke.

1 Tiér 1:5

Í꞉se sáwenk, tsioríhwa tsi tieniahésen ne Kerístos rahónha ne raosatsʼténsera ne Rawenni꞉io kanikónrare tsi nióre iensèna kí꞉ken kaiatakeʼnhátsera. Kwáh enhiotáshionke nonàken tewenniserónthe nakwékon enhiontʼkátho.

1 Tiér 4:7

Tsi ieʼiotókʼte noriwakwékon ákta íwes. Ónenk tsi í꞉se entisewatatheniarótaroke ó꞉ni sewatateweiennentahónhak, naisewakwéni aisewaterénnaien.

2 Tiér 2:1

Ronteriwanotatsherátsens wahonthotashiónko nonkwé꞉ne tsi nitsawénon, tánon kwá ne sáka tsi enhonthotashiónko ne rohtinówens sakotirihonniénʼnis ne sewentiókwakon. Ne kíʼ enkaionte naisewakarónniathe, nonówen ateriwanothátsheras, tánon enhonwatonníhase ne Kerístos tsi nikáien sehsakoniakénton, tánon kíʼ kwá ienhontátkwase tahontaiawénstsi ahonníheie.

2 Tiér 3:3

Ne tiotserentákwen, kwáh teiontonwentióʼon naisewahnikonraiéntaʼne nonàken tewenniseráthes ótiakes enhontotashiónko ne tsi ronnónhne ne tiakoniarótaron ne kariwahétken ahskanéktshera. Kwáh ténʼiet tsi ieron

1 Sawátis 2:22

Ónka káti ne iakonówens? Ronnónha tsi nikáien ne rónthon ne Ié꞉sos iáh rahónha tèken ne Kerístos. Neh nihionkwetótens neh꞉ne ronwásons ne Kerístos—tetiáron ronwatiriwaswens ne Kanísera ó꞉ni ne Roiénha.

1 Sawátis 4:1

Tekanórons tewatenrosónhas, tóhsa tasewétak nónka íhienre iakoriwiʼióston, nók ietʼtsiʼiateniénten tóhkaʼ kén ni꞉ióʼne nón nitsawénon tsi iakoriwiʼióston. Asèken ronatiokowánen ne rohthitokentseseráksens tsík nonwéson nón nienhonenónseron.

1 Sawátis 4:3

Nók ónkaki kén enhonwatenówente ne Ié꞉sos iáh teiéhawe nonikonratokénti ne Ni꞉ióʼne nahontaiawénon. Neh꞉ne Kerístos róhsons rahonikónra ráhawe; sarónken tsi éntewe neh nikanikonróten, tánon ónen kíʼ íʼhio neh nikanikonróten ne tsi ionwentsiáte.

2 Sawátis 1:7

Ronatiohkowá꞉nen ne rathinikonrátha tehonarénion tsi ionwentsiáte, ónka ne iontonhniha ne Ié꞉sos Kerístos thóh niʼioht tsi tawé꞉non tsi ní꞉ioht nónkwe. Ne nihionkwethóten kwáh ienikonrátha tánon ronwatkónte ne Kerístos.

Jude 1:18

Wahetsiróri, “nó꞉nen enʼwahwe noʼnáken tewenniseráh꞉te, enhontotashon nónkwe ne taietʼtsiʼieron, ne nónkwe ne rathísere tsi nihonskáneks nok iáh tehonwaiathi꞉saks ne Rawenni꞉io.”