1 Sawátis 2:16 - Ohiatonhseratokénti

¹⁶ Kwá tsi nahoténsons ne tsi ionwentsiáte aówenk kwá neh iakoriwanerahakʼténnis ó꞉ni iakoskanekténnis ne iateiehiáti, nahóten nónkwe iontkáthos neh teiakotonwentió꞉ni, tánon kwá tsík nahoténson ne nónkwe iontkáthos tsi ionwentsiáte ne teiakorénsaron, kwá iáh tahóten neh kanísera nón nahontaiawénon, akwékon tsi ionwentsiáte nón nitionénon.

1 Sawátis 2:16 ပူးပေါင်းရင်းမြစ်များ

Genesis 3:6

Káti nó꞉nen ne ión꞉kwe ontkáhtho tsi niiorontanehrákwaht, tánon ó꞉ni ónhte wáhi tsi niwahiákon naiòn꞉iake ne aʼohik, tánon onnonhtónnionhwe ónhte wáhi tsi niionehrákwaht naiakoʼnikonhrowáhna. Sók kiʼonhianiiontá꞉ko tánon ón꞉iake. Tánon ó꞉ni wahó꞉ianonte ne ró꞉ne, ók wahá꞉iake.

Genesis 6:2

ne ratironhiaʼkehró꞉nons waʼkonwatí꞉ken kí ken nitiotiión꞉sa tsi nikontkahthohtsherí꞉ios; iaʼkonwatiiáʼténhawe tsi niká꞉ienʼs ne waʼkonwatinón꞉weʼne.

Job Tánon ne Raoronhiakensera 31:1

“Waʼkatatianerenhseronhnién꞉ni ne khá꞉rake; onkáti ní꞉ioht tsi akʼkenhé꞉ion ne kawí꞉non?

Psalms 73:6

Ne ká꞉ti aoríhwa tsi nihonthatón꞉ni thóh niwaʼtsésen nahiontkáto tsi ní꞉ioht ne ionhnitsiásthaʼ oronkwáhsa tánon tsi iahothènen tehonhnónhni ne kaianerénsera kwáh ne né꞉neʼe ahonatʼtseronhniáton.

Psalms 78:18

Kwáh thahónhnere tsi waʼhonwateniénten ne Rawenni꞉io tsi wahatirihwanónton ne kák꞉khwa tsi nihatiʼtkhwanónwatskwe.

Psalms 78:30

Ók shé꞉kon kíʼ ratiwaʼraniónwatskwe; tánon shé꞉kon satehonatskáhonkwe,

Proverbs 27:20

Nón꞉kwe nahò꞉ten ionhská꞉neks, ne shá꞉ka taié꞉ren tsi nón꞉we tionhonsaien ne kenhé꞉ion—tiótkon ne shé꞉kon ionáktote.

Proverbs 6:25

Tóhsa ká꞉ti iesahskanékten tsi niiotiiaʼtáhskats; tóhsa ne akarihón꞉ni aiesaié꞉na tsi kontkahrokeríkhonhs.

Daniel 4:30

Ne ronnontí꞉io wahén꞉ron, “Sewatkáhtho tsi niionatatshà꞉ni ne Babylon! Ne wakonniá꞉ton nʼakanatakweʼní꞉ioke naweʼnéhston nʼakesatsténhsera ó꞉ni teiotenonhianíhton, nʼakerenhsarónhtshera ó꞉ni kahsennowá꞉nen.”

Numbers 11:34

Né thóh nónhwe niwatenátaien né konwáiats ne Kibroth Hattaavah (né kéntons “Ionstatonkwanónwaks”), tsioríwa tsi thóh nónhwe nisakotiʼhiatáten nonhkweshón꞉ʼas ne iewaranónhʼwakskwe.

Numbers 11:4

Né nónhwe né thihononhontsátes skát꞉ke tehonatsʼtikafʼfenháties ne Israerʼró꞉nons. Kwáh íken tsi ratiwaʼranónhwakskwe, tánon káti ó꞉ni NʼIsraerʼró꞉nons roʼnónha ó꞉ni tahontásawen nahatirihwaʼkáthaʼte: “Tó꞉ka nek khók nahón꞉ton nahionhkwahwaʼraiéntaʼne!

Matthew 4:8

Sekon notkon tionontoȣanen niionsahoiatenhaȣe, nok Onȣentsiakȣekon ȣahonatonhase, oni tsiniiotieren ne tekarensaron;

Matthew 5:28

Katon kati nii, ok satekariȣaneren neneok oni takonȣakanerake ne tsiothonȣisen nakonȣaskanek-sekʼe.

Luke 4:5

Ethone notkon tsinonȣe tionontoȣanen niiahoiatenhaȣe, etho oni nonȣe ken ok nontakariȣestste onȣentsiakȣekon ȣahonatonhase.

Romans 13:14

Nók tesathatékwas neh ratheriʼiosthákwas ne Roiá꞉ner Ié꞉sos Kerístos, tánon sátkaf tsi ne sanontónnions ne sariwanerahákʼtsera ó꞉ni nahontasathatenikonraiériʼte tsi nahóten saskáneks.

1 Corinthians 10:6

Nónwah, oriwahkwékon kí꞉ken tethewahteienténston nonkwariwáhke, nahionkwahtohkáten ne tóhsa ahitewaskánehke ne kariwáksens, tsi né nihothiʼiéren.

Galatians 5:17

Asèken kíʼ tiónkwe tsi nahóten tehionkwatonwentió꞉ni tsi naitewátiere iotʼkónte ne Rahonikónra ne Rawenni꞉io tsi neh natehotonwentiónni tsi naitewátiere, tánon tsi nahóten ne Rahonikónra ne Rawenni꞉io tehotonwentió꞉ni tsi naitewátiere iotʼkónte nehne tiónkwe tsi nahóten tehionkwatonwentió꞉ni tsi naitewátiere. Tetsáron kí꞉ken tehiatátʼtions, tánon neh kí꞉ken kéntons tsi iáh tahónton thóh náshiere tsi naʼtesatonwentió꞉ni.

Galatians 5:24

Tánon tsi niʼiákon ne Kerístos Ié꞉sos rahonkwéta íken konwárhio akwékon nakoronhiakénseras ó꞉ni nakoskanéktseras.

Ephesians 2:3

Ne kwáh oriwihioʼónwe tewakwékon thóh nihiotón꞉ne ó꞉ni thóh tiónʼnhekwe kwáh tsi nihiorenʼnáhonne ne thènen ahitewaskáneke, kwáh tsi nentsioʼiánerase nonkwaierónta ó꞉ni nonkwanikónras. Tsi ónkweʼíken ó꞉ni tsi nitewaweienʼnhótens tsi ní꞉ioht nakorénson, nók ionkwarárek nahionkwaronhiákente ne Rawení꞉io rahonakwátsera.

Titus 2:12

Nètho kenténrat ionkwahrihonniénnis nahitewatiakwarísi nahóten ne iáh tehioriwi꞉iostontseraien tsi ionkwatenniseratenion ó꞉ni ne tsi ionwentsiates ahoskanektseras, tánon tsi nihionkwatenniserathenions titewahniarotarok, ionkwatonkwetakwarishiónhak, tánon aionkwahrihwiʼióstonhke tsi tiónnhek ne kén꞉en ionwentsiáte

Titus 3:3

Asèhken ontionhá꞉a ó꞉ni iehiotherátsʼton tionkwatonʼnótʼthakwe, iáh theʼtewahtewennaráhkwaʼkwe, tánon thehionkwaterientawénrie. Tewahnáskwa kèn꞉ne tsi nòkwa ne onkwaskanektsheraʼókon ó꞉ni ne niatékon ahtenikonrohriátsheras ne kwáh tsík nahiotónhake. Kanhakwatserákon nón niʼionkwatiesatonhátieskwe tánon ne kahnoshátshera; ne rohnatsiakhésons ionkhísons tánon ní꞉i ietʼthísons.

Ne꞉ne Sák Rohiaton 3:15

Né niwanonthonniontseróten iáh ne karonhiáke non tethewétha; né꞉ne tsi ionwentsiáte ahówenk, iáh tehioriwiʼiosthontseráien nók kíʼ hionesonronnontseráien.

Ne꞉ne Sák Rohiaton 4:16

Nók ónen kwáh íhken tsi satatón꞉ni, tánon tesathaterénsaron; kwá tsík nahiotónhake tsi tahiontaterénsaron tsi wahétken.

Joshua 7:21

Tsi nahoʼténhsons iehionkwáha wakatkátho tsi nihiohiánere Babylonihiaró꞉non tehiontewehiarákwah, tánon kák꞉non ne wísk nikakonhtserá꞉ke nihióksthe kawistará꞉ken, tánon skakonhrétʼtsa owistanó꞉ron ishiʼnónhwe ne skakónhtsera nihióksthe. Tsi nió꞉re tsi waʼtewakathonhóntsose hiahákhawe. Enseʼtshén꞉ri wakashé꞉ton nakatohserá꞉kon, kawisthará꞉ken tewakenonhkhonniáton.”

1 Tiér 1:14

Tsi sewawennarákwak ne Rawenni꞉io, tánon tóhsa sewatʼthóntat ne tsi tiónnhe ne aióhawe tsi nahoténsons sewaskánekskwe ne sékon iáh sisewateriéntarakwe.

1 Tiér 2:11

Kwanekénnis, tewatenrosónhas, tsi kenkʼthitionkwénon ó꞉ni ionkwanahtenháwis ne kén꞉en ionwentsiáte! Tóhsa sewatiakwarísias tsi nitewaskáneks noierónta, nehʼne tsi tiókonte ionaterí꞉io natónnhets.

2 Tiér 2:10

Kwáhʼsénha tsi niháti né꞉ne ratísere tsi natehiótion ne rahotiʼierónta ahoskanéktsheras tánon ronataróntion ne Rawenni꞉io rahohianerénsera. Kí꞉ken rohtinówens sakotirihonniénnis kwáh rohtikonsanírons ó꞉ni rontatónni, tánon kwáh iáh othènen karíwa tehonnónni ne rohtihiatanerákwas ne éneken tonnónnhes; kékenk, ronwatinikonrakarewátha.

2 Tiér 2:18

Rontathonniénnis ne kanaiésera ó꞉ni tehiotenonwaroríthonte tsi nahótens rontónnions, tánon rónsta ne ioteriwatéha ne ratiʼierónkes tsi sakonaskanekténnis tsi asakonaterístaien tsi nihiákon ne ónwak iakotasawátie nahonwanatékwase nónkwe neh thóh nónwe nihonónnhe ne aterientawenrhietserákon.