1 Samuel 7:7 - Ohiatonhseratokénti

⁷ Nó꞉nen ne Philistiaró꞉nons sahatiʼriwáronke nètho Israerʼró꞉nons tsi ronanitsiokwaró꞉ron ne Mizpah nón꞉we, ne Philistines rotiʼnontí꞉ios iahón꞉ne iashakonatiatónhti NʼIsraerʼró꞉nons. Tánon nó꞉nen NʼIsraerʼró꞉nons shahatiʼrihwáronke wasakotitsániʼke ne Philistines,

1 Samuel 7:7 ပူးပေါင်းရင်းမြစ်များ

2 Chronicles 20:3

Né Jehoshaphat wahoteronhiénhten tánon rahonháke ne Roiá꞉ner iahaterénhnaien nahoʼiénawaʼse. Ethòne kíʼ ó꞉nen washakónhaʼne nahonenhtónhtsete né kwáh tsi nikanakeráhsera.

Exodus 14:10

Nó꞉nen ne lsraerʼró꞉nons sahonwáken ne ronhnonhtí꞉io tahoʼtiokwíne ne rahonkwetashón꞉ʼas ronteríios niasakoʼnenhrénten, kwáh íken tsi wahoʼnateronhniénten tánon rahonhàke ne Roiá꞉ner hiatoʼthihénrethe nasakoiénahwaʼse.

1 Samuel 13:6

Nó꞉nen ne NʼIsraerʼró꞉nons shasakotíken tsi ronanikonrokʼtáon (asèken ne ronterí꞉ios kwáh í꞉ken tsi ioní꞉ron tsi nahonterí꞉io), nonkwé꞉okon wahontashetánion tsi iostenrakarónhtons ó꞉ni tsi ioshonwéhnions tánon nostenrákes kassonhionniá꞉nions ó꞉ni ohontsokónsons tánon tsi nón꞉we nihatiʼnekará꞉kwa.

1 Samuel 17:11

Nó꞉nen ne Saul tánon ratiʼkwé꞉kon NʼIsraerʼró꞉nons wahonatʼthóntene kí꞉ken raowenhnahó꞉kons ne Philistiaró꞉non, kwáh í꞉ken tsi wahonhnikonrók꞉ten tánon kwáh í꞉ken tsi wahotíteronhne.