1 Samuel 7:14 - Ohiatonhseratokénti

¹⁴ Ne kanatowá꞉nenhs nètho Philistines ronwaʼtíkwen ne Israerʼró꞉nons Roiá꞉ner thontaʼsakáwen NʼIsraerʼró꞉nons, thóh tontá꞉sawen Ekron iaʼhón꞉we ne Gath; tánon ne Israerʼró꞉nons sahatiʼiéna ne raotiʼnakerá꞉sera thonsahonwatiʼshiotarísi ne Philistines. Kwáh kiʼ skénnon shón꞉ton tsi natehón꞉tere ne Israerʼró꞉nons tánon ne Amorʼró꞉nons.

1 Samuel 7:14 ပူးပေါင်းရင်းမြစ်များ

1 Chronicles 18:1

Onahkén꞉ke ne Ronnontí꞉io Táwit shé꞉kon ionhshasakotiaʼtónhti ne Philistiaró꞉nons tánon wasakosénhni. Éhʼren waʼsakoiatenháwiʼte tsi thotiniarotháronhne ne tsi kanatowanénhke ne Gath tánon nathatiesónhas kanataiéntonskwe.

Psalms 106:34

Iáh tesakonathónhton nonkweʼshónhas, tsi nisakonhá꞉hon ne Roiá꞉ner,

Numbers 13:29

Ne Amalekró꞉nons entiéne né nokwáhti iotohetstákwen nónwe nihatinákere; ne Hitró꞉nons, Jebusites, tánon ne Amorʼró꞉nons tsi iononhtarónhnion né tsi kanakeraseráien né nónhwe nihatinákeres; tánon ne Canaanites ákta nènhne ne Mediterranean Kaniatarakhekówa nónhwe nihatinákere tánon aktóntie ne Jordan kaniataratátie.”

Deuteronomy 7:16

Ieʼtsihiátont ratikwé꞉kon ne niatehononhontsá꞉kes ne sewashatstenhserá꞉kon nónhwe ne Roiá꞉ner nenshakotʼkà꞉we, tánon tó꞉sa othé꞉nen ietshinaʼtónhas nataniténron. Tó꞉sa ietshisén꞉naien ne rahotiní꞉ios, asè꞉ken ne ensewáriote.

Deuteronomy 7:2

Nó꞉nen ne Roiá꞉ner saNí꞉io sashatstenhserá꞉kon nón꞉we nenhsakotkà꞉we kí꞉ken onhkweshón꞉a tánon ensheʼsén꞉ni, ó꞉nenk tsi ratikwé꞉kon ensenonhwarià꞉kon. Akwáh tó꞉sa thé꞉nen iatesewateriʼwá꞉iest ne ronónha tó꞉sa ó꞉ni thé꞉nen ietsinaʼtónhas nataniʼténron.

Joshua 10:5

Kí꞉ken NE Amorʼró꞉nons ne wísk nihotinonhtihiotsherá꞉kes, ne ronhnonhtí꞉io ne Jerusalem, Hebron, Jarmuth, Lachish, ó꞉ni ne Eglon, iathonnitsiokwáiesthe, watkonwawá꞉nake ne Gibeon, tánon iakonhwatiaʼtón꞉ti.

Joshua 15:11

Ne tsi karistatátie thóh nionhsáwe tsi ionhniarónhnion ne othorè꞉ke nokwá꞉ti ne Ekron, hiatkahiósaien ne Shikkeron, hiahontó꞉hetste ne tsi Ionónhte ne Baalah, thóh nionhsáwe Jamnia. Iat꞉taʼne ne Mediterranean Kaniatarakeʼkó꞉wa,

Judges 4:17

Ne Sisera tsi wahatèko tsi tsothatosehróthe ne Jael, niahá꞉tatke, né ró꞉ne né꞉ne Heber né Kenró꞉non nahahiathó꞉ken, tsioríhwa ne Ronhnonhtí꞉io Jabin ne Hazor nónhwe tsi skénnonk thiʼkènʼne tsi nòkwah ne Heber rahowátsire.