1 Samuel 7:12 - Ohiatonhseratokénti

¹² Eʼthóhʼne ne Samuel iahanenhiénhawe thóh wahanenhióten tsi naʼtetiátere ne Mizpah tánon ne Jeshanah, tánon ne wahanátonkwe Ebenezer, asèken wahén꞉ron, “Tiaʼkarihwaʼkén꞉niaʼte tsi ní꞉iore nón꞉wa Roiá꞉ner shéh washonwaʼié꞉nawase.”

1 Samuel 7:12 ပူးပေါင်းရင်းမြစ်များ

Genesis 22:14

Káti NʼAbraham neh nón꞉we niwatenà꞉taien ne wahaná꞉tonhkwe, “Roiá꞉ner enthahtkaʼwe.” Tánon shé꞉kon nón꞉wa niwenhniseraténion nonkwehshón꞉ʼa ne ión꞉ton, “Tsi rotenontáhere ne Roiá꞉ner non nithahtká꞉was.”

Genesis 35:14

Né Jacob wahanenió꞉ten tsi nón꞉we naʼtehotihthá꞉rahkwe; tánon tho tahahnekáweron ne oʼnenharákeri ne iahá꞉tate, tánon ó꞉ni tho taháweron ne iakeniewáhtha kèn꞉ie.

Psalms 71:17

Ó Sewenní꞉io kwáh siʼkeksʼsáha teskerihonhniénhni, tánon shé꞉kon nikherohrhiánions nonkweshón꞉ha ne iorihwanerakwaténions tsi nisatieránion.

Psalms 71:6

Shonháke nón꞉we siʼkeniahé꞉sen né꞉ne kwáh shontakenhnákerate; kwáh shontakenhnákerate í꞉se sistiatanonstháties. Kwáh káti tiókonte tsi thenkonhnonhweratón꞉sehke.

Exodus 17:15

Ne Mahís warónhni ientsienharáhkwa tánon ne wahanáhtonkwe “Roiá꞉ner sehʼnakeniataʼroharátsera.”

Isaiah 19:19

Né thóh entewenhniseráteʼke ieʼtsienhará꞉kwah enhatiʼien ne raorihwàke ne Roiá꞉ner thóh satehʼionhontsíhen ne Egypt, tánon enhonwahnawahathókʼthase ne Roiá꞉ner ákta ne tsi ronateristhaʼtátie.

Acts 26:22

Nók tsi nióre nónwa wenniseráte Rawenni꞉io ratienawasehaties, tánon káti kén꞉en ìkete sewakwékon kwaróris, kwáh akwékon satahiotónhake. Tsi nahóten káton kwáh neh sahoríwa tsi nihónen ne roʼnatiatátkonʼkwe ó꞉ni ne Mahís tsi niháwen tsi neniáwenne:

2 Corinthians 1:10

Rawenni꞉io sahshonkwaiá꞉tako tsi ní꞉ioht tsi teionkwatenharenʼronhkwén꞉ni ne kenhé꞉iat, ó꞉ni kwáh orihwí꞉io waʼatión꞉ni tsi shé꞉kon eh nenhsáh꞉iere.

Joshua 4:9

Ne Joshua tékeni nónhne iawénhre nikanénhiakes wahanenhiotónhnion ne satekaniataríhen ne Jordan, tsi nón꞉we niháthakwe ne rokhá꞉res ne rahawákwe Nateriwaʼseronhniá꞉tshera Oʼneró꞉kwa. (Nonenhiasónhas shé꞉kon thóh khakè꞉rons.)

1 Samuel 14:35

Tánon ne Saul wahahónhnien ietsenhahráhkwa ne Roiá꞉ner; ne ne tontiérenhte wahahónhnien ne ietsenhará꞉kwa ne Roiá꞉ner.

1 Samuel 4:1

Tánon ne raoʼwenhnaókons ne Samuel wahakoiatórenhne ratiʼkwé꞉kon Israerʼró꞉nons. Ne éhʼthohʼnon shiwenhniseraʼténionsʼkwe ne Philistiaró꞉nons waʼhontenenhraʼserón꞉ni ne nateriʼiósera niaʼkonwatsatónhti Israel, wahontaʼthoserotónnion ákta ne Ebenezer, tánon ne Philistine ákta ne Aphek nón꞉we thonatathoseró꞉tons.

1 Samuel 5:1

Nó꞉nen ne Philistine sahatiʼié꞉na ne raoʼneró꞉kwa ne Ní꞉io, Ebenezer nón꞉we tahatíhaʼwe tsi niahón꞉ne Ashdod;

1 Samuel 7:11

Tánon ne ronhnón꞉kwe NʼÍsraerʼronónke sahatiʼiákenhne ne Mizpah tánon wahonwatísere ne Philistines tánon wahonwatiʼnonwarhiakhónnion kwáh tsi ní꞉iore ne iehiotohétston ne Beth-car.