1 Samuel 5:10 - Ohiatonhseratokénti

¹⁰ Káti Ekron nón꞉we iahonténieʼte ne raoneró꞉kwa ne sakoʼNí꞉io NʼIsraerʼró꞉nons. Ók nó꞉nen ne raoneró꞉kwa ne Ní꞉io iahón꞉we Ekron, nonkweʼókons ne Ekron kwáh watsiakohénrete, “Nontiéren tsi ontsónhake nontahatíhawe ne raoneró꞉kwa ne sakoʼNí꞉io NʼIsraerʼró꞉nons ne kén naionkhinonwarhiákhon ó꞉ni nontsonkwetaʼókons?”

1 Samuel 5:10 ပူးပေါင်းရင်းမြစ်များ

2 Samuel 7:9

tánon ní꞉i kwáh tenikweʼkonhátsies tsi nón꞉we nienhénse, tánon kwáh khesén꞉nion ratikwéʼkon ne ieshá꞉sons ne sahén꞉ton rónhnes; tánon ní꞉i kwáh enkonsennówanahte, kwáh tsi nihotisenhnótens ne ratisennhowánens ne tsi ionwentsá꞉te.

2 Kings 1:2

Né Ronhnonhtí꞉io Ahaziah ne Israerʼró꞉nonke tsi ioskwénhnonte ne karonhkwénake ne tsi ronónhsohte tahahiáthenhne né꞉ne Samaria nónhwe tánon kwáh thóh tsi nahokaréwathe. Káti tó꞉ka niháti ne ratirihwakaré꞉nies iashakotóri nahonwanikonhrisákʼkha ne Baalzebub, né sakoní꞉io í꞉ken ne Philistine ne tsi kanatowanénke né꞉ne Ekron nónhwe,

1 Chronicles 7:21

Zabad, Shuthelah, Ephraim tenihiáse ronekenteronhtseraiéntaʼkwe tieshá꞉te ne Shuthelah: Ezer tánon ne Elead, ronhwatinonwariákon nó꞉nenh sahiatenénhten nahonwatiʼnaskwahnénhsko né ratinakerehónwe ne Gath.

Amos 1:8

Kwáh enhinonhwariá꞉kon ne rakó꞉ra ne Ashdod, tánon tsi niká꞉ien ne raʼnhiénhawe ne rakó꞉ra raóʼnhia ne Ashkelon nón꞉we; kwáh enkré꞉wahte ne kanatowanèn꞉ke ne Ekron, tánon tsi nihá꞉ti ne Philistiaró꞉nons iaʼtenhonatatén꞉ronke tsi enhonníheie, rá꞉ton ne Roiá꞉ner Rawenni꞉io.

Amos 6:2

Iatetsá꞉hiat ne Calneh, tánon satkáto; thóh hionhsahsathénti kanatowanénhke ne Hamath nionhsáse; ethò꞉ne thóh hionhsahsathénti Gath nionhsáhse né꞉ne Philistiaró꞉nons ratotinatowanénhke. Sénha ken ne ioiáneres tsi ní꞉ioht kí꞉ken kanakeráhseras? Khés í꞉se ken sénha sanakerahserowá꞉nen tsi ní꞉ioht ne rahotinakeráhsera,

Joshua 13:3

ó꞉ni tsi tkanakerahserá꞉ien ne Avvim nenhtiè꞉ne nokwá꞉ti. (Ne iohontsá꞉ien tsi nitiawé꞉non ne kahionhatátie Shihor, ne tsit karistatátie ne Egypt, kwáh tsi nió꞉re nothorè꞉ke nokwá꞉ti tkaristatátie ne Ekron, akénhake né꞉ne Canaanite; ne ronhtinontí꞉ios Philistines ratinákereʼkwe ne Gaza, Ashdod, Ashkelon, Gath, ó꞉ni ne Ekron.)

Joshua 15:11

Ne tsi karistatátie thóh nionhsáwe tsi ionhniarónhnion ne othorè꞉ke nokwá꞉ti ne Ekron, hiatkahiósaien ne Shikkeron, hiahontó꞉hetste ne tsi Ionónhte ne Baalah, thóh nionhsáwe Jamnia. Iat꞉taʼne ne Mediterranean Kaniatarakeʼkó꞉wa,

Joshua 15:45

Ne ó꞉ni ne Ekron nahonataʼshón꞉as tánon ne kenʼnikanatà꞉sas,

Judges 1:18

Né Roiá꞉ner washakoiénawaʼse nonhkweshón꞉as ne Judahró꞉nons, tánon wahontsénawasʼthe ne ionhniarónhnion kanakerahserá꞉iens, ó꞉ni ne Gaza, Ashkelon, ó꞉ni ne Ekron ó꞉ni ne aktónhtse kanakeraseraʼkérons. Ki ken onhkweshón꞉as ne kaniataratʼthontse ratinakerénions né nènhne rothiserethaiéntons ne karístatis otsónkwas, káti ne Judahró꞉nons iáh kíʼ tehothikwénion nashakotihiatinekénʼen.

1 Samuel 17:52

Ne konwaterí꞉iose Israeronónke ó꞉ni ne Judah tontahatítahne tsi nathotihénrehte tánon wahonwatísehre ne Philistiaró꞉nons kwáh tsi niʼió꞉re ne Gath tánon ne tsi tsiotenhenrakaróntons ne Ekron, káti nèthoh ne ronatʼkaréhwatons ne Philistiaró꞉nons wahatiʼiatsenénhseron tsi nihiohá꞉hes thóh tontáhsawen Shaaraimʼke kwáh tsi niʼió꞉re ne Gath ó꞉ni Ekron.

1 Samuel 5:11

Eʼthóhʼne iahonwahnaténieʼte tánon nashakotiʼiataróhroʼke skát꞉ne ratiʼkwé꞉kon ne Rotiʼiá꞉ners ne Philistine, tánon wahonní꞉ron, “Ionsaʼsewaténiet ne raoʼneró꞉kwa ne sakoʼNí꞉io NʼIsraerʼró꞉nons, tánon thóh ieskaʼiéntak tsi nón꞉we tionákte, nètho ne ne tó꞉sa aón꞉ton naionkwanonwahrhiákhon ó꞉ni nontsonkwetaʼókons.” Asèken ne ne kenhéiat tsi ní꞉iot tsi wahtsiaʼkaonhnarík꞉khon kwáh kaʼnatakwékon nontáweʼte ne kanatowahnénhke. Ne ratsanáke ne Ní꞉io kwáh í꞉ken tsi washakoteniakátsʼtatʼtshe neh nón꞉we.

1 Samuel 5:9

Nok ó꞉nen shiaʼhónwe thóh nón꞉we Gath, ne raotsá꞉na ne Roiá꞉ner tsi nahatʼkónten ne kanatowanénke, ne waʼkarihónhni teiotenonianíton tsi waʼthonnonhnaríkhon; ne waʼshakoiénʼte ne ienaʼkerón꞉nion ne kanatowá꞉kenʼke, kwáh ratiʼkwé꞉kon kenʼnithotiʼiónsas ó꞉ni ne thotí꞉ions, káti nètho takwahá꞉son waʼtewaréni ne waʼotinonwakʼtháten.

1 Samuel 6:1

Ne raoneró꞉kwa ne Roiá꞉ner thóh kaiéntaʼkwe raoʼtinakeraserákon ne Philistine tsá꞉ta niwenhní꞉take.