1 Samuel 8:4 - Ohiatonhseratokénti

⁴ Eʼthóhʼne ne ronhnón꞉kwe NÍsraerʼronónke wahontiataróroʼke tánon Samuel wahonwatʼkenséra tsi thénteron ne Ramah nónwe,

1 Samuel 8:4 ပူးပေါင်းရင်းမြစ်များ

2 Samuel 3:17

Ne Abner iasakoteriwaniéten ne thotí꞉ions ne Israerʼronónke, rahtón꞉nions, “Asèken kwáh thóh tsi ná꞉he tsiotohétston ní꞉se tsi tsiatísaskwe ne Táwit tsi neh ianontí꞉io ní꞉se.

2 Samuel 5:3

Káti ratikwé꞉kon ne thoʼtíions NÍsraerʼronónke tahón꞉ne raohén꞉ton ne ronnontí꞉io ne Hebron nón꞉we; tánon ne Ronnontí꞉io wahrón꞉ni ne kaianerénhsera skátne ne ronónhsa thóh nón꞉we ne Hebron raohén꞉ton ne Roiá꞉ner, tánon wahonwaiataráko Táwit nahonontí꞉ioke kanakeraserakwé꞉kon Israerʼronónke.

Exodus 24:1

Ne Roiá꞉ner wahawénhase ne Mahís, “Káts akonhàke nonhtáse kènʼen tsi iononhtáhere, íse tánon ne Aaron, Nadab, Abihu, tánon ne tsáta niwáhsen niháti ne sakotiʼhentènhse ne lsraerʼró꞉nons; tánon tsi ioʼtiesáonʼk shé꞉kon kwáh kén nióre théses, teshaʼtsháket saterénhnaien.

Exodus 3:16

Wáhs sehiaʼtaró꞉rok ne ohénton iehonʼnèton ne lsraeró꞉nonke tánon sehró꞉ri tsi Í꞉i, ne Watiá꞉ner, ne RaotiʼNí꞉io ne sakotiʼsotthonkonhkènʼen, ne RaotiʼNí꞉io ne Abraham, lsaac, tánon ne Jacob, wahiaʼthoʼtáshien. Sehró꞉ri tsi táh꞉ke tánon wakatʼkáton tsi niʼhonwatiʼiérahse ne Egyptró꞉nons.

1 Samuel 1:19

Oronkétsʼtsi wahontkétsko tánon wahonwasénhnaien ne Roiá꞉ner; eʼthóhʼne ó꞉nenh tsi thoʼtinónshoʼte nionsahón꞉ne thóh nón꞉we Ramah. Ne Elkanah sakoientériʼkwe ne ró꞉ne Hannah, tánon ne Roiá꞉ner shaʼrehiáraʼne.

1 Samuel 11:3

Ne thonnonkweʼtaions ne Jabesh wahonwénhase, “Tation tsá꞉ta nón꞉ta nikarí꞉wesʼ askwateráraʼte neh nahón꞉ton ratirihwakarénies iahiaʼkiiaténieʼte tsi niwatenáskwa ne Israerʼronónke. Eʼthóhʼne, tó꞉ka iáh ónhka thahionkiʼnónstate, kwáh kiʼ ienhiakwatatákʼkaʼwe shonhá꞉ke.”

1 Samuel 7:17

Eʼthó꞉hʼne énsraʼwe ne Ramah, asèken thóh nón꞉we nihononshótaʼkwe; rahón꞉ha sakohkó꞉rakwe NʼIsraerʼró꞉nons neh nón꞉we, tánon wahahónhnien ietsenharákwa ne Roiá꞉ner.

1 Samuel 8:10

Káti ne Samuel wathateriwaréniaʼte ne raoʼwenhnaókons ne Roiá꞉ner roʼnonháke nonkweʼókons tsi ronón꞉ha ronwariwanontón꞉nisʼkwe ne kanontiʼiótsera.