1 Samuel 8:8 - Ohiatonhseratokénti

⁸ Kwáh tsi niʼiontiéraʼse ne thóh tewenniseráteʼkwe shaʼthontakheiaʼtínekenʼwe ne Egypt tsi ní꞉iore nón꞉wa wenhniseráte, ionkatewentéton tánon ne waʼkonwatiʼiótense ne tikaniʼioseraténions, káti kwáh ó꞉ni éhʼtho niʼiesaierasehátie.

1 Samuel 8:8 ပူးပေါင်းရင်းမြစ်များ

Psalms 78:8

tánon iáh tehiówenk ne thóh nahatihiathoténhake tsi ní꞉ioht ne sakotisotʼthonhkonkénʼen, rotiʼnontsistaníron tánon ratirihwaʼnónhwe ronhnónkwe, né꞉ne ónhkwe nakaweriáne iáh tehiorihwatóken, tsi thonwetákwen ne Rawenni꞉io iáh tehiorihwatóken.

Exodus 16:3

tánon wahonwanénhase, “Iaʼkwaʼskáneks ne Roiá꞉ner ahontashonʼwanonhwaʼriákonʼke ne Egypt. Ne thóhʼnon kwáh nènhneʼe ahiotónhʼon ahionʼkwahtsiénʼtake tánon ahionʼkwahwaráhkonke tánon ó꞉ni nohiàsons nakakhó꞉tens tsi ahiaʼkwéʼrehke. Ók kènʼen taskwahiatén꞉haʼwe kahentakeʼkowàhne nastsionkáʼrhiakʼte tsi ahiaʼkwénheʼie.”

Exodus 17:2

Wahonwariʼwaká꞉tatʼtse ne Mahís tánon wahonníron, “Thakwanékanont nahiakwanekírah,” Wathariwaʼseráko ne Mahís, “Onhʼnonhʼtiéren tsi sewariwakaʼténhʼen? Onhʼnontiéren tsi entsisewateʼniéntha ne Roiá꞉ner?”

Exodus 32:1

Nónen nonhkweshón꞉á sahóntʼthoʼke ne Mahís tsi iáh thatethoʼnonhtátsnenhton ók thóh karíwes iéres, Aaron wathonwatiáʼthaton tánon wahonwénhase, “Iáh tehionkwahteriéntare onhʼnahoʼhiatawénhon kí꞉ken rónhkwe Mahís, tsi nikáien teshonʼkwahʼhéntense tsi tetsionhkwahiakénʼen ne Egypt; káti takwahniʼioʼsehrónhnien nashonʼkwahéntense.”

Jeremiah 34:14

tiókonhte ne tsáta nihiosehráhke sonwahnátkaf ónhka ne Hebrew akénhake ne ne iáhiak nihiosehráhke ashakohiótenʼse. Ók kíʼ ne sehwahsótʼtshera iáh thènenh karíhwah tehionkónhni iáh ó꞉ni tehonathahonsahtháton tsi niwáhken.

Ezekiel 2:3

“Rónhkwe iaiénha,” wahénron, “Wakonhiatenietáhne tsi tatitáhrahien ne Israel, nonhkweshón꞉ʼa ionhkewenhnónhties. Ne shakothisotʼthonkonhkénʼen kwáh tsi tiotásahwe tsi ionhkewenhnónhtion, tánon shé꞉kon nihonahthonkwetatʼsháton tsi nòkwah ní꞉ih nónhwa niwenhnisherahthénions.

Numbers 16:41

Nóia shahiórenhne kanenhrakwékon wahonwarihwakatáʼtshe ne Mahís tánon ne Aaron tánon wahonhníron, “Óhtsiakes wasehnonhwariakhónhnion ne Roiá꞉ner rahonkweʼtashónhas.”

Deuteronomy 9:24

Wesewateraiá꞉takwe tsi nokwáh ne Roiá꞉ner né꞉ne kwáh sonhtakwaienteráhne tsi thóh sisewahiató꞉ten.

Judges 13:1

Á꞉re nʼIsraerʼró꞉nons Sahatirihwánerake tsi nòkwah ne Roiá꞉ner, tánon washakoríhon ne Philistiaró꞉nons rahonwanatkórasthe né꞉ne kairihniwá꞉senh nihioseráke nikaríhwes.

Judges 2:20

Ethòne kíʼ ne Roiá꞉ner enhotenakwahwénhratʼtse tsi nòkwah ne Israerʼró꞉nons tánon enhénron, “Kí꞉ken kawatsírathe tehothiʼiákon naterihwasenhronhniátsera né kherihwatháti ne shakotisotʼthonkonhkénʼen nahatísehre. Né entkarihón꞉ni tsi iáh tehionkewenhnarákwen,

Judges 4:1

Sharénheie ne Ehud, nonhkweshón꞉as Nisraerró꞉nonke shé꞉kon á꞉re sahatirihwánerake tsi nòkwah ne Roiá꞉ner.

Judges 6:1

Shé꞉kon á꞉re hionhsónhterasthe nonhkweshón꞉as Nisraerʼró꞉nonke sahatirihwánerake tsi nòkwah ne Roiá꞉ner, káti washakoríhon ne Midianró꞉nons nahonwanatʼkó꞉rasthe né꞉ne tsáta niʼiosehráke nikaríhwes.

1 Samuel 8:7

tánon ne Roiá꞉ner wahawénhase ne Samuel, “Sheʼiatahónsatat tsi nihón꞉ton nonkweʼókons oriwaʼkwé꞉kon tsi niʼhontónhnions ne shonháke; aséken iáh ní꞉se teiesakenronhníhon, ók roʼnón꞉ha wahonkʼkénron ne tsi kenontí꞉io í꞉ken.

1 Samuel 8:9

Ó꞉nenh káti, satahónsatat ne raotiwennaókons; ne khók—ní꞉se kwáh ioriwaníronk tsi shehiaronká꞉ten, tánon senikonraién꞉tat tsi nenhiotónhake ne raoʼtinontí꞉io tsi nenhsakótseraʼse.”