1 Samuel 6:5 - Ohiatonhseratokénti

⁵ Káti ó꞉nenk tsi ensewatsiaʼtonhniseronniáhnion niwásas tahonsakaierontárake tsi wesewatkarotakwarontáseron sewatsiatonhniseronniá꞉nion otsinionká꞉ron nètho waʼhatihétʼkente nohón꞉tsa, tánon taʼtsítson kaiatanerakwátshera ne sakoʼNí꞉io NʼIsraerʼró꞉nons; tokaʼnón꞉wa iáh thaʼtahonsahotsanátsʼteke ne tsonhá꞉ke ó꞉ni ne sewaní꞉ios tánon ne tsonhontsáke.

1 Samuel 6:5 ပူးပေါင်းရင်းမြစ်များ

1 Chronicles 16:28

Taʼhonwanonhweráton ne Roiá꞉ner, onhkwetaʼkwé꞉kon nonwenhtsáke, teionhtenonweráhton ne raoiatanerahkwáhtshera ó꞉ni ne raoshastsʼténhsera.

1 Chronicles 16:29

Teiontenónweʼráhton tsi nihhosenhnaʼneráhkwa ne Roiá꞉ner; tashewáʼhaf natataʼwítshera tánon tasewatáweiat ne Raononsatokentiʼkówaʼne. Teʼtsisewaʼthentʼtsóthas raohénton ne Rotokentiʼónhwe nó꞉nen enhokéthoʼte;

Psalms 18:44

Saskeniá꞉kente tsi nòkwah ne ronteriʼioseranónwe onkweókons; waskatiénawaste í꞉i ohénton iatesét꞉taste tsi nòkwah ne ronhnonhontsakerónons; ne nonkwé꞉okons ne iáh tekheientérine wahontsió꞉tenhse.

Psalms 32:4

Tsi niwenhnísehres ó꞉ni tsi niwahshóntes tsi wahsekrehwahthe, Saiá꞉ner; kwáh iáh othènen teséts꞉thakwe, kwáh tsi ní꞉ioht notsítsa tsi wastátʼthens nó꞉nen kwáh iorakwahtaríhen nakenhnáke nikaháwi. Selah

Psalms 39:10

Tó꞉sa sénha ishiʼnónhwe natatré꞉wat; ó꞉nenh thó꞉wa akíheʼie tsi niskatianaiahát꞉kons.

Psalms 66:3

Tsisehwaʼró꞉ri ne Rawenni꞉io, “Tsi niioriwanerakwaténion tsi nihaié꞉ra! Né aoríhwa tsi nisashaststenserowánen ne iesáhshons waʼhontʼtókerihke ne sahénton.

Exodus 12:12

“Nètho enhiokaratserátheʼke kwáh iatenkatonhontsohétsthe ne Egypt, khenonhwarhiakonhátie ne tohʼnatierénton roʼnahnakeráton ne roʼtiskenràkete, tetsarónhkwen ne ónhkwe ó꞉ni ne katʼtshénen, tánon kherewahtonátie ratikwékon ne Egyptró꞉nons raotiʼníios. Í꞉i ne Watiá꞉ner.

Exodus 8:17

Sók káti ne Aaron ohontsàke wahanonwaʼreʼke ne raónia, tánon akwékon tsi nihiokènrahien ne Egypt nikaʼtsinonwá꞉sa iatewatʼténi, tsi né tahiaʼkoróhrokʼte nonhkweshón꞉ʼa ó꞉ni ne konhtitshénens.

Exodus 8:24

Ne Roiá꞉ner kwáh ionhtiʼhonwaroʼwánens iaʼsakoténieʼthe rahoʼnónskon ne Ronhnonhtí꞉io tánon ne tsi thatiʼterónhton ne rahoʼnhatsherahókons. Kwáh ohontsakwékon ne Egypt tsi wahaʼtihetʼkenʼte nʼotsíʼks.

Exodus 8:5

Ne Roiá꞉ner wahawénhaʼse ne Mahís, “Tsró꞉ri ne Aaron iehá꞉tat ne raoténnhits èhʼneken ne kaniaʼtaràhke, tsi kanatserahtátie, ó꞉ni ne tsi kaniaʼtarénions, tánon sakahónhʼnien nʼotskwà꞉rhe nahontahatiʼratʼthen tánon thahonaʼwènhro ne tsi ionhontsáien ne Egypt.”

