1 Samuel 5:6 - Ohiatonhseratokénti

⁶ Ne Roiá꞉ner wahshakoteʼniakátsʼtatshe nonkweʼó꞉kons ne Ashdod nón꞉we, tánon waʼshakoteronkwenhniónhaʼse ó꞉ni waʼshakóienʼte ne takwaʼáhson, tetsá꞉ron thóh nón꞉we Ashdod tánon ne tsi waʼtonhontsá꞉ien.

1 Samuel 5:6 ပူးပေါင်းရင်းမြစ်များ

Genesis 41:31

Tsi niió꞉kwatskwe kwáh iáh ohthé꞉nen thaonsakaierón꞉nike ne tsi ionhwentsá꞉ien tiorí꞉wa natonhkariá꞉kon enkarihón꞉ni tsi niiawénhsere, aseʼkénh kwáh í꞉ken tsi enioʼserá꞉ʼehste.

Job Tánon ne Raoronhiakensera 31:3

Iáh ken natkaronhniá꞉tshera teotí꞉ras ne ronhnonkweʼtahétkens, tánon natkaronhniátshera ne rotí꞉ras tsi nihiá꞉kon ne ne rotiiò꞉tens ne karihwahetkénhsera?

Psalms 145:20

Ne Roiá꞉ner sakonikonhraráhtses ratikwékon ne ronhwanorónhkwa, ók ratikwékon ne ronhnonkwetahétkens tsi ensakótonhte.

Psalms 147:6

Né Roiá꞉ner sesakokétswas ne tehiontonhnakárias; ne hionkwetahétkens ohontsáke iesakoiatónhtses.

Psalms 32:4

Tsi niwenhnísehres ó꞉ni tsi niwahshóntes tsi wahsekrehwahthe, Saiá꞉ner; kwáh iáh othènen teséts꞉thakwe, kwáh tsi ní꞉ioht notsítsa tsi wastátʼthens nó꞉nen kwáh iorakwahtaríhen nakenhnáke nikaháwi. Selah

Psalms 78:66

Iosáts꞉te tsi ní꞉ioht tsi waʼsakóiente ne ronwaʼshón꞉s, tánon tsi naʼsakohianotási tsi nonsahontèko, tánon tsi nasakotéhate né꞉ne tsi nénhwe enkénhake.

Exodus 9:3

kwáh enkonhréwahʼte tsi ienkaté꞉nieʼte ne kannrahtariné꞉tsheras kwáh tentsiakoró꞉rohʼke tsi níkonh shatshenenókons—ne kosáhtens, tewahòntes, ioʼtiniaʼkwáhere, tioʼnónskwahrons, teiotinahkarontónʼa, ó꞉ni kaiaʼtákeras.

Acts 13:11

Ne Roiá꞉ner kwáh ónenk enhiaréwathe; tenserónweke tánon kwáh thóh tsi nikaríwes iáh tahonsahsatʼkátho ne teioswátʼthe.” Kwáh osákak ne Elymas tahosaténhne onteró꞉roke rakáraʼke, tánon wahréson aktóntses ratenénhta nónhkak asakoiatatʼtsénhri nahonwanenhtsí꞉ne.

Deuteronomy 28:27

Ne Roiá꞉ner enhtathéniete nahisatkarotakwaronhthásehron, tsi nishakoié꞉raʼse ne Egyptró꞉nons. Ne enrón꞉niate ne tierón꞉ke nahishakararénhseron. Tsathakwé꞉kon ensenhstaronhniónhne, tánon ensharónhkwen, ók kwáh ki iáh othé꞉nen thakanonhkwahtseraiéntake.

1 Samuel 5:11

Eʼthóhʼne iahonwahnaténieʼte tánon nashakotiʼiataróhroʼke skát꞉ne ratiʼkwé꞉kon ne Rotiʼiá꞉ners ne Philistine, tánon wahonní꞉ron, “Ionsaʼsewaténiet ne raoʼneró꞉kwa ne sakoʼNí꞉io NʼIsraerʼró꞉nons, tánon thóh ieskaʼiéntak tsi nón꞉we tionákte, nètho ne ne tó꞉sa aón꞉ton naionkwanonwahrhiákhon ó꞉ni nontsonkwetaʼókons.” Asèken ne ne kenhéiat tsi ní꞉iot tsi wahtsiaʼkaonhnarík꞉khon kwáh kaʼnatakwékon nontáweʼte ne kanatowahnénhke. Ne ratsanáke ne Ní꞉io kwáh í꞉ken tsi washakoteniakátsʼtatʼtshe neh nón꞉we.

1 Samuel 5:7

Tánon nó꞉nen ne ienákere ne Ashdod waʼhontʼkátho tsi niʼiotonhátie, waʼhonní꞉ron, “Ne raoʼneró꞉kwa ne sakoʼNí꞉io Israerʼró꞉nons iáh teiówenk ní꞉i ahitewatiénawasʼte; asèken wahshonkwateniakátsʼtatshe tánon rahonhá꞉ke nonkwaʼní꞉io Dagon.”

1 Samuel 5:9

Nok ó꞉nen shiaʼhónwe thóh nón꞉we Gath, ne raotsá꞉na ne Roiá꞉ner tsi nahatʼkónten ne kanatowanénke, ne waʼkarihónhni teiotenonianíton tsi waʼthonnonhnaríkhon; ne waʼshakoiénʼte ne ienaʼkerón꞉nion ne kanatowá꞉kenʼke, kwáh ratiʼkwé꞉kon kenʼnithotiʼiónsas ó꞉ni ne thotí꞉ions, káti nètho takwahá꞉son waʼtewaréni ne waʼotinonwakʼtháten.