1 Samuel 9:15 - Ohiatonhseratokénti

¹⁵ Nón꞉wa sewenʼnísera ohénton ne Saul áraʼwe, ne Roiá꞉ner waʼorihotáshien ne Samuel:

1 Samuel 9:15 ပူးပေါင်းရင်းမြစ်များ

2 Samuel 7:27

Asèken ní꞉se, Ó Sheiá꞉ner ne ratironhiakeró꞉nons, ne sheʼNí꞉io NÍsraerʼronónke, washón꞉ni kíken naskerihotháshiaʼse, satón꞉nions, ‘Kwáh í꞉i enkonhnonsónhnien’; ne kíʼ aoríhwa ne í꞉i ne sanhá꞉tsera waketshénri ne kanikonranirát꞉tsera ne iaterénhnaient ne shonháke.

Job Tánon ne Raoronhiakensera 33:16

ethò꞉ne enhanontonhkwenháton ne ratihontakésons, tánon wasakoterónhkwen tsi nisakoronkathénhnis;

Psalms 25:14

Nahonwaʼterosehrónhnien ne Roiá꞉ner né꞉ne tsi nihiákon ne ronwaʼtsánis, tánon sakawenesténhnis ne raoterihwaseronniátsera.

Amos 3:7

Oriwiioʼón꞉we ne Roiá꞉ner tsi iáh oh thé꞉nen thahá꞉iere, ne iáh ohén꞉ton thahshakorihotahshienní꞉re ne karihwahséhton ne raonkweʼtaʼshón꞉ʼahs rotitokénhse.

Acts 13:21

Tánon nʼónen sahathiriwanónton ne Kanontiʼiótsera, ne Rawenni꞉io Saul wasakahonkwéton nehne Kish roiénha tánon nehne Benjamin raotiʼtiókwakon non nitawénon, nehne raónha asakonontí꞉ioʼke ne kaiéri niwásen niʼioseráke.

Acts 27:23

Asèken tiokarása ne Rawenni꞉io raoronʼiakerónon tsi nikáien ne raónha rahonkwéta ni꞉i tánon ó꞉ni tsi nikáien ne risénnaiens wahatiatórenne

1 Samuel 15:1

Samuel wahawenhá꞉se ne Saul, “Ne Roiá꞉ner tahakaténiete nakoniená꞉ro naiesaʼnontí꞉ioste ne raonkweʼtashón꞉ʼahs Israerʼronónke; ó꞉nen ká꞉ti satahónsatat ne raowennaókons ne Roiá꞉ner.

1 Samuel 20:2

Ne raónha wahawénhase nenenhʼné꞉eh, “Ahí꞉non ít꞉ken! Ní꞉se kwáh iáh thasíheie. Ne rakení꞉ha iáh othènon tahá꞉iere neh nahiorihowanénhke khéhs nahioriwáskha neh iáh í꞉i ohén꞉ton tehatróriaʼne; tánon ónhʼnontiéren ne rakení꞉ha naharihwáshete kí꞉ken? Iáh nonwénhton thóh tahá꞉iere!”

1 Samuel 3:21

Ne Roiá꞉ner iehokontákwen tsi ratotáshionsʼkwe ne Shiloh nón꞉we, asèken ne Roiá꞉ner kwáh raónha wahothotáshien ne Samuel ne Shiloh nón꞉we thóh raoʼwénhnake ne Roiá꞉ner.

1 Samuel 9:14

Sók kiʼ kaná꞉takon niahá꞉ne. Tsi ó꞉nenh tó꞉wa iaʼninatá꞉rane, wahonwáken Samuel thóh nontahawenonhátie tsi nón꞉we níh꞉ne thóh niaʼhawenonhátie tsi tsetsenharákwah.

1 Samuel 9:17

Nó꞉nen ne Samuel sahó꞉ken ne Saul, ne Roiá꞉ner wahoró꞉ri, “Ne kí꞉nen ne rón꞉kwe ritón꞉hon ne shonha꞉ke. Raónha entesakoniaʼrótaroʼke nakonkweʼtashón꞉ʼahs.”