1 Samuel 4:9 - Ohiatonhseratokénti

⁹ Sewanikonranirón꞉hak, tánon rón꞉kwe kénhak, Ó Philistines, sewatatʼkwatáko ne tó꞉sa aietsinaskónhni ne Hebrews kwáh tsi niiót ní꞉i tsi ietinaskónhnisʼkwe; rón꞉kwe kénhak tánon sewaterí꞉io.”

1 Samuel 4:9 ပူးပေါင်းရင်းမြစ်များ

2 Samuel 10:12

Sesháststet, tánon áhnion ionkenihnikonrhatsanitónhak ne raotiriwá꞉ke akénhake nontionkwetaʼshón꞉ahs, tánon ne raotirihwá꞉ke akénhake ne raonatowanenhshón꞉ahs nònkwah Ní꞉io; tánon aiáwenhs ne Roiá꞉ner thóh nahá꞉iere tsi nahó꞉ten akénhake ioiá꞉ner ne raoriwá꞉ke.”

Isaiah 14:2

Tánon ne ronhnonhonʼtsakerónons kwáh ienhonwatiʼiathénhaʼwe tánon tsi thatiʼterónhton nón꞉we ienhonwatiʼiathénhaʼwe, tánon tsi ronónshoʼte ne Israel kwáh ensakotiénawasʼte ne ronnonhontsaʼkerónons ne ne rotiskenrakéte tánon ne tsonatʼthonwísens kontiná꞉tsheras ne tsi rahonhontsáien ne Roiá꞉ner; kwáh kí ensakotiʼienenháton tsi nikáien ne ronwatiʼiénaskwe, tánon ensakonatʼkóraste tsi nikáien ne ronwatironhiakéntha.

Isaiah 33:1

Áh, í꞉se ne sehiatónhtha, ní꞉se iateshiá꞉ti khók iáh teiesatónhton; í꞉se nènska ne satonkwetátʼteron, iáh ónhka ní꞉se teiesathenhnínon! Nó꞉nen ensát꞉kaʼwe tsi sehiathón꞉tha, kwáh kí thó꞉ne ní꞉se eniesathón꞉te; tánon nó꞉nen ensát꞉kaʼwe tsi né saterihwahthéntsaton naʼsehiathenhnínon, kwáh kí thó꞉ne ní꞉se entsesathenhnínon.

1 Corinthians 16:13

Sewahtatennikonráhren, sewahriwahnirónhak tsi nónwah ne tewetákwen, sewahnikonrahtianitónhak, sewahshát꞉tet.

Judges 10:7

Káti ne Roiá꞉ner wasakonákwahse Nisraerʼró꞉nons, tánon washakoríhon ne Philistiaró꞉nons tánon ne Ammonró꞉nons nahonwatisénhni.

Judges 13:1

Á꞉re nʼIsraerʼró꞉nons Sahatirihwánerake tsi nòkwah ne Roiá꞉ner, tánon washakoríhon ne Philistiaró꞉nons rahonwanatkórasthe né꞉ne kairihniwá꞉senh nihioseráke nikaríhwes.

1 Samuel 14:21

Nón꞉wa ne Hebrews ne roʼnón꞉ha nohén꞉ton ratikweʼkonhá꞉tieskwe ne Philistines skát꞉ne niehonénon tsi tonatená꞉taièn wathonwanatʼkaraténien tánon ne sahonwanatsatáraʼse NʼIsraerʼró꞉nons tsi nikáien ronwanonterátieskwe Saul tánon ne Jonathan.

1 Samuel 4:8

Ionkwententá꞉sere! Ónka entsonkiniá꞉kenʼte tsi nó꞉kwah ne kí꞉kens raní꞉ios? Ne kí꞉kens ne ratiní꞉ios ronón꞉ha ne sakotiʼién꞉ton ne Egyptró꞉nons ne kwáh niaʼtékon í꞉ken kannratarinétsheras thóh nón꞉we iahonwenhtsiaʼthénhake.