1 Samuel 9:24 - Ohiatonhseratokénti

²⁴ Ne rahkhón꞉nis iahanitsʼtsáko tánon ne iowenhté꞉nions tánon thóh wahá꞉ren raohén꞉ton ne Saul, ne Samuel wahén꞉ron, “Satkátho, tsi nahó꞉ten ne wateweiénʼtonkwe sahén꞉ton ónt꞉ren. Tehsatská꞉hon: tsioríwa tsi í꞉se ieʼsateweientón꞉ni tsi ní꞉iore ienká꞉hewe naiesaiataráko, ne ní꞉se nahón꞉ton skát꞉ne tahisewatská꞉hon ne iontathonʼkaráwi.” Káti ne Saul wathiaʼtónte ne Samuel nètho shiʼwenhniserá꞉tekwe.

1 Samuel 9:24 ပူးပေါင်းရင်းမြစ်များ

Exodus 29:22

“Skwé꞉tar ne teiotinakaronhtónʼa rahoresénhtshera, ne iothasaʼrésen, ne iorésen ne rahiatakónhsons, né kwáh tsoiánere ne rahotwénhsa, ne tékeni raostiéhseri ne iorésen iorahnenhtáʼkons, tánon ne saweientetáhkwen nahanítʼtsati.

Exodus 29:27

“Nó꞉nen ne ratsihénstatsi enhonwariwaníratʼtse, né raronhkwenàke ó꞉ni ne ranhitsáke ne teiotinakaronhtónʼa rátsinn né꞉ne wásthon tsi ronhwatiriwahniráti né enhiontsathakweʼní꞉iosthe né꞉ne kwáh katokénhston athatawítsera tánon né karakwáhthon kaienthákwen ne ratitsihénsthatsis rahotiriwáhke.

Ezekiel 24:4

Tánon thóh sèhtah ne kwáh kawahrí꞉io— né꞉ne kanensà꞉ke tánon ne oshínas— ne ó꞉ni thontásrat ne tekaiestháshion óstsiens.

Numbers 18:18

Nétho owáron íse nénhne sáwenk, tsi kíʼ ní꞉ioht nawenhskwéna ó꞉ni ne saweienhteʼtákwen nonàken nahasínati ne katokénston iewatkàwen.

1 Samuel 9:23

Tánon ne Samuel wahawénhaʼse ne rakhón꞉nis, “Tá꞉saf ostón꞉ha nètho owá꞉ron tkhoniá꞉wi, tsi niká꞉ien ne konriwanontónni ákte nón꞉we náhshien.”