Isaiah 19:1

Nateriwanoʼtátshera ne aorihwàke Egypt. Satkátho, ne Roiá꞉ner ne rohonwí꞉sere ne tehiotsaʼtáka tánon wáhraʼwe ne Egypt nón꞉we; nahohiatonhniʼsónhas ne Egypt kwáh thenhiowí꞉shonkwe ne rahohénton, tánon ne raonerhiaʼnéshon ne Egyptró꞉nons kwáh enhotiʼwistanáwenhse ronhnonháke.

Isaiah 42:12

Ánion thón꞉ion ne kaiatanerakwáhtshera ne Roiá꞉ner, tánon rontʼró꞉ri ne kanonweratónhtsera ne tsi kawenhó꞉tons.

Jeremiah 13:16

Ehʼtsisehwahkwéniensts ne Roiá꞉ner, sehwaNí꞉io, Nohénton nahontaháhaʼwe ne tetiókaras, tánon enthisahsihʼtiá꞉ke ne tsi ionnonhtahrónnions; nohénton ne kwáh ahonthahakárasʼthe ne ne kaswatʼthétshera saskanékskwe.

Jeremiah 3:13

Nek khók sehrihwahnírat tsi sahníhkon tánon iáh thetiewenhnahráhkwen ne Roiá꞉ner sahNí꞉io. Sehrihwahnírat kwáh tsi niatekahrónthake ne áse nikahrontó꞉ten thisakʼkáhwenh ne sahnoronkwáhtshera tsi nòkwah ne káhnionk ní꞉ios ó꞉ni iáh tesahthewenhnahráhkwen nahkwatsiawenhrátsheras. Í꞉ih, ne Watiá꞉ner, wahkatháti.

Joel 2:25

Kwáh enskonkarhiákʼse né tsi nihioserákes né꞉tho rotihonwarenháwis tsistá꞉rare ronatetʼkwí꞉son, ne tehonhnitionkwáhkwa, ne sakonatónhtha, tánon ne ratinatsí꞉iaks; né꞉ne teionenhranonhiáni akitsiókwah ronhterí꞉ios í꞉ken, ne tsi nitekheiateniéhton ne shonhà꞉ke.

Jonah 3:9

Tóka seʼ nón꞉wa ne Rawenni꞉io tenshoterihwaté꞉nien; tóka seʼnón꞉wa enhátkaʼwe tsi nihonahkhwén꞉en, tánon iáh thaʼetewén꞉heie!”

Malachi 2:2

Tókaʼ iáh tesewatahonhsatáthe, Tókaʼ iáh tshiaesewá꞉ien ne sewerià꞉ne naesewaiaʼtanehrákwahte nakhsèn꞉na, rá꞉ton ne Sakoiá꞉ner ne ronterí꞉ios ratironhiaʼkehró꞉nonʼs, eʼthó꞉ne kiʼ ienkaténniehte ne kakaronniáhtsheraʼs ne tsonhá꞉ke tánon enkhétkenhte ne saiaʼtaterihtsheraʼs; kwáh í꞉ken tsi ó꞉nenk wakhetkénhton, tiorí꞉wa tsi iáh sewerià꞉ne tshiesewá꞉ien.

Numbers 33:4

né tsi nisakotiʼhiathatáronskwe ne thonatierénhton roʼnahnakeráton nètho Roiá꞉ner sakononhwariakhónhnion. Tsi ehʼnaháiere kí꞉ken, ne Roiá꞉ner warénesthe tsi sénha rahónha roʼshatstenserowánen tsi ní꞉ioht ne Egypt ahoniʼiohokónhas.

John 9:24

Ionsahonȣennonke kati onen oni neh ne tekenihaton, kehiken teharonȣekonne, nok ȣaonȣenhase: Niio letsenonȣeraton; ionkȣaterientare thohiken ronkȣe tsi onkȣetaksenskȣa.

Joshua 7:19

Ne Joshua wahawénhase, “Koniénha, orihwí꞉io satró꞉ri kén꞉en rahohénton ne Roiá꞉ner, ne Sakoní꞉io Nisraerʼró꞉nonke, tánon serihwaní꞉rat. Takró꞉ri ó꞉nenh tsi nishatié꞉ren. Tó꞉sa shatheʼniénten naskerihwasénhten.”

Revelation 11:13

É꞉tho nikaʼhá꞉wi teiotenonhianì꞉ton tsi watsaontsí꞉shonhkwe, tánon noierí꞉haton niekanónshote ne kaʼná꞉takon wakanonshiénnenhne; tsá꞉ta natehonhnenhniawehetsheráhsen niiá꞉kon wahakononwarhià꞉khon tsi wahatsaontsíshonkwe, tánon ne ronátiaʼkes tsi nahotiʼterónhne tánon taʼhón꞉ion ne kaiatanerakwáhtshera ne Raní꞉io ne karonhiá꞉ke.

Revelation 14:7

Tsi wahén꞉ron kwáh í꞉ken tsi rowénhte, “Tetserenhsá꞉ron ne Ní꞉io tánon tátion ne kaiatanerakwáhtsera, asè꞉ken ne kawistáhets ne raoriwenhthá꞉tsera ón꞉we aseken rahonha tensakohiatorente nonkweshonha. Senhnaien tsi rahonha roson tsi karonhiate oni tsi ionwenhsate, kaniatarakekowa, tanon ne tsi ionekotons nonekanos!”

Revelation 16:9

ne wahakonethentát꞉te ne kwáh í꞉ken ioʼtarí꞉hen, ók wahonwasenhnaiésate ne Ní꞉io, tsi niká꞉ien ne rokweniatsherá꞉ien tsi nokwáh kí꞉ken kanhratariné꞉tsheras, tánon iáh teshonatatrewá꞉ton ó꞉ni nahontahónhion kaiatanerakwáhtshera.

1 Samuel 5:11

Eʼthóhʼne iahonwahnaténieʼte tánon nashakotiʼiataróhroʼke skát꞉ne ratiʼkwé꞉kon ne Rotiʼiá꞉ners ne Philistine, tánon wahonní꞉ron, “Ionsaʼsewaténiet ne raoʼneró꞉kwa ne sakoʼNí꞉io NʼIsraerʼró꞉nons, tánon thóh ieskaʼiéntak tsi nón꞉we tionákte, nètho ne ne tó꞉sa aón꞉ton naionkwanonwahrhiákhon ó꞉ni nontsonkwetaʼókons.” Asèken ne ne kenhéiat tsi ní꞉iot tsi wahtsiaʼkaonhnarík꞉khon kwáh kaʼnatakwékon nontáweʼte ne kanatowahnénhke. Ne ratsanáke ne Ní꞉io kwáh í꞉ken tsi washakoteniakátsʼtatʼtshe neh nón꞉we.

1 Samuel 5:9

Nok ó꞉nen shiaʼhónwe thóh nón꞉we Gath, ne raotsá꞉na ne Roiá꞉ner tsi nahatʼkónten ne kanatowanénke, ne waʼkarihónhni teiotenonianíton tsi waʼthonnonhnaríkhon; ne waʼshakoiénʼte ne ienaʼkerón꞉nion ne kanatowá꞉kenʼke, kwáh ratiʼkwé꞉kon kenʼnithotiʼiónsas ó꞉ni ne thotí꞉ions, káti nètho takwahá꞉son waʼtewaréni ne waʼotinonwakʼtháten.

1 Samuel 6:8

Iasewáhaf ne raoʼneró꞉kwa ne Roiá꞉ner tánon thóh iasewá꞉ta wenhní꞉seresʼke, tánon kaʼnerókwakon sewatáron ietsiʼiatokerón꞉tat ne kaiatonhnisónhas nowistanó꞉rons í꞉ken, ne tsi ionshaʼtsisewateniéten ne ne kanhí꞉tshera tsi iekatá꞉ton. Eʼthó꞉ne iashesewaténiet, tánon háo tionhnónskwaron tiatirónten tsi nienhén꞉we.