1 Samuel 6:17 - Ohiatonhseratokénti

¹⁷ Neh kí꞉ken nowistanó꞉rons ne iotaʼkwarontónhnions, tsi niká꞉ien ne Philistines ieshotíha ne ne kaʼní꞉kon iehotiʼtáton raoʼhén꞉ton ne Roiá꞉ner: Skanatátʼtshons ahotiriwá꞉ke ne ne Ashdod, Gaza, Ashkelon, Gath, Ekron;

1 Samuel 6:17 ပူးပေါင်းရင်းမြစ်များ

2 Samuel 1:20

Tó꞉sa thóh nón꞉we iaserihhówahnat ne Gath nón꞉we, tó꞉sa serihʼhówahnat ne tsi tekanatokénserons ne Ashkelon; khéhs tó꞉sa sehrí꞉on nakoioʼokónʼahs ne Philistines nakontsenhnón꞉ni, ne sakotiʼioʼó꞉kons ne iáh tehonaʼtewarakwátarons kwáh enhontsenhnakaráthaʼte.

2 Samuel 21:22

Kí꞉ken kaiéri nihátikwe thóh nithonatwatsirínon ne ratikowanénhskwe thóh nón꞉we Gath; ne ronwatiʼnonwarhiakhónnion ne Táwit tánon ne raonkwetaʼshón꞉ahs.

2 Kings 1:2

Né Ronhnonhtí꞉io Ahaziah ne Israerʼró꞉nonke tsi ioskwénhnonte ne karonhkwénake ne tsi ronónhsohte tahahiáthenhne né꞉ne Samaria nónhwe tánon kwáh thóh tsi nahokaréwathe. Káti tó꞉ka niháti ne ratirihwakaré꞉nies iashakotóri nahonwanikonhrisákʼkha ne Baalzebub, né sakoní꞉io í꞉ken ne Philistine ne tsi kanatowanénke né꞉ne Ekron nónhwe,

2 Chronicles 26:6

Né Uzziah wahonterí꞉io ne Philistiaró꞉nons. Wahashontarihʼshiónko ne kanatowanénhke Gath, Jamnia, tánon ne Ashdod, tánon wahatenhenhronhniánions tsi watanathanátʼkons ne kanatowánens ákta ne Ashdod tánon ne kén iotsétons ne Philistiaró꞉nonhke.

Leviticus 5:7

Tó꞉ka iáh taskarakwéni ne teiotinakaronhtónʼa tó꞉ka ó꞉ni ne kahiatákeras, ónenk tsi entetsawíten ne Roiá꞉ner naskárhiakʼthe ne sarihwanerahák꞉tshera tekatsiʼtenhseráke tó꞉ka ó꞉ni tekenihiáse oríte, nénska né꞉ne karihwáneren tánon nó꞉ia né꞉ne watéskonʼte aorihwáke.

Amos 1:6

Ne kí꞉ken aorihwá꞉ke Ne Roiá꞉ner rá꞉ton: Aseʼken áhsen nieioterátston iorihwanéren ne Gaza, tánon kí ne kaieríhaton naorihwaneraʼáktshera kwáh kí nenʼneʼeh iáh thaʼtaonsonkaterihwaténien ne kahrewahtáhtshera; tiorí꞉wa tsi wahonwatiié꞉na tsi wahonwananakerákwahte kwáh ratinakerahserakwé꞉kon, né niahonwanahtsakwahríhshien ne Edom nón꞉we.

Amos 6:2

Iatetsá꞉hiat ne Calneh, tánon satkáto; thóh hionhsahsathénti kanatowanénhke ne Hamath nionhsáse; ethò꞉ne thóh hionhsahsathénti Gath nionhsáhse né꞉ne Philistiaró꞉nons ratotinatowanénhke. Sénha ken ne ioiáneres tsi ní꞉ioht kí꞉ken kanakeráhseras? Khés í꞉se ken sénha sanakerahserowá꞉nen tsi ní꞉ioht ne rahotinakeráhsera,

Deuteronomy 28:27

Ne Roiá꞉ner enhtathéniete nahisatkarotakwaronhthásehron, tsi nishakoié꞉raʼse ne Egyptró꞉nons. Ne enrón꞉niate ne tierón꞉ke nahishakararénhseron. Tsathakwé꞉kon ensenhstaronhniónhne, tánon ensharónhkwen, ók kwáh ki iáh othé꞉nen thakanonhkwahtseraiéntake.

Judges 1:18

Né Roiá꞉ner washakoiénawaʼse nonhkweshón꞉as ne Judahró꞉nons, tánon wahontsénawasʼthe ne ionhniarónhnion kanakerahserá꞉iens, ó꞉ni ne Gaza, Ashkelon, ó꞉ni ne Ekron ó꞉ni ne aktónhtse kanakeraseraʼkérons. Ki ken onhkweshón꞉as ne kaniataratʼthontse ratinakerénions né nènhne rothiserethaiéntons ne karístatis otsónkwas, káti ne Judahró꞉nons iáh kíʼ tehothikwénion nashakotihiatinekénʼen.

Judges 14:19

Thontahiawénstsi ne Roiá꞉ner rahoshastsʼténhsera wahoshastsʼténhseron, tánon Ashkelon nónhwe niaháre, thóh nónhwe asenhniwáhsen niháti roʼnónhkwe iashakononhwariákon, washakosehronhniáshon, tánon né tashá꞉kaʼwe ne ronhnónhkwe ne iahatíheʼwe ne tekarihwakentónhkwen. Ethòne ónen, sahathénhti, ronakwenhenhátie tsi nahá꞉wenhne,

Judges 16:1

Énska wenhniseráthekwe ne Samson rahotináthakon ne Philistiaró꞉nons ne Gaza nónhwe niahá꞉re, thóh nónhwe iorihwahiathatónhon iathiatátken tánon skát꞉ke wahiárathe.

Judges 16:21

Ne Philistiaró꞉nons wahonwaiéna tánon wathonwakaratháko. Gaza niahonwahiaténhawe, wahonwaronhkwahsanerénkʼkhon né꞉ne tehiotwístaron otsínekwar, tánon wahonwahiótensthe onátsa wahát꞉thete ne tsi ionhthatenonhthónkwah.

1 Samuel 5:1

Nó꞉nen ne Philistine sahatiʼié꞉na ne raoʼneró꞉kwa ne Ní꞉io, Ebenezer nón꞉we tahatíhaʼwe tsi niahón꞉ne Ashdod;

1 Samuel 5:10

Káti Ekron nón꞉we iahonténieʼte ne raoneró꞉kwa ne sakoʼNí꞉io NʼIsraerʼró꞉nons. Ók nó꞉nen ne raoneró꞉kwa ne Ní꞉io iahón꞉we Ekron, nonkweʼókons ne Ekron kwáh watsiakohénrete, “Nontiéren tsi ontsónhake nontahatíhawe ne raoneró꞉kwa ne sakoʼNí꞉io NʼIsraerʼró꞉nons ne kén naionkhinonwarhiákhon ó꞉ni nontsonkwetaʼókons?”

1 Samuel 5:8

Káti iahonwanaténieʼte tánon ashakotiʼiataró꞉rohke ratikwé꞉kon ne Roʼtiiá꞉ners ne Philistines, tánon wahonní꞉ron, “Ó꞉kwa nahitewá꞉iere ne raoneró꞉kwa ne sakoʼNí꞉io NʼIsraerʼró꞉nons?” Ne Gath nón꞉we nihatinákere wathatiriwaserá꞉ko, “Há꞉ʼo ne raoneró꞉kwa ne Ní꞉io kénʼen niekahá꞉hak tsi tewaná꞉kere.” Sók kiʼ ne raoneró꞉kwa ne sakoʼNí꞉io NʼIsraerʼró꞉nons Gath niahatíhawe.

1 Samuel 6:4

Tánon wahonní꞉ron, “Nahó꞉ten nenhnéʼe ne kaní꞉kon teieriwaserakwátha nètho ne kwáh iahonsetewaténieʼte ne raonháke?” Waʼthatirihwaserá꞉ko, “Wísk ní꞉kons ohwistanó꞉rons takwahá꞉sons tánon wísk ní꞉kons ohwistanó꞉rons ohtsiʼnionká꞉rons, ne enhioianénhaʼwe tsi nihá꞉ti ne rotiʼiá꞉ners ne Philistines; asèken kwáh ne shaʼkánra tsi sewaʼkwé꞉kon wesewahiatórenhne tánon waʼohtiʼiatórenhne ne sewaiá꞉ners